Келишувларни инвестициялар, замонавий корхоналар ва янги иш ўринларига айлантиришимиз керак — Саида Мирзиёева

Bugun 11:151 daqiqa

Шавкат Мирзиёев ва АҚШ давлат котиби Марко Рубио иштирокида Америка–Ўзбекистон ишбилармонлик ва инвестиция кенгашининг йиғилиши ўтказилди. Администрация раҳбари Саида Мирзиёева АҚШ билан ҳамкорликда энди асосий эътибор келишувларни амалиётга татбиқ этишга қаратилишини таъкидлади.

Келишувларни инвестициялар, замонавий корхоналар ва янги иш ўринларига айлантиришимиз керак — Саида Мирзиёева

Ўзбекистон президенти Шавкат Мирзиёев ва АҚШ давлат котиби Марко Рубио иштирокида Америка–Ўзбекистон ишбилармонлик ва инвестиция кенгашининг йиғилиши бўлиб ўтди. Унда юздан ортиқ компания вакиллари қатнашди.

Тадбирда икки мамлакат ўртасида сармоя киритиш, бизнесни ривожлантириш ва қўшма лойиҳаларни амалга ошириш имкониятлари муҳокама қилинди.

Президент администрацияси раҳбари Саида Мирзиёева Кенгашнинг ташкил этилиши Ўзбекистон ва АҚШ ўртасидаги шерикликни кенгайтириш учун янги имкониятлар очишини таъкидлади. У билдирилган ишонч учун Ўзбекистон президентига миннатдорлик изҳор қилди.

Шунингдек, Мирзиёева мазкур ташаббусни қўллаб-қувватлагани ва Ўзбекистон билан ҳамкорликни ривожлантиришга тайёрлиги учун АҚШ давлат котиби Марко Рубио, унинг рафиқаси Жанетт ҳамда Сержио Горга миннатдорлик билдирди.

«Энди олдимиздаги асосий вазифа — эришилган ушбу келишувларни аниқ амалий натижаларга, яъни инвестициялар, замонавий корхоналар ва янги иш ўринларига айлантиришдир. АҚШ билан ҳамкорликни ривожлантиришдан кўзлаган мақсадимиз ҳам шу», — деди Саида Мирзиёева.

Teglar

бизнес Саида Мирзиёева АҚШ ҳамкорлик инвестиция иқтисодиёт

Mavzuga oid

Kecha 13:35

«8 фоизлик ўсиш — бу ажойиб кўрсаткич»: Рубио Регистонда Ўзбекистон ҳақида нималар деди?

Журналистларга берган интервюсида у Украина уруши ва Вашингтоннинг минтақавий ҳамкорлик режалари ҳамда Доналд Трампнинг Ўзбекистонга эҳтимолий ташрифига ҳам тўхталиб ўтди.

Kecha 19:00

Рубионинг Ўзбекистондаги илк куни қандай ўтди?

Америка ташқи сиёсат идораси раҳбари дастлаб Регистонни зиёрат қилди. Шундан сўнг журналистларнинг саволларига жавоб бериб, Трампнинг Ўзбекистонга келиши ҳақида гапирди. Қолаверса, журналистлардан бирига мамлакатда ўзбек тили расмий тил эканини эслатди. Америкалик меҳмон республика иқтисодиёти жадал ўсиб бораётганини айтиб, ўз ватанидаги компаниялар ҳам бунга қизиқиб қолганини таъкидлади.

16.10.2026 | 21:22

Комил Алламжонов АҚШ Миллий хавфсизлик кенгашининг катта директори билан учрашди

Учрашувда Марко Рубионинг Ўзбекистонга ташрифи, «C5+1» учрашуви ва Самарқандда ўтказиладиган G20 саммити кун тартиби муҳокама қилинди.

Kecha 18:57

Марко Рубио: «Самарқанд глобал савдода тарихан муҳим роль ўйнаган»

АҚШ Давлат котиби Ўзбекистон билан ҳамкорлик ва янги имкониятлар ҳақида фикр билдирди.

Kecha 22:51

Ўзбекистон ва АҚШ $12 млрдлик келишувга эришди: Мирзиёев Марко Рубио ва Сержио Горни мукофотлади

Америкалик дипломатларга «Буюк хизматлари учун» ва «Дўстлик» орденлари топширилди.

Kecha 11:25

«Миллиардлаб долларлик келишувлар имзоланади» — Марко Рубио

Президент Администрацияси раҳбари Саида Мирзиёева ва АҚШ давлат котиби Марко Рубио Регистон майдонида журналистлар олдига бирга чиқди. У ўз сўзини Ўзбекистон томонига самимий қабул ва меҳмондўстлик учун миннатдорлик билдиришдан бошлади.