Қўшни давлат фуқароси спорт озуқаси ичида 350 минг долларлик наркотик олиб кираётганда тўхтатилди

Kecha 20:062 daqiqa
O‘ZBEKISTON
|
Kontrabanda

Спортчилар озуқаси сифатида истеъмол қилинадиган капсулаларга «Алфа ПВП» туридаги синтетик наркотик моддасини жойлаган қўшни давлат фуқароси Тошкентда қўлга тушди.

Қўшни давлат фуқароси спорт озуқаси ичида 350 минг долларлик наркотик олиб кираётганда тўхтатилди © Фото: Божхона қўмитаси

Тошкент халқаро аэропортида умумий қиймати қарийб 350 минг долларга тенг бўлган синтетик наркотикларни гўёки биологик фаол қўшимча сифатида олиб киришга уринган қўшни давлат фуқароси тўхтатиб қолинди. Бу ҳақда Божхона қўмитаси хабар берди.

Қайд этилишича, божхонадан «яшил» йўлак орқали ҳаракатланган ушбу шахснинг сумкасида спортчилар озуқаси сифатида истеъмол қилинадиган 2 қути биологик фаол қўшимчалар ходимларнинг диққатини тортган.

Мазкур қутиларга қадоқланган капсулалар аслида оқ рангда ишлаб чиқарилади ҳамда қадоғига кўра, уларда жами 760 дона капсула бўлиши лозим. Бироқ текширув вақтида иккала қутидаги жами капсулалар сони 920 донани ташкил қилган. Шунингдек, капсулалар ҳам оқ рангда эмас, балки сариқ ва қизил рангларда бўлган. Шу тариқа қутиларга жойланган капсулалар қўлбола тарзда қадоқлангани аниқланган.

Шундан сўнг олиб борилган текширувларга кўра, мазкур капсулаларга жойланган модда «Алфа ПВП» туридаги синтетик наркотик моддалиги аниқланган. Мазкур гиёҳвандлик воситаларининг қора бозордаги чакана нархи 350 минг долларга етади.

Шунингдек, Юқори Чирчиқ туманида олиб борилган яна бир тезкор тадбир давомида ушбу йўловчи томонидан кейинчалик «закладка» усулида тарқатиш учун мўлжалланган гиёҳвандлик воситаси яшириб кетилган манзил-ҳавола ҳам аниқланган.

Манзил ҳолислар иштирокида кўздан кечирилганда 1 дона политилиен пакет кўмиб қўйилгани фош бўлган. Унда эса бир неча бўлаклардан иборат оғирлиги тахминан ярим килограмм «гашиш» моддаси борлиги аниқланган. Ҳолат юзасидан божхона органлари томонидан жиноят иши қўзғатилган.

Teglar

ФЗТнаркотикбожхонажиноятТошкентспорт_озуқасиАлфаПВПтезкор

Mavzuga oid

Президент Фаррух Зокировни 80 йиллик юбилейи муносабати билан тақдирлади
Kecha 22:51

Президент Фаррух Зокировни 80 йиллик юбилейи муносабати билан тақдирлади

Шавкат Мирзиёев Фаррух Зокировни «Буюк хизматлари учун» ордени билан тақдирлади. Шунингдек, давлат раҳбарининг алоҳида қарори билан Тошкент шаҳридаги 7-сонли болалар мусиқа ва санъат мактабига санъаткор номи берилди. Қолаверса, «Ялла» болалар ансамбли фаолияти йўлга қўйилади.

Шавкат Мирзиёев Бутунжаҳон таэквондо федерацияси президентини тақдирлади
Kecha 20:20

Шавкат Мирзиёев Бутунжаҳон таэквондо федерацияси президентини тақдирлади

Ўз навбатида Чо Чунг Вон ҳам Ўзбекистон раҳбарига федерация томонидан таъсис этилган олий шахсий мукофотни топширди.

Ўзбекистон банклари 3 ойда қанча даромад қилди?
Kecha 17:27

Ўзбекистон банклари 3 ойда қанча даромад қилди?

2026-йилнинг дастлабки 3 ойи бўйича яна 5 та банк ўз молиявий ҳисоботларини тақдим этди.

Ўзбекистонликларга Германиядаги ҳарбий музейга кириш тақиқланди
Kecha 20:33

Ўзбекистонликларга Германиядаги ҳарбий музейга кириш тақиқланди

Германиянинг Кобленц шаҳридаги ҳарбий техника музейи хавфсизлик сабаблари билан Ўзбекистон фуқаролари учун киришни чеклади.

Ўзбекистон ва Исроил ўртасида авиақатнов тикланди
Kecha 08:00

Ўзбекистон ва Исроил ўртасида авиақатнов тикланди

Парвозлар ҳафтанинг душанба, сешанба ва пайшанба кунлари амалга оширилади.

Ўзбекистонда талабалар стипендияси нега оширилмаяпти? Вазир изоҳ берди
Kecha 19:00

Ўзбекистонда талабалар стипендияси нега оширилмаяпти? Вазир изоҳ берди

Қўғиротбой Шарипов айрим университетлардаги йўналишларда бир талаба учун харажат 14 миллион сўмга етган бўлса ҳам, контракт йилига 6 миллион сўмлигича сақлаб қолинаётганини айтди.