Илон Маск 600 миллиард долларлик бойликка эга биринчи инсон бўлди

16.12.2025 | 10:152 daqiqa

SpaceX қийматининг кескин ўсиши Маскни тарихдаги энг бой инсон сифатида янги босқичга олиб чиқди.

Илон Маск 600 миллиард долларлик бойликка эга биринчи инсон бўлди

SpaceX ва Tesla асосчиси Илон Маск 600 миллиард доллардан ортиқ бойликка эга бўлган тарихдаги биринчи инсонга айланди. Forbes маълумотига кўра, Маскнинг умумий активлари қиймати сўнгги ойларда компаниялари баҳосининг тез ўсиши ортидан кескин ошган. Бу натижа уни дунёдаги илк доллар триллионери бўлиш эҳтимолига янада яқинлаштирмоқда.

Октябр ойида Маск бойлиги 500 миллиард долларга етган илк шахс сифатида қайд этилган эди. Декабр ўртасида эса у асос солган SpaceX компанияси 800 миллиард долларга баҳоланди. Бу кўрсаткич август ойида 400 миллиард доллар атрофида бўлган, яъни қисқа вақт ичида компания қиймати икки баробарга ошган.

Маск SpaceX акцияларининг 42 фоизига эгалик қилади. Шу боис компания баҳосининг ўсиши унинг шахсий бойлигини 168 миллиард долларга кўпайтириб, тахминан 677 миллиард долларга етказган. Ҳозирда SpaceX’даги улуши 336 миллиард доллар деб баҳоланиб, бу Маск активлари орасида энг қиммат ҳисобланади.

Компания 2026 йилда биржага чиқишни режалаштирмоқда. Мутахассислар SpaceX’нинг эҳтимолий IPO’си тарихдаги энг йирик жойлашувлардан бири бўлиши мумкинлигини таъкидламоқда. Айрим таҳлилчиларга кўра, ҳатто IPO ўтказилмаса ҳам, компаниянинг ҳозирги баҳоси Маскни дунёдаги энг бой инсон сифатида мустаҳкамлаб қўяди.

Илон Маскнинг Tesla’даги 12 фоизлик улуши 197 миллиард долларга баҳоланмоқда. Шунингдек, Grok чат-ботини яратган xAI Holdings компанияси 230 миллиард долларлик қиймат билан янги инвестиция жалб қилиш бўйича музокара олиб бормоқда. Таҳлилчилар 2027 йилга бориб Маск дунёдаги илк доллар триллионерига айланиши мумкинлигини истисно этмаяпти.

Teglar

Tesla Илoн Маск Инвестиция SpaceX миллиардер

Mavzuga oid

Kecha 16:05

Олтин учун сўнгги 6 йилдаги энг ёмон ҳафта кузатилди. Сектор акцияларига инвестиция қилишда истиқбол қолдими?

Олтиндаги пасайишдан фойдаланиб «паст нархда харид қилиш» стратегияси ҳозирча юқори хавфлар билан боғлиқ. Қисқа муддатли техник тикланишлар яна пасайишнинг давом этиши билан алмашиши мумкин.

Kecha 13:30

Қурол ва хакерлар: Шимолий Кореянинг валюта тушумлари сўнгги 8 йилдаги энг юқори даражага чиқди

Ким Чен Ин режими киберҳужумлардан йилига камига 1 млдр доллар даромад топиши ҳамда Россияга тахминан 14 млрд долларлик қурол ва ҳатто ҳарбий кучлар юборгани айтилади.

19.03.2026 | 17:43

Россияда бюджет тақчиллиги кучаймоқда: нефт нархининг ошиши ҳам вазиятни ўнглай олмаяпти

Россия иқтисодиёти «мукаммал бўрон» ичида қолди. Мамлакат федерал бюджетида рекорд даражадаги тақчиллик кузатилиб, ҳукумат харажатларни мажбурий қисқартириш чораларини кўрмоқда.

19.03.2026 | 21:30

«Бепул» суиқасднинг аччиқ баҳоси: Исроил АҚШни «ботқоққа ботирди»

Лорижонийнинг ўлими ортидан АҚШ ва Эрон ўртасидаги келишув эҳтимоли йўққа чиқди. Исроилнинг сўнгги уч ҳафтадаги ҳаракатлари мантиғига таянилса, «ўлим рўйхати»даги навбатдаги нишонлар — Арақчи ва Пизишкиён.

19.03.2026 | 17:24

Пентагон Эрон билан уруш учун яна 200 млрд доллар сўрамоқда – WP

АҚШ Мудофаа вазирлиги сўнгги икки ҳафта ичида Оқ уйга Эрон билан урушни янада молиялаштириш бўйича бир нечта моделларни таклиф қилган. АҚШнинг қурол-яроғ захиралари сезиларли даражада камайган.

Kecha 09:00