Ўзбекистонликлар 2025 йилда қандай суғурталардан кўп фойдалангани маълум қилинди

Kecha 19:282 daqiqa

2025 йил мобайнида суғурта хизматлари ҳажми сезиларли ўсиб, асосий улуш транспорт ва мулкни суғурталаш ҳиссасига тўғри келди.

Ўзбекистонликлар 2025 йилда қандай суғурталардан кўп фойдалангани маълум қилинди

2025 йилнинг январ–ноябр ойларида Ўзбекистонда кўрсатилган суғурта хизматлари ҳажми 10,9 трлн сўмни ташкил этди. Бу ҳақда Миллий статистика қўмитаси маълум қилди. 2025 йилги кўрсаткич 2024 йилга нисбатан 2,9 трлн сўмга ошган.

Қайд этилишича, суғурта хизматлари умумий ҳажмида энг катта улушни баxтсиз ҳодисалардан суғурталаш, автотранспорт воситалари ҳамда бошқа транспорт турларини суғурталаш, шунингдек, юк ва мол-мулкни суғурталаш ташкил этган. Ушбу йўналишлар жами хизматлар ҳажмининг 81,7 фоизини эгаллаган.

Бу ҳолат транспорт воситалари сони ортиб бораётгани, логистика ва савдо ҳажмлари кенгайгани ҳамда мулкий манфаатларни ҳимоя қилишга бўлган эҳтиёж кучайгани билан изоҳланади.

Шу билан бирга, 2025 йилнинг январ–ноябр ойларида қайта суғурталаш хизматлари умумий ҳажмнинг 14,1 фоизини ташкил этган. Бу кўрсаткич суғурта компанияларининг ўз рискларини бошқаришга ва барқарорлигини таъминлашга интилаётганини англатади.

Ҳаётни суғурталаш хизматларининг улуши эса 4,2 фоиз даражасида қайд этилган. Бу сегмент аҳолининг узоқ муддатли молиявий режалаштиришга қизиқиши ортиши билан келгусида ошиши мумкин.

Маълумот учун, 2025 йилнинг январ–октябр ойларида Ўзбекистонда кўрсатилган суғурта хизматлари ҳажми 10 триллион сўмни ташкил этди. Бу давр мобайнида энг катта улушни бахтсиз ҳодисалардан суғурталаш, автотранспорт воситалари ва бошқа транспорт турларини суғурталаш ҳамда юк ва мулкни суғурталаш каби йўналишлар эгаллаган.

Эслатиб ўтамиз, 2026 йил 1 январдан кучга кирадиган «Давлат ижтимоий суғуртаси тўғрисида»ги қонунга мувофиқ, суғурталанган шахсларга ишсизлик нафақаси тўлаб берилиши ҳақида хабар берган эдик.

Teglar

статистика автосуғурта ҳаётни суғурталаш суғурта хизматлари мулк суғуртаси

Mavzuga oid

Kecha 21:00

«Centrum Air» Тошкент–Ҳайдаробод йўналишида авиақатновларни йўлга қўяди

Янги тўғридан тўғри рейслар Ўзбекистон ва Ҳиндистон ўртасидаги авиақатнов ва сайёҳлик алоқаларини янада кенгайишига хизмат қилади.

Kecha 21:20

Президент кунлик газ қазиб чиқариш ҳажмини оширишни буюрди

Шавкат Мирзиёев «Ўзбекнефтгаз»га бу йил камида 25,4 миллиард куб метр газ қазиб чиқариш чораларини кўриши зарурлигини айтди.

Kecha 18:58

Хусусий ва мерос фондлари ташкил қилишнинг қонуний тартиби белгиланмоқда

Янги қонун лойиҳаси Ўзбекистонда хусусий ва мерос фондларини ташкил этиш, бошқариш ва назорат қилиш қоидаларини белгилайди.

Kecha 23:20

Самарқанд тумани тугатилади

Самарқанд тумани алоҳида маъмурий бирлик сифатида тугатилиб, унинг ҳудудлари, шунингдек, Оқдарё, Пастдарғом ва Тойлоқ туманларининг бир қисми Самарқанд шаҳри таркибига ўтказилиши режалаштирилмоқда.

Kecha 22:48

«Марказий Осиёда “СВО” ўтказишга Россиянинг на ҳарбий, на иқтисодий имкони етади» — Fikr vaqti

Россиялик телебошловчи Владимир Соловёв Россия Украинада бўлгани каби Арманистон ва Марказий Осиё давлатларида ҳам «махсус ҳарбий операция» бошлаши кераклиги ҳақида гапириб, у буни «миллий хавфсизликни таъминлаш масаласи» деб атади.

Kecha 23:07