Alyaskadagi muzokaralar Putinni Tramp urushga aralashmasligiga ishontirgan — Bloomberg

15 avgust kuni Alyaskada Donald Tramp bilan bo‘lib o‘tgan uchrashuv Rossiya prezidenti Vladimir Putinni AQSH urushga jiddiy aralashmaydi, degan fikrga keltirdi. Bloomberg manbalariga ko‘ra, Putin shundan so‘ng eskalatsiyani kuchaytirishga qaror qilgan va bu bilan Kiyevni Kreml shartlari asosida muzokaralarga majburlashni maqsad qilgan. Uchrashuvdan oldin Ukrainani uzoq masofadan o‘qqa tutish kamaygan bo‘lsa, keyingi bir oyda bu hujumlar 46 foizga oshgan. Ukraina harbiy havo kuchlari ma’lumotlariga ko‘ra, sentyabrning birinchi yarmida Rossiya 3500 dron, 190 raketa va 2500 dan ortiq bomba qo‘llagan. Londondagi Gatehouse Advisory Partners kompaniyasi tahlilchisi Vita Spivak ta’kidlashicha, Putin bu orqali Tramp va Yevropa ittifoqchilariga hali ham urushni boshqara olishini namoyish etmoqchi. «U o‘z pozitsiyasini keyingi muzokaralar oldidan mustahkamlamoqda», dedi Spivak. Bloomberg manbalari Putin G‘azodagi urushni kuzatayotganini va uni Ukrainadagi vaziyatdan ham «qattiqroq» deb hisoblashini aytmoqda. Unga ko‘ra, G‘azodagi urushni AQSH va Yevropa qabul qilgani, Moskvaga nisbatan ularning tanqidini bee’tibor qiladi. Alyaskadagi uchrashuvda Putin urushni to‘xtatish va frontni mustahkamlashni taklif qilgan. Uning sharti — Ukraina Donetsk va Luhanskning ayrim hududlaridan voz kechishi, Qo‘shinlar sonini qisqartirishi va NATOga kirishdan voz kechishi bo‘lgan. Shu bilan birga, so‘nggi kunlarda Tramp Putinning harakatlaridan norozi ekanini bildirib, Rossiya va uning ittifoqchilariga nisbatan sanksiyalarni kuchaytirish g‘oyasini ilgari surdi. Ammo u Yevropaning Moskvaga nisbatan avval qadam tashlashini talab qilmoqda.