Россияда талаба оилаларга фарзанд туғилиши учун 2 минг доллар атрофида пул тўланади

Kecha 23:001 daqiqa

Россияда сўнгги йилларда демографик инқироз кузатилмоқда ва туғилиш кўрсаткичлари рекорд даражада пасайиб бормоқда.

Россияда талаба оилаларга фарзанд туғилиши учун 2 минг доллар атрофида пул тўланади

Россияда «талаба оилалар» фарзанд туғилганда қўшимча бир марталик тўлов оладилар. Бу ҳақида мамлакат бош вазири ўринбосари Татяна Голикова маълум қилди.

Тўлов миқдори 200 минг рублни ташкил этади. Голикова бу маблағ фақат биринчи фарзанд туғилиши учунми ёки кейингилари учун ҳам бериладими, бунга аниқлик киритмади.

Бош вазир ўринбосари, шунингдек, бундай тўловлар айнан қачон бошланишини ҳам очиқламаган, фақат бу «2026-йилдан» амалга ошишини айтди.

Россияда «талаба оила» тушунчаси қонуний равишда 2025-йилнинг ёзида мустаҳкамлаб қўйилган эди. Бу — фарзанд тарбиялаётган, ота-онасининг иккиси ҳам 35 ёшдан кичик бўлган ва олий ёки ўрта махсус таълим олаётган никоҳли жуфтликдир.

2025-йил сентябр ойидан бошлаб Россияда таълим олаётган аёллар учун ҳомиладорлик ва туғиш нафақалари оширилди. Ушбу тўловлар меҳнатга лаёқатли аҳоли учун минтақавий яшаш минимумига тенглаштирилди.

Маълумот учун: Россияда сўнгги йилларда демографик инқироз кузатилмоқда ва туғилиш кўрсаткичлари рекорд даражада пасайиб бормоқда. Шу сабабли ҳукумат нафақат умумий «оналик капитали», балки муайян ижтимоий гуруҳлар, хусусан, талаба оилалар учун алоҳида имтиёзлар жорий этмоқда. Бундан кўзланган асосий мақсад — ёшларни ўқиш даврида фарзанд кўришдан чўчимасликка ундаш ва биринчи фарзандни дунёга келтириш ёшини ёшартиришдир.

Teglar

Россия талаба фарзанд

Mavzuga oid

Kecha 14:08

Люксембургдан Венагача: Европа қайси шаҳарларида уй-жойлар қиммат?

Рўйхатдаги шаҳарлар юқори иқтисодий ривожланиш даражаси, уй-жойга барқарор талаб ва халқаро компанияларнинг катта улуши билан ажралиб туради.

Kecha 18:05

Марказий Европадан бугунги халқаро бозоргача – доллар ва унинг тарихи

Жаҳон иқтисодиёт ва валюта бозори ҳақида гап кетганда, деярли ҳамманинг хаёлига АҚШ доллари келади. Статистик маълумотларга кўра дунёдаги савдо айланмаларининг 80 фоизи долларда амалга оширилади. АҚШдан ташқари яна бир неча давлатларнинг расмий валютаси доллар деб аталади. Канада, Австралия, Янги Зеландия, Сингапур ва Ҳонгконг.

Kecha 07:55

АҚШ, Исроил ва Эрон уруши: 19-кун воқеалари

Исроил Эрон хавфсизлик хизмати раҳбари Али Лорижоний ва «Басиж» қўмондони Ғуломризо Сулаймонийни ўлдирди. Расмий Теҳрон эса бу учун қасос олишга ваъда берди.

Kecha 08:25

Рецессия хавфи: Форс кўрфази иқтисодиёти Эрондаги урушдан катта зарар кўрмоқда

Яқин Шарқдаги қуролли можаро туфайли Форс кўрфази мамлакатларининг энергия экспортидан тортиб туризм соҳасигача бўлган иқтисодий тармоқлари жиддий хавф остида қолди.

Kecha 17:24

Пентагон Эрон билан уруш учун яна 200 млрд доллар сўрамоқда – WP

АҚШ Мудофаа вазирлиги сўнгги икки ҳафта ичида Оқ уйга Эрон билан урушни янада молиялаштириш бўйича бир нечта моделларни таклиф қилган. АҚШнинг қурол-яроғ захиралари сезиларли даражада камайган.

Kecha 17:43

Россияда бюджет тақчиллиги кучаймоқда: нефт нархининг ошиши ҳам вазиятни ўнглай олмаяпти

Россия иқтисодиёти «мукаммал бўрон» ичида қолди. Мамлакат федерал бюджетида рекорд даражадаги тақчиллик кузатилиб, ҳукумат харажатларни мажбурий қисқартириш чораларини кўрмоқда.