Жанубий Корея собиқ бош вазири 23 йилга қамалди

Kecha 21:301 daqiqa

Сеул суди 2024 йилда ҳарбий ҳолат жорий этилиши билан боғлиқ ишда мамлакатнинг собиқ бош вазирини оғир жиноятларда айбдор деб топди.

Жанубий Корея собиқ бош вазири 23 йилга қамалди

Жанубий Корея пойтахти Сеул шаҳридаги суд 2024 йилда мамлакатда қисқа муддатга ҳарбий ҳолат жорий этилиши билан боғлиқ иш доирасида собиқ бош вазир Хан Док Суни 23 йилга озодликдан маҳрум этиш тўғрисида ҳукм чиқарди. Бу ҳақда «Yonhap» агентлиги хабар берди.

Собиқ бош вазир Хан Док Су мамлакатнинг собиқ президенти Юн Сок Ёл томонидан қабул қилинган ҳарбий ҳолат тўғрисидаги қарорни амалга оширишда фаол иштирок этганликда айбланган. Тергов маълумотларига кўра, у кескин сиёсий инқироз шароитида давлат бошқаруви тизимида муҳим рол ўйнаган ва қарор ижросига кўмаклашган.

Айблов хулосасида таъкидланишича, ҳарбий ҳолат жорий этилиши мамлакатдаги сиёсий барқарорликни таъминлаш эмас, балки мавжуд қарама-қаршиликларни янада чуқурлаштирган.

Суд Хан Док Суни давлат тузумига зид ҳаракатларни қўллаб-қувватлаган мансабдор шахс сифатида баҳолади.

Аввалроқ Сеул суди собиқ президент Юн Сок Ёлни ўзининг ҳибсга олиниши жараёнига тўсқинлик қилгани учун беш йилга озодликдан маҳрум этган эди.

Маълумот учун, 2024 йил 3 декабр куни Юн Сок Ёл парламентда давлат бюджети бўйича кескин баҳслар кечаётган пайтда ҳарбий ҳолат эълон қилган. У бу қарорни парламентдаги «антидавлат кучлари» демократияга таҳдид солаётгани билан изоҳлаган. Бироқ мазкур қарор бир неча соат ичида парламент томонидан бекор қилинган ва мамлакат бўйлаб оммавий норозилик намойишларига сабаб бўлган.

Teglar

Жанубий Корея ҳарбий ҳолат Юн Сок Ёль Сеул суди Хан Док Су

Mavzuga oid

Kecha 21:40

Ким Чен Ин бош вазир ўринбосарини эчкига қиёслаб, ишдан бўшатди

Унинг таъкидлашича, лаёқатсиз раҳбарларнинг фаолияти туфайли давлат иқтисодиёти сезиларли даражада зарар кўрган.

Kecha 13:30

Криптовалюталар Трамп оиласи бойлигини 6,8 млрд долларга етказди

«Bloomberg» нашри ҳисоб-китобларига кўра, криптобизнес бир йилда АҚШ президенти оиласига 1,4 млрд доллар даромад келтирган.

Kecha 13:59

Хитой ва Марказий Осиё ўртасидаги савдо ҳажми рекорд даражага етди

2025 йил якунларига кўра, электротехника ва машинасозлик экспорти драйверга айланган.

Kecha 12:53

Гренландия бош вазири аҳолини АҚШнинг эҳтимолий босқинига тайёрланишга чақирди

Орол раҳбарияти Трамп таҳдидлари ортидан аҳоли ва институтлар фавқулодда сценарийларга тайёр бўлиши кераклигини билдирди.

Kecha 17:30

Сунъий интеллектда шахсга доир маълумотларга ноқонуний ишлов бериш жавобгарликка тортилади

Қонунчиликка киритилган ўзгартиришларга кўра, сунъий интеллектдан фойдаланиш тартиби белгиланди. Қонунчилик бузилганда катта миқдорда жарима қўлланилади.

Kecha 21:20

Содиқ Сафоев: «Тошкент пропискаси шармандали тизим эди»

Сенат раисининг биринчи ўринбосари Тошкентда йиллар давомида амал қилган прописка тартиби шаҳар ривожи ва инсон ҳуқуқларига жиддий тўсиқ бўлганини айтди.