Ўзбекистонда жамоат транспорти тўловлари 30 фоизга ошди

Bugun 12:351 daqiqa

2026-йил сентябрида жамоат транспортида 81,1 млн транзаксия амалга оширилди. Энг кўп транзаксиялар банк карталари орқали амалга оширилган.

Ўзбекистонда жамоат транспорти тўловлари 30 фоизга ошди

2026-йил сентябрида Ўзбекистон жамоат транспортида амалга оширилган тўловлар сони ўтган йилнинг шу даврига нисбатан 30 фоизга ошиб, 81,1 млн транзаксияни ташкил этди. Бу ҳақда АТТО компанияси ойлик статистик маълумотларида хабар берди.

Ҳисобот даврида банк карталари орқали тўловлар сони 60 млн тага етди. Бу ўтган йилнинг шу даврига нисбатан 61 фоизлик ўсишни англатади.

Транспорт карталари орқали эса 14,4 млн транзаксия амалга оширилди. Ушбу кўрсаткич жамоат транспортида электрон тўлов воситаларидан фойдаланиш кўламини кўрсатувчи асосий рақамлардан бири ҳисобланади.

Метро йўловчилари мобил QR-код орқали 1,9 млн марта тўлов қилди. Шунингдек, виртуал АТТО карталари ёрдамида амалга оширилган транзаксиялар сони 585 101 тани ташкил этди.

Ҳудудларда ўсиш тезлашди

АТТО маълумотларида республика ҳудудларидаги тўловлар динамикаси ҳам алоҳида қайд этилган. Сентябрда ҳудудларда транзаксиялар сони ўтган йилнинг шу даврига нисбатан 133 фоизга ошиб, 23,6 млн тага етди. Энг кўп транзаксиялар Самарқанд, Урганч ва Қарши шаҳарларида амалга оширилган.

Эслатиб ўтамиз, аввалроқ Транспорт вазирлиги автобуслар кечикиши ва бир бекатга учта автобус бир вақтда келиб қолишига изоҳ берганди.

Teglar

транспорт метро автобус АТТО

Mavzuga oid

Kecha 11:00

Кўп қаватли уйларни қуришда ҳудуднинг 30 фоизи яшил майдон бўлиши керак — қўмита

Урбанизация ва уй-жой бозорини барқарор ривожлантириш миллий қўмитаси янги уй-жой лойиҳаларида мактаб, боғча, ижтимоий объектлар, йўл ва инфратузилма биргаликда режалаштирилиши, ҳудуднинг камида 30 фоизи яшил майдон сифатида кўзда тутилиши кераклигини маълум қилди.

16.10.2026 | 19:55

Тунги автобуслар, йўл ҳақи ва бекатлар: вазирлик нима деди?

Тошкентда йўл ҳақи нега 47 фоизга ошди? Автобуслар орасидаги интерваллар қачон қисқаради ва тунги автобуслар қачон қатнай бошлайди? Транспорт вазирлигида ўтказилган матбуот анжуманида жамоат транспорти билан боғлиқ муаммо ва эътирозларга изоҳ берилиб, соҳада сўнгги йилларда амалга оширилган ишлар ҳақида маълумот берилди.

20.10.2026 | 13:05

«Ҳамма ўзидан заифга кучини кўрсатгиси келади» — курер билан можаро ортидаги муаммолар

Сўнгги пайтларда курерлар билан боғлиқ можаролар жамоатчилик муҳокамасига сабаб бўлаётган мавзулардан бирига айланди. Етказиб бериш хизмати ходимлари билан фуқаролар ўртасидаги тортишувлар, уларга нисбатан қўпол муомала ва мопед ҳамда скутерларнинг йўлларда ҳаракатланиши хизмат ортида турган муаммоларни ҳам кўрсатмоқда.

17.10.2026 | 09:00

Тошкентда жамоат транспорти учун 17,9 километрлик махсус йўлаклар ташкил этилади

Лойиҳа учун дастлабки ҳисоб-китобларга кўра, 6,5 миллиард сўм талаб этилади.

20.10.2026 | 16:39

«Тунги автобус йўналишлари аэропорт, вокзал ва 24/7 кўчаларни қамраб олиши керак» — тунги йўналишлар қаерлардан ўтиши мумкинлиги очиқланди

Тошкентда тунги автобус йўналишларини ташкил этиш режалаштирилмоқда. Улар аэропорт, темирйўл вокзаллари ва 24/7 режимида ишлайдиган кўчаларни қамраб олиши мумкин. Ҳозирда ташувчилар фикри ўрганилиб, лойиҳа бўйича техник-иқтисодий асос ишлаб чиқилмоқда.

19.10.2026 | 12:01

«Brasserie Park» терассаси эгаллаган йўлак демонтаж қилинди

Пойтахт ҳокимлиги рестораннинг ёзги терассаси юзасидан текширув ўтказиб, пиёдаларнинг эркин ҳаракатланишига тўсқинлик қилган ҳолатларни аниқлади. Аввалроқ ресторан вакили ва курьер ўртасидаги жанжал акс этган видео ижтимоий тармоқларда тарқалганди.