Ўзбекистонда 5 ойда қарийб 11 трлн сўм ипотека кредитлари ажратилди

Bugun 16:502 daqiqa

Ажратилган ипотека кредитларининг ҳар учдан биттаси Тошкент шаҳри ҳиссасига тўғри келган.

Ўзбекистонда 5 ойда қарийб 11 трлн сўм ипотека кредитлари ажратилди

Марказий банк маълумотларига кўра, 2026- йилнинг январ–май ойларида 34,7 минг нафар фуқарога жами 10,6 трлн сўмлик ипотека кредити берилган. Бу кўрсаткич ўтган йилнинг шу даврига нисбатан 32,5 фоизга юқори.

Ажратилган маблағларнинг асосий қисми — 8 трлн сўми ёки 76 фоизи бирламчи уй-жой бозорига йўналтирилган. Бу маблағлар ҳисобидан 26 495 нафар фуқаро янги қурилган уй-жойларни сотиб олган.

Иккиламчи бозорда уй харид қилиш учун эса 8 268 нафар фуқарога 2,6 трлн сўмлик ипотека кредити ажратилган. Бу жами ипотека маблағларининг 24 фоизини ташкил этади.

Ўртача ипотека 305 млн сўмдан ошди

Ҳисоб-китобларга кўра, беш ой давомида бир қарз олувчига тўғри келган ўртача ипотека кредити миқдори 305 млн сўмдан ошган.

Қарз олувчиларнинг 56 фоизи эркаклар, 44 фоизи эса аёллардан иборат бўлган.

Ёш тоифалари кесимида энг катта улуш 31–50 ёшдаги фуқаролар ҳиссасига тўғри келди. Ушбу тоифадаги 22 814 нафар шахс жами қарз олувчиларнинг 65 фоизини ташкил этган. Шунингдек, 18–30 ёшдагилар улуши 25 фоиз, 51 ёшдан юқори фуқаролар улуши эса 10 фоизни ташкил қилди.

Пойтахт ипотека бозорида етакчи

Ҳудудлар кесимида энг катта ипотека маблағи Тошкент шаҳрида қайд этилди. Пойтахтда беш ой давомида 3,32 трлн сўмлик ипотека кредити ажратилган бўлиб, бу республика бўйича умумий ҳажмнинг қарийб 31 фоизига тенг.

Кейинги ўринларда Андижон вилояти (897 млрд сўм), Қашқадарё вилояти (794 млрд сўм), Сурхондарё вилояти (693 млрд сўм) ва Фарғона вилояти (682 млрд сўм) жойлашган.

Энг паст кўрсаткичлар Сирдарё вилоятида — 283 млрд сўм ва Жиззах вилоятида — 329 млрд сўмни ташкил этди.

Банклар орасидаги кўрсаткичлар

Банклар орасида энг кўп ипотека кредити ажратган молия муассасаси Халқ банки бўлди. Банк томонидан 1,88 трлн сўмлик ипотека маблағлари ажратилган.

Ундан кейин Агробанк — 1,56 трлн сўм, Миллий банк — 1,48 трлн сўм ва Ипотека-банк — 1,25 трлн сўмлик кредитлар билан жойлашган.

Таҳлилларга кўра, 2025 йилнинг дастлабки беш ойида 8 трлн сўмлик ипотека кредити берилган бўлса, жорий йилда бу кўрсаткич 10,6 трлн сўмга етган. Бу эса аҳолининг уй-жойга бўлган талаби ва ипотека орқали молиялаштириш ҳажми ўсишда давом этаётганини кўрсатади.

Teglar

ипотека Халқ банки кредит Тошкент Марказий банк уй-жой

Mavzuga oid

Bugun 13:52

Ўзбошимчалик билан эгалланган ерларни қонунийлаштириш тартиби соддалаштирилди

Президент Шавкат Мирзиёев томонидан имзоланган янги қонун ўзбошимчалик билан эгалланган ер участкалари ва уларда қурилган бино-иншоотларга бўлган ҳуқуқларни эътироф этиш тартибини янада соддалаштирди. Ҳужжатга кўра, аризаларни кўриб чиқиш муддати 150 кундан 50 кунгача қисқартирилди ҳамда фуқаролар учун янги имтиёзлар жорий этилди.

Kecha 18:01

Чирчиқ соҳилида 1,4 трлн сўмлик Business City қурилади

Тошкентнинг Бектемир туманида Чирчиқ дарёсининг 16 километрлик қирғоқ ҳудудини қамраб олувчи «Daryo bo‘yi Business City» лойиҳаси тақдим этилди. Лойиҳа доирасида сунъий кўллар, йўллар ва янги жамоат масканлари барпо қилинади

Kecha 19:20

Ўзбекистонда туғилишлар нега камаймоқда? — иқтисодчилар таҳлили

Ўзбекистонда туғилишлар сони камаймоқда, аммо бу жараён асосан шаҳарлар ҳиссасига тўғри келмоқда. 2025 йилда шаҳарларда фарзандлар сони кескин қисқарган бир пайтда, қишлоқларда бу кўрсаткич деярли ўзгармаган.

Kecha 22:40

Ўзбекистонда муҳим минераллар бўйича 4,2 миллиард долларлик лойиҳалар амалга оширилади

Мамлакат яқин йиллар ичида 28 турдаги муҳим минераллар, жумладан селен, теллур ва рений каби янги металларни саноат даражасида ишлаб чиқаришни йўлга қўяди.

Kecha 18:09

Тошкент «Бродвей»и: Пойтахт марказидаги жонли колорит, санъат ва маданий ҳордиқ маскани

Халқ тилида «Бродвей» номи билан машҳур бўлган Сайилгоҳ кўчаси ҳамон пойтахтликлар ва шаҳар меҳмонлари учун энг асосий маданий ҳордиқ масканларидан бири бўлиб қолмоқда. Ўтган асрга оид асори-атиқалар, кўча рассомлари ижоди, жонли мусиқа ва турли давлатлар ошхонаси – буларнинг барчаси шаҳар марказида ўзига хос экотизим ва ижтимоий муҳитни шакллантирган. «Vaqt.uz» фотомухбири пойтахт юрагидаги ушбу масканнинг бугунги қиёфаси ва унинг ўзига хос колоритини кадрларга муҳрлади.

Bugun 15:45

Тошкент кўчаларидан бирига Мустафо Камол Отатурк номи берилади

Президент Шавкат Мирзиёев Тошкент шаҳридаги кўчалардан бирига Мустафо Камол Отатурк номини бериш тўғрисидаги қарорни имзолади. Янги ном Яшнобод туманидаги «Ўзбек-турк дўстлиги» хиёбонига туташ кўчанинг бир қисмига берилади.