Жаҳон банки: 2026 йилда нефт нархи сўнгги 5 йилдаги энг паст даражага тушади

30.10.2025 | 08:583001

Жаҳон банки прогнозига кўра, 2026 йилда Brent маркали нефтнинг ўртача нархи баррелига 60 долларгача пасайиши мумкин. Бу сўнгги беш йилдаги энг паст кўрсаткич бўлади.

Жаҳон банки: 2026 йилда нефт нархи сўнгги 5 йилдаги энг паст даражага тушади

Жаҳон банкининг янги ҳисоботига кўра, 2026 йилда жаҳон нефт бозоридаги нархлар сезиларли даражада пасайиши кутилмоқда. Таҳлилларга кўра, Brent маркали нефтнинг ўртача баҳоси бир баррели учун 68 доллардан 60 долларгача тушиши мумкин. Бу сўнгги беш йил ичида қайд этилган энг паст даража бўлади.

Ҳисоботда таъкидланишича, 2025 йил давомида нефт бозоридаги таклиф ҳаддан зиёд кўпайди ва келаси йил бу кўрсаткич 2020 йилдаги сўнгги чўққига нисбатан 65 фоизга ўсиши кутилмоқда. Бу ҳолат нархларнинг янада пасайишига сабаб бўлиши мумкин.

Жаҳон банки маълумотларига кўра, 2025 йилда энергия манбалари нархи умумий ҳисобда 12 фоизга, 2026 йилда эса яна 10 фоизга пасайиши кутиляпти. Мутахассислар бу тенденцияни глобал иқтисодиётдаги сўниши, таклифнинг ортиши ва муқобил энергия манбалари улушининг ошиб бориши билан изоҳламоқда.

Шу билан бирга, ҳисоботда 2030 йилга бориб электромобиллар сотуви кескин ортиши кутилгани, бу эса нефтга бўлган талабни янада камайтиши мумкинлиги қайд этилган. Бу ҳолат жаҳон энергетика бозорида узоқ муддатли таркибий ўзгаришлар юз беришига олиб келиши мумкин.

Экспертларнинг фикрича, нефт нархларининг пасайиши қатор экспортчи давлатлар бюджетига босим ўтказиши, лекин энергия импортига боғлиқ мамлакатлар учун иқтисодий енгиллик яратиши мумкин.

Теглар

нефт нархи энергетика Brent Жаҳон банки иқтисодиёт

Мавзуга оид

29.10.2025 | 19:40

Хитой Трамп туфайли глобал ўйинда ғалаба қозонмоқда — WP

Хитой Трамп сиёсатининг кутилмаган ўзгаришларидан фойдаланиб, халқаро майдондаги ўз мавқейини мустаҳкамлаётгани айтилди.

28.10.2025 | 10:30

Россия бозорида янги брендлар сони қарийб 40 фоизга қисқарди

Россия бозорига кириб келаётган янги брендлар сони 2025 йилнинг январ–сентябрь ойларида ўтган йилга нисбатан 37,5 фоизга камайди. Бу аҳоли харид қобилиятининг пасайиши ва кредит олиш имкониятларининг чеклангани билан изоҳланмоқда.

28.10.2025 | 09:20

Ўзбекистонда банк кредитларининг 36 фоизи жисмоний шахсларга тўғри келмоқда

2025 йил 1 октябр ҳолатига кўра, Ўзбекистонда тижорат банклари кредит портфели 582,2 трлн сўмга етди. Жисмоний шахсларга берилган кредитлар улуши 36 фоизни ташкил этди ва йил давомида 23 фоизга ошди.

01.11.2025 | 16:25

Тадбиркорлик субъектлари фаолиятини ихтиёрий тугатиш қандай амалга оширилади?

Ихтиёрий тугатиш тадбиркор ёки корхона иштирокчиларининг ташаббуси билан амалга оширилади. Мажбурий тугатиш эса, суд ёки ваколатли орган қарорига биноан амалга оширилади.

29.10.2025 | 17:30

Умумий даромадларнинг асосий қисми муҳожирлар ҳиссасига тўғри келмоқда — Статистика қўмитаси

8 та вилоятда даромадлар ўсишининг ярмидан кўпроқ қисми айнан пул ўтказмалари ҳисобига юзага келган. Бу борада энг юқори кўрсаткич Хоразм ҳамда Самарқанд вилоятларида қайд этилган.

30.10.2025 | 11:00

Олтин захираси энг катта 10 давлат: улар тиллаларини қаерда сақлашади?

Давлатлар минг тонналаб олтин қуймаларини банкларда ва дунё бўйлаб ғазналарда сақлашади. Хўш, қимматбаҳо металлнинг энг катта захираси қайси мамлакатга қарашли? Ва энг қизиғи, у қаерда сақланади?