O‘zbekiston 2025 yilda qancha neft va tabiiy gaz qazib olgan?

23.01.2026 | 17:201 daqiqa

2025 yilda mamlakatdagi tabiiy gaz, neft va ko‘mir ishlab chiqarish hajmi ma’lum qilindi.

O‘zbekiston 2025 yilda qancha neft va tabiiy gaz qazib olgan?

Milliy statistika qo‘mitasiga ko‘ra, 2025 yilda O‘zbekistonda yoqilg‘i-energetika sohasida ishlab chiqarish hajmlari turli yo‘nalishlar bo‘yicha farq qildi. Xususan, 2025 yil davomida 1,2 million tonna avtomobil benzini ishlab chiqarildi.

Yoqilg‘i-energetika mahsulotlari

2025 yilda ko‘mir qazib olish hajmi 8,9 million tonnani tashkil etdi. Shu davrda dizel yoqilg‘isi ishlab chiqarishi 1,2 million tonna bo‘ldi. Neft qazib olish hajmi esa 655,7 ming tonna darajasida qayd etildi. Tabiiy gaz ishlab chiqarish 42,3 milliard kub metrni tashkil etgan.

Bundan tashqari, 1,1 million tonna gaz kondensati ishlab chiqarildi. Sanoatda qo‘shimcha mahsulot sifatida 248 ming 247 dona avtomobil dvigatellari ishlab chiqarilgan.

Gaz qazib olish bo‘yicha prezident topshirig‘i

12-yanvar kuni O‘zbekneftgaz aksiyadorlik jamiyati faoliyatiga bag‘ishlangan taqdimotda Prezident Shavkat Mirziyoyev kunlik gaz qazib chiqarish hajmini 66 million kub metrdan 70 million kub metrga yetkazish vazifasini qo‘ygan edi. Shuningdek, 2026 yilda kamida 25,4 milliard kub metr tabiiy gaz qazib olish choralarini ko‘rish yuzasidan topshiriq berilgan.

14-yanvar kuni esa «O‘zbekneftgaz» gaz qazib olish hajmlari nega oshmayotganiga izoh berdi. Kompaniya ma’lumotlariga ko‘ra, tabiiy gaz ishlab chiqarishning barqaror o‘sishiga yangi zaxiralarning yetarli darajada qo‘shilmayotgani asosiy to‘siq bo‘lmoqda. Qayd etilishicha, gaz salohiyatini oshirish uchun olib borilayotgan geologiya-qidiruv ishlari hozirgi sur’atlarda mavjud ehtiyojlarga javob bermayapti.

Teglar

energetika Shavkat Mirziyoyev tabiiy gaz O‘zbekneftgaz neft qazib olish

Mavzuga oid

Kecha 17:55

IIV xodimlariga qurilayotgan uylarning 30 foizi faqat profilaktika inspektorlariga beriladi

Ichki ishlar tizimida kadrlar barqarorligini ta’minlash uchun uy-joy, ijara to‘lovi va ish staji bo‘yicha yangi imtiyozlar joriy etilmoqda.

Kecha 20:00

O‘zbekiston Rossiyadan migrantlar huquqlariga amal qilishni talab qildi

O‘zbekiston rasmiylari Rossiyadagi migratsiya reydlari paytida fuqarolar huquqlari qonun buzilishidan qat’i nazar ta’minlanishi shartligini bildirdi.

Kecha 20:20

O‘sh fojialari: Islom Karimov va Chingiz Aytmatovning urushni oldini olgan muloqoti tafsilotlari aytildi

1990 yil: Markaziy Osiyo «ikkinchi Qorabog‘» bo‘lish ostonasida turgan, qirg‘iz-o‘zbek chegarasida o‘n minglab qurolli odamlar to‘plangan o‘ta qaltis palla. Roza Aytmatova o‘shanda akasi Chingiz Aytmatovning nega Toshkentga — Islom Karimov huzuriga shoshilgani va Karimovdan olgan va’dasi haqida gaprib berdi.

Kecha 22:01

Endi mobil raqamlar hisobda pul yo‘qligi uchun ikki oyda «kuyib ketmaydi»

Qolaversa, abonentlar amaldagi tarif rejasini istalgan boshqa tarif rejasi bilan bepul almashtirishi mumkin bo‘ladi.

Kecha 18:25

O‘zbekiston aholisi bir yilda qariyb 700 ming kishiga ko‘paydi

2025 yil yakunlariga ko‘ra, mamlakatda aholi sonining ortishi tabiiy o‘sish, ya’ni tug‘ilishlar hisobidan bo‘lgani ma’lum qilindi.

Kecha 22:42

Prezident selektorida katta tozalash

O‘zbekiston Prezidenti bugun, 27-yanvar kuni bo‘lib o‘tgan yig‘ilishda bir qator amaldorlarni ishdan oldi. Bekmurod Abdullayev va Rustam Tursunovning qamoqqa olinishi, Akmalxon Ortiqov va Mubin Mirzayevning ishdan ketishi — bu hali boshlanishi ekani aytilmoqda. «O‘zbekneftegaz» AJ va Davlat aktivlarini boshqarish agentligida katta taftish ketyapti.