АҚШда Мадуро ва унинг рафиқаси иши бўйича биринчи суд мажлиси якунланди
3 январ куни улар Трамп буйруғи билан наркотерроризм, кокаин контрабандаси, қурол сақлаш ва пул ювиш каби айбловлар сабаб қўлга олинган эди.
Ню-Йорк федерал суди судяси Алвин Хеллерштейн Венесуэла президенти Николас Мадуро ва унинг рафиқаси Силия Флорес масаласида навбатдаги суд мажлиси 17 март куни бўлиб ўтишини маълум қилди.
У судланувчиларга навбатдаги суд мажлисида шахсан иштирок этишни буюрди. Бу қарор Мадуро АҚШ ҳарбий операцияси орқали қўлга олиниб, Ню-Йоркдаги судга келтирилганидан сўнг бугун, 5 январ куни ўтказилган биринчи мажлисда қабул қилинди.
Суд жараёнида Мадуро ва Флорес наркотерроризм, кокаин контрабандаси ва қурол сақлаш каби айбловлар асоссиз экани ва ўзларининг беайб эканини даъво қилмоқда.
Николас Мадуро ўзини «айбсизман, ҳурматли одамман ва ҳали ҳам ўз мамлакатим президентиман» деб баёнот берди. Судя унинг гапини тез-тез тўхтатди ва фақат расмий жараёнга риоя қилишни талаб қилди. Мадуронинг рафиқаси Силия Флорес ҳам барча айбловларни рад этди. Уларнинг адвокатлари Мадуронинг соғлиғи ва Флореснинг жароҳатлари ҳақида гапириб, тиббий ёрдам кўрсатилишини сўради. Бруклиндаги Метрополитен ҳибсхонасида сақланмоқда. Кейинги мажлис 17 март куни соат 11:00 да ўтказилади, унда икки томон ҳам иштирок этиши шарт.
Маълумот учун, 3 январ куни АҚШ Венесуэлага ҳужум уюштирди, Николас Мадуро ва унинг рафиқаси Силия Флоресни қўлга олди, сўнгра уларни Ню-Йоркка олиб кетди. CBS News хабарига кўра, эр-хотиннинг биринчи суд мажлиси 5 январ куни бўлиб ўтади.
Федерал кенгаш маълум қилишича, бу блоклаш Венесуэлага нисбатан 2018 йилдан бери амалда бўлган шунга ўхшаш чекловларга қўшимча сифатида киритилди.
АҚШ 3 январ куни Венесуэлага кенг кўламли ҳужум уюштирди, мамлакат президенти Николас Мадуро ва унинг рафиқаси Силия Флорес қўлга олиниб, Ню-Йоркка олиб кетилди. АҚШ президенти Доналд Трамп Мадуро ва Флорес «наркотерроризм»га алоқадор бўлгани ва шу жумладан, АҚШга ҳам таҳдид солгани учун суд олдида жавоб беришларини маълум қилди.
Каракас АҚШнинг ушбу ҳарбий операцияси муносабати билан БМТнинг фавқулодда йиғилишини талаб қилди, Венесуэла Олий суди давлат раҳбари вазифасини вақтинча вице-президент Делси Родригесга юклади.
