Банкларда автокредитлар ўртача фоизи уч ҳафтадан бери рекорд даражада пасаймоқда

Марказий банк 2026 йил 1 июн ҳолатига кўра, тижорат банклари томонидан аҳолига ажратилган микроқарз ва автокредитлар бўйича ўртача фоиз ставкаларини эълон қилди.

Янги маълумотларга кўра, автокредитлар бўйича ўртача фоиз ставкаси 21,7 фоизни ташкил этди. Бу кўрсаткич ўтган икки ҳафтага нисбатан янада пасайиб, Марказий банк томонидан ушбу маълумотлар эълон қила бошланганидан бери кузатилган энг паст даражалардан бири бўлди. Микроқарзлар бўйича ўртача фоиз ставкаси эса 29,2 фоизни ташкил қилди.

Микроқарзлар

Микроқарзлар сегментида энг паст фоиз ставкаси 22,9 фоиз билан «Aloqabank»да қайд этилди. Кейинги ўринларда «Infinbank» ва «Asia Alliance bank» 24,2 фоиздан, «Milliy bank» эса 24,7 фоиз ставка билан жойлашди. Шунингдек, «Trastbank» 25 фоиз, «BRB» 25,4 фоиз ва «OFB» 25,8 фоиз ставка таклиф қилмоқда.

Ўрта сегментда «Turon bank» 25,9 фоиз, «Asakabank» 26,4 фоиз, «Agrobank» 26,6 фоиз, «Xalq banki» 26,7 фоиз, «Mikrokreditbank» 26,8 фоиз ва «SQB» 27,1 фоиз ставка билан микроқарз ажратмоқда. «Garant bank»да бу кўрсаткич 28 фоизни ташкил этган.

Юқори сегментда эса «Poytaxt bank» 29,9 фоиз, «Universal bank» 30,4 фоиз, «Madad Invest bank» 31,2 фоиз, «Apex bank» 31,5 фоиз ва «Hamkorbank» 31,9 фоиз ставка таклиф қилмоқда.

Энг юқори ставкалар «Ipoteka bank» 33,4 фоиз, «Ipak Yuli bank» 33,7 фоиз, «Davr bank» 34,6 фоиз, «TBC bank» 34,7 фоиз, «Uzum bank» 38 фоиз, «AVO bank» 39,9 фоиз, «Anor bank» 41,5 фоиз ва «Tenge bank» 42,6 фоизда қайд этилди.

^{Манба: Марказий банк}

Автокредитлар

Автокредитлар бўйича энг паст ставка 18,3 фоиз билан «Davr bank»да қайд этилди. Кейинги ўринларда «BRB» 18,7 фоиз, «Apex bank» 18,9 фоиз ва «Garant bank» 19,3 фоиз ставка билан жойлашди.

Ўрта сегментда «Hamkorbank» 20,7 фоиз, «Octobank» 21 фоиз, «SQB» ва «Aloqabank» 21,2 фоиздан, «Ipotekabank» 21,6 фоиз, «Ipak Yuli bank» 22,3 фоиз ҳамда «Mikrokreditbank» ва «OFB» 22,4 фоиз ставка билан автокредит ажратмоқда. Шунингдек, «Asakabank» 22,6 фоиз, «Xalq banki» 23,1 фоиз, «Trastbank» 23,2 фоиз ва «Milliy bank» 23,5 фоиз ставка таклиф қилмоқда.

Юқори сегментда эса «Asia Alliance bank» 24 фоиз, «Turon bank» 24,8 фоиз, «Agrobank» 25,2 фоиз, «Madad Invest bank» 27,9 фоиз ва «Universal bank» 28 фоиз ставка билан автокредит таклиф қилмоқда.

^{Манба: Марказий банк}