Акромжон Фозилов Президент Администрациясига ўтди

Bugun 17:281 daqiqa

У Коммуникациялар департаменти бошлиғининг биринчи ўринбосари лавозимига тайинланди.

Акромжон Фозилов Президент Администрациясига ўтди

Миллий масс-медиани қўллаб-қувватлаш ва ривожлантириш жамоат фонди васийлик кенгаши раиси сифатида ишлаб келаётган Акромжон Муроджон ўғли Фозилов Ўзбекистон Республикаси Президенти Администрацияси Коммуникациялар департаменти бошлиғининг биринчи ўринбосари лавозимига тайинланди. Бу тўғрисида Ўзбекистон Республикаси Президенти Администрацияси раҳбари Саида Мирзиёеванинг тегишли фармойиши чиқарилди.

Коммуникациялар департаментига президент матбуот котиби Шерзод Асадов раҳбарлик қилиб келмоқда. Энди Фозилов унинг биринчи ўринбосари бўлади.

Маълумот учун, Акромжон Фозилов Жаҳон иқтисодиёти ва дипломатия университетининг Халқаро муносабатлар факультетини тамомлаган, Вена (Австрия) ва Гент университетларида (Белгия) таҳсил олган.

У 2021 йилдан 2022 йилгача Европа-Ўзбекистон Иқтисодий ҳамкорлик ассоциациясининг (EUROUZ) Тошкентдаги лойиҳа офиси раҳбари вазифасини бажарувчиси, 2024 йилгача Миллий масс-медиани қўллаб-қувватлаш ва ривожлантириш жамоат фонди директори, 2024 йилдан бери эса Миллий масс-медиани қўллаб-қувватлаш ва ривожлантириш жамоат фонди васийлик кенгаши раиси лавозимида ишлаб келган.

Эслатиб ўтамиз, ўтган ойда Рустам Мирзаев Ўзбекистон Республикаси Президенти Администрацияси Коммуникациялар департаменти бошлиғи ўринбосари лавозимидан озод этилиб, Ўзбекистон Республикаси ички ишлар вазирининг комплаенс ва коррупцияга қарши ички назорат бўйича ўринбосари лавозимига тайинланганди.

Teglar

Рустам Мирзаев Президенти Администрацияси Акромжон Фозилов

Mavzuga oid

Kecha 22:00

«Кўмир инқилоби»: Мирзиёевга 5 миллиард долларлик мега-лойиҳа тақдим этилди

Ўзбекистонда йилига 8-9 миллион тонна кўмирни қайта ишлаш ва 1,18 миллион тонна полимер маҳсулотлари ишлаб чиқариш қувватлари барпо этилади.

Bugun 10:35

IQ бўйича энг ақлли давлатлар рейтинги эълон қилинди — Ўзбекистон IQ даражаси қандай?

137 мамлакат қамраб олинган янги рейтингда Осиё давлатлари аҳолисининг интеллект кўрсаткичлари етакчилик қилди.

Bugun 09:00

Эпштейн файллари: 3 млн ҳужжат орасида Ўзбекистон ва Қозоғистон билан боғлиқ ёзишмалар ҳам бор

«Эпштейн иши» деб ном олган ушбу улкан тўпламда нафақат йирик сиёсатчилар ва миллиардерлар, балки Марказий Осиё, хусусан, Ўзбекистон ва Қозоғистон билан боғлиқ махфий ёзишмалар ҳам пайдо бўлди.

Bugun 16:35

2025-йилда автокредит ва микроқарзлар миқдори сезиларли ошди

Ўтган йил давомида Ўзбекистонда автoкредитлар 26,2 фоизга, микроқарзлар эса 56,7 фоизга ўсди.

Kecha 22:18

Нақд пул олмайдиган АЁҚШлар, марказлашган бошқарувдан чиқариладиган Навоий аэропорти ва арзонлаган олтин — 2 феврал дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 10:55

Аҳолини рўйхатга олиш тизимига киберҳужум бўлдими? — Статистика қўмитасидан тушунтириш

Ижтимоий тармоқларда Аҳолини рўйхатга олиш тизими ҳаккерлар томонидан бузилгани ҳақида маълумотлар тарқалди. Вазият юзасидан Vaqt.uz Миллий статистика қўмитаси матбуот котиби билан боғланди.