Ўзбекистон либослари ЖЧ-2026 рейтингида қуйи поғоналардан ўрин олди

Bugun 19:582 daqiqa

Мусобақадаги либосларнинг мутлақ кўпчилиги «Nike», «Adidas» ва «Puma» брендларига тегишли.

Ўзбекистон либослари ЖЧ-2026 рейтингида қуйи поғоналардан ўрин олди

2026 йилги футбол бўйича жаҳон чемпионати учун тақдим этилган терма жамоалар либослари рейтинги эълон қилинди. ESPN томонидан тузилган рўйхатда Ўзбекистон миллий терма жамоасининг ҳам асосий, ҳам сафар либослари қуйи ўринлардан жой олди.

ESPN муаллифи Крис Райт 48 иштирокчи мамлакатнинг 100 дан ортиқ либосини энг паст баҳоланган намунадан энг юқори ўрингача саралади. Рейтингда либосларнинг дизайни, миллий маданият элементларидан фойдаланилиши ва умумий визуал кўриниши баҳоланган.

Ўзбекистоннинг асосий либоси рейтингда 103-ўринни эгаллади. Муаллиф таърифига кўра, либос асосан оқ рангдан иборат бўлиб, унда тўқ кўк рангли безаклар қўлланган. Ёқа қисмида мамлакат байроғидаги ранглар жойлаштирилган. Шунингдек, матода анъанавий сўзана каштачилиги ва миллий тўқимачилик санъатидан илҳомланган мозаикасимон нақшлар акс эттирилган.

Сафар либоси юқорироқ баҳоланди

Ўзбекистоннинг сафар либоси рейтингда 84-ўриндан жой олди. ESPN маълумотига кўра, мазкур либос асосий либос дизайнининг тескари варианти ҳисобланади. Унда ҳам миллий нақшлар сақланган бўлиб, байроқ ранглари ёқа қисми орқали ифодаланган.

Муаллифнинг қайд этишича, либоснинг тўқ кўк ранги миллий нақшлар ва рангли деталларни оқ либосга нисбатан яққолроқ намоён қилган. Шу сабабли сафар либоси асосий либосдан юқорироқ баҳоланган.

Рейтингнинг юқори қисмида Уругвайнинг сафар либоси биринчи ўринни эгаллади. Япониянинг сафар либоси иккинчи, Франциянинг сафар либоси эса учинчи ўринга қўйилди. Шунингдек, Мексика, АҚШ, Бразилия ва Аргентина либослари ҳам энг яхши баҳоланган намуналар қаторига киритилди.

2026 йилги жаҳон чемпионати АҚШ, Канада ва Мексика мезбонлигида ўтказилади. Турнир тарихда биринчи марта 48 та жамоа иштирокида ташкил этилади. Ўзбекистон миллий терма жамоаси эса ўз тарихида илк бор жаҳон чемпионати финал босқичида қатнашади.

Teglar

Ўзбекистон терма жамоаси Уругвай 7Saber ESPN ЖЧ-2026 спорт янгиликлари.футбол либослари

Mavzuga oid

Kecha 18:32

«Алоқабанк» сотилмаслиги мумкин: Fitch Ўзбекистондаги 7 та давлат банки рейтингини яхшилади

Давлат банклари рейтинги яхшиланиши Ўзбекистоннинг кредит рейтинги прогнози «барқарор»дан «ижобий»га ўзгариши фонида юз берди. Fitch «Алоқабанк» энди умуман хусусийлаштирилмаслиги мумкинлигини айтмоқда.

Bugun 19:19

Ер, уй ва кадастр: минглаб фуқароларни қийнаётган саволлар

Кадастр ва хатлов масалалари кўплаб фуқароларни қизиқтирадиган мавзулардан бири. Хатловдан фойдаланиб, ер майдонини кенгайтирб олса бўладими? Эгалик ҳуқуқи қай ҳолатларда эътироф этилади ёки рад этилади? Кадастр номидаги одам вафот этган бўлса, фарзандлар ўз номига ҳужжатларни қандай расмийлаштириб олади? Уй-жой ва ер участкасини расмийлаштиришда нималарга эътибор бериш лозим? Шу ва бошқа саволларга Кадастр агентлиги марказий аппарати масъул ходими Баҳодир Мадиёров жавоб берди.

Kecha 20:30

АЁҚШларда тушум 3,3 трлн сўмга етди

Ўзбекистонда автойўқилғи қуйиш шохобчалари тушуми май ойида 3,3 триллион сўмдан ошди. Нақдсиз тўловлар улуши эса 100 фоизга етди.

Kecha 17:37

16 ёшли ўғил болалар автоматик ҳарбий ҳисобга қўйилади

Ўзбекистонда ҳарбий ҳисобга олиш тизими рақамлаштирилиб, тиббий комиссиялар бекор қилинади. Шунингдек, ҳарбийлар учун ижара компенсацияси ва фуқаровий ходимлар маоши оширилмоқда.

Bugun 13:15

Ҳафталик нархлар: қайси маҳсулот арзонлади, қайси ошди?

Гўшт маҳсулотлари қимматлашишда давом этаётган бир пайтда, сабзавот ва меваларда мавсумий арзонлашув кучаймоқда. Шу билан бирга, мол гўштининг энг юқори нархи Тошкент шаҳри ва Жиззах вилоятида қайд этилган бўлса, энг арзон нарх Қорақалпоғистонда кузатилди.

Bugun 09:52

Исроил ўзбекистонликлар учун «кўринмас» меҳнат бозорига айланмоқдами?

Ўзбекистонлик меҳнат мигрантлари орасида Исроил кам тилга олинса-да, бу мамлакатда 10 мингдан ортиқ ўзбекистонлик, асосан қарияларга қараш соҳасида фаолият юритмоқда.