Asia Alliance Bank халқаро тўловлар бўйича имкониятларини кенгайтирмоқда
Asia Alliance Bank АТБ Alliance Pay мобил иловасида Alipay+ халқаро тўлов хизмати ишга туширилди. Янги имконият HUMO карталари эгалари учун тақдим этилади ва уларга хорижда товар ҳамда хизматлар учун тўловларни QR-код орқали бевосита илова ичида амалга ошириш имконини беради.
Alliance Pay орқали хорижда тўлов қилиш имкониятлари
Интеграция HUMO миллий тўлов тизими ва Alipay+ глобал платформаси ўртасидаги ҳамкорлик доирасида амалга оширилди. Alliance Pay фойдаланувчилари хориждаги савдо ва сервис нуқталарида, жумладан дўконлар, кафе, транспорт ҳамда кўнгилочар масканларда нақдсиз тўловларни амалга ошириш имконига эга бўлди.
Янги хизмат, биринчи навбатда, хорижга тез-тез сафар қиладиган ва одатий молиявий воситалардан ортиқча қийинчиликсиз фойдаланишни истайдиган мижозлар учун мўлжалланган. Тўловни амалга ошириш учун Alliance Pay иловасида QR-кодни сканерлаш кифоя. Маблағлар амалдаги курс бўйича автоматик конвертация қилинган ҳолда миллий валютада ечиб олинади.
Сервисни ишлаб чиқишда операциялар хавфсизлиги ва шаффофлигига алоҳида эътибор қаратилди. Қўлланилган технология тўлов маълумотларини ҳимоя қилиш билан бирга, мамлакат ташқарисида қулай тўлов сценарийсини ҳам таъминлайди.
Asia Alliance Bank рақамли экотизимининг ривожи
Банк вакилларининг қайд этишича, Alipay+ ишга туширилиши Alliance Pay иловасини кундалик ва халқаро молиявий операциялар учун мўлжалланган кўп функцияли рақамли сервис сифатида ривожлантиришдаги навбатдаги қадам бўлди.
«Alliance Pay’ни тўлақонли молиявий экотизим сифатида ривожлантириш бизнинг стратегик устувор йўналишларимиздан бири бўлиб қолмоқда. Alipay+ интеграцияси мижозлар учун халқаро тўловларнинг янада қулай, тушунарли ва оммабоп бўлишини таъминлайди. Биз фойдаланувчилар ҳар қандай сафарда ҳам одатий қулайлик, тезлик ва хавфсизлик даражасига таянишларини хоҳлаймиз», — дея хабар берди Asia Alliance Bank матбуот хизмати.
Alliance Pay иловасида Alipay+ хизматидан қандай фойдаланилади
Alipay+ хизматидан бевосита Alliance Pay иловасидан фойдаланиш мумкин. Функциядан фойдаланишни бошлаш учун бир нечта оддий ҳаракатни бажариш кифоя:
Alliance Pay иловасини App Store ёки Google Play’дан юклаб олинг.
Alliance Pay иловасида авторизациядан ўтинг.
Иловага HUMO картасини қўшинг.
Асосий экранда «Тўловлар» бўлимига ўтинг ва «Alipay+» белгисини танланг.
Савдо ва хизмат кўрсатиш шохобчаси кассасидаги QR-кодни сканер қилинг.
Транзакцияни тасдиқланг.
Хизмат хорижда тўғри ишлаши учун Alliance Pay иловасида дастлабки рўйхатдан ўтиш Ўзбекистон ҳудудида, маҳаллий телефон рақамидан фойдаланган ҳолда амалга оширилиши керак.
Alliance Pay мобил иловаси ҳақида
Alliance Pay — Asia Alliance Bankнинг 24/7 режимида банк хизматларидан фойдаланиш имконини берувчи мобил иловаси. Илова тўлов, сервис ва молиявий воситаларни бирлаштиради ҳамда фойдаланувчиларга қулай интерфейс, замонавий технологиялар ва юқори даражадаги хавфсизликни таклиф этади.
