Ўзбекистон июнь ойида ҳам олтин сотмади

Bugun 20:552 daqiqa

Мамлакат сўнгги 9 ой давомида фақат апрель ойида олтин сотувини амалга оширди. Бу пайтда экспорт 8,8 фоизга камайиб кетди.

Июнь ойида Ўзбекистон яна олтин экспорт қилмади. Умумий экспорт ҳажми ўтган йилнинг мос даврига нисбатан 8,8 фоизга камайиб кетди. Бу ҳақда Миллий статистика қўмитасининг ташқи савдо бўйича ҳисоботидан маълум бўлди.

2026-йилнинг биринчи ярмида мамлакат ташқи савдо айланмаси 41 млрд долларга етди ва 2025-йилнинг мос даврига нисбатан 2,8 млрд долларга ёки 7,4 фоизга кўпайди.

Ташқи савдода экспорт ҳажми ўтган йилга нисбатан 8,8 фоизга камайиб, 15,9 млрд долларни ташкил қилди. Импорт эса 21 фоизга ўсиб, 25,1 млрд долларга етди.

Бунда Ўзбекистон ташқи савдосида салбий сальдо 9,3 млрд долларгача кўпайди. Таққослаш учун, 2025-йилнинг мос даврида бу кўрсаткич 3,4 млрд долларни, 2024-йилда 5,7 млрд долларни ташкил қилганди.

Экспорт камайиши ва салбий сальдо кўрсаткичи ошишига олтин экспорти деярли тўхтатилгани сабаб бўляпти. Охирги 9 ой давомида Ўзбекистон фақатгина 2026-йилнинг апрель ойида олтин экспортини амалга оширди — 1,5 млрд доллар.

Шунга қарамай, олтинни ҳисобга олмаганда экспорт ўтган йилнинг мос даврига нисбатан 28,7 фоизга ўсиб, 8,2 млрд долларни ташкил қилди. 2025-йил ярмида Ўзбекистон 6,5 млрд долларлик олтин сотганди.

Нега олтин экспорт қилинмаяпти?

Ўзбекистон аввалги йилларда олтиннинг фаол экспортёри эди. Бироқ геосиёсий нотинчликлар ва иқтисодий вазият фонида олтин нархлари сезиларли ўзгаришни бошлади.

2025-йил давомида олтин бир неча бор тарихий рекордларни янгилади. Жаҳон бўйича нархлар 70 фоиздан кўпроқ ошган бўлса, олтин қуймалари ҳам ўсишда давом этди ва жозибадор сармоя воситасига айланди.

Январь ойига келиб, олтиннинг унциядаги глобал нархи 5 500 доллардан юқорига кўтарилиб, тарихий рекордни янгилади. Бироқ кейинчалик нархлар сезиларли пасайишни бошлаб, ҳозирда 4 000 доллардан паст бўлиб турибди.

Олтин нархлари июль ойида июньдагидан ҳам пастроқ шаклланди. Катта эҳтимол билан ҳукумат июль ойида ҳам бундай шартларда олтин сотувини амалга оширмаган бўлиши мумкин.

Teglar

олтин импорт экспорт ташқи савдо

Mavzuga oid

Bugun 19:58

Ўзбекистонда Саудия Арабистони иштирокида кўп тармоқли шифохона қурилади

Икки давлат соғлиқни сақлаш тизимида янги келишувларга эришди.

Bugun 16:47

Президент 9 та давлат элчиларидан ишонч ёрлиқларини қабул қилди

Шавкат Мирзиёев Италия, Фаластин, Саудия Арабистони, Кувайт, Жазоир, Малайзия, Покистон, Озарбайжон ва Қозоғистоннинг янги тайинланган элчиларидан ишонч ёрлиқларини қабул қилди.

Kecha 21:55

Вазир ўзгарди. Энди чироқ ёнадими?

Бир пайтлар энергетика тизимидаги муаммолар сабаб вазир ўринбосари лавозимидан танқидлар билан ишдан олинган Шерзод Хўжаев энди Энергетика вазири бўлди. 2022 йилдан ҳозиргача Энергетика вазири сифатида ишлаб келган Жўрабек Мирзамаҳмудов эса бу лавозимдан олинди.

Bugun 10:25

Рақобат қўмитаси фуқароларни огоҳлантирди

Рақобат қўмитаси аҳолини «Ташаббусли бюджет» лойиҳаси доирасида овоз учун пул ваъда қилаётган норасмий ботлар ва рекламаларга ишонмасликка чақирди.

Bugun 17:55

Ўзбекистон ва Афғонистон юк ташувчилар учун йиғимларни ўзаро камайтиради

Ўзбекистон ва Афғонистон автомобил ташувларида йиғимларни қисқартириш ҳамда миллий ташувчилар учун қулай шарт-шароитлар яратиш бўйича янги келишувга эришди.

Kecha 22:10