«Ҳозирча йўқ, лекин кўрамиз»: Зеленский Қримнинг қайтарилиши ҳақидаги саволга жавоб берди
Журналист ундан «Қрим музокаралар кун тартибига қайтдими ёки йўқ?» дея сўради.
© Videodan kadrУкраина президенти Воладимир Зеленский Қримнинг Киев назоратига қайтиши масаласи ҳозирча тинчлик музокаралари жараёнининг бир қисми эмаслигини, бироқ бу позиция ўзгариши мумкинлигини айтди. Бу ҳақда у «Fox News» телеканалига берган интервюсида маълум қилди.
Мухбирнинг «Қрим музокаралар кун тартибига қайтдими?» деган саволига Украина раҳбари: «Афсуски, йўқ. Ёки ҳозирча йўқ. Лекин кўрамиз», дея жавоб қайтарган.
Вашингтондаги учрашувлар ва дипломатик ечим
Зеленский ушбу баёнотни Вашингтонда АҚШ президенти Доналд Трамп ва сенаторлар билан ўтказилган музокаралардан сўнг берди.
Америка оммавий ахборот воситаларининг ёзишича, бу сафар давомида Зеленский Вашингтонни Украина урушда ғалаба қозониши мумкинлигига ишонтира олган.
Аввалроқ Зеленский Украина Қримнинг Россия томонидан аннексия қилинишини юридик жиҳатдан тан олмаслигини, бироқ яриморолни амалда қайтариш масаласи фақат дипломатик йўл билан ва урушдан кейинги келажакда ҳал қилиниши мумкинлигини бир неча бор таъкидлаган эди.
Хусусан, 2024 йилда Украина президенти: «Биз ҳозирча Путинни қурол билан 1991 йилги чегараларга суриб ташлаш учун етарли кучга эга эмаслигимизни тушунамиз», дея таъкидлаган бўлган.
