ЖЧ-2026 старт олди. Четлатишларга бой очилиш ўйинида Мексика ЖАРни мағлуб этди

11 июн куни Мехикодаги баҳс билан 23-Жаҳон чемпионати бошланди.

Турнирнинг илк ўйинида мезбонлардан бири Мексика Жанубий Африка республикаси жамоасини ишончли тарзда мағлубиятга учратди. Кинонес 2026 йилги мундиалнинг илк голига муаллифлик қилган бўлса, Хименес боши билан тўп киритган ҳолда жамоасининг ғалабасини мустаҳкамлади.

Шу тариқа Мексика 8-уринишда Жаҳон чемпионатини 3 очко билан бошлади. Жамоа бунгача қатнашган 7 та мундиалининг биринчи турида ғалаба қозона олмаганди (5 мағлубият, 2 дуранг).

Эътиборлиси, очилиш ўйинида ноёб натижа қайд этилди — 3 бор қизил карточка кўрсатилди. Жаҳон чемпионатларининг илк ўйинларида ҳеч қачон бундай воқелик кузатилмаганди.

Гуруҳнинг иккинчи баҳсида Жанубий Корея ва Чехия ўзаро тўқнаш келади.

ЖЧ-2026. А гуруҳи. 1-тур
Мексика – ЖАР 2:0
11 июн. Мехико. «Ацтека»
Голлар: Хулиан Кинонес (9), Раул Хименес (67).
Мексика – Ранхел, Рейес, Монтес, Васкес, Галярдо, Фидалго (Мора, 66), Лира (Алварес, 76), Гутиеррес (Чавес, 66), Алварадо, Кинонес (Вега, 79), Хименес (Гонсалес, 76).
ЖАР – Уилямс, Окон, Мудау, Сибиси, Мбокази, Мокуна, Ситоле, Адамс (Зване, 61), Модиба (Апполлис, 77), Фостер (Мбата, 56), Райнерс (Макгопа, 77).
Огоҳлантиришлар: Мокуеа (17), Гутиеррес (23), Сибиси (74).
Четлатишлар: Монтес (90+2) – Ситоле (49), Зване (84).