Тожикистон қарийб 10 млн долларлик гуманитар ёрдам олди

Bugun 16:101 daqiqa

Асосий донорлар АҚШ, Хитой ва Корея Республикаси бўлди.

Тожикистон қарийб 10 млн долларлик гуманитар ёрдам олди

2026-йилнинг январ–апрел ойларида Тожикистон 9,6 миллион долларлик гуманитар ёрдам олди. Бу ҳақда мамлакат президенти ҳузуридаги Статистика агентлиги Божхона хизмати маълумотларига таяниб хабар қилди.

Ҳисоботга кўра, мазкур даврда мамлакатга жами 787,4 тонна гуманитар ёрдам етказиб берилган. Ёрдам дунёнинг 25 та яқин ва узоқ хорижий давлатидан келиб тушган.

Ёрдам берганлар

Молиявий ҳажм бўйича энг йирик донорлардан бири АҚШ бўлиб, мамлакат томонидан тақдим этилган ёрдам ҳажми тахминан 1,64 миллион долларга тенг бўлган.

Хитой ва Жанубий Корея ҳар бири қарийб 1,6 миллион долларлик ёрдам кўрсатган. Шунингдек, Нидерландия қарийб 1 миллион доллар, Ҳиндистон тахминан 958 минг доллар, Россия эса 938 минг доллар атрофида гуманитар ёрдам тақдим этган.

Натижада энг йирик олти донор – АҚШ, Хитой, Жанубий Корея, Нидерландия, Ҳиндистон ва Россия ҳиссасига йилнинг дастлабки тўрт ойида Тожикистонга келиб тушган умумий гуманитар ёрдамнинг 80 фоиздан ортиғи тўғри келган.

Таққослаш учун, 2026-йилнинг январ–апрел ойларида Тожикистоннинг умумий импорт ҳажми 3,08 миллиард долларни ташкил этган. Демак, гуманитар ёрдам қиймати мазкур даврдаги импорт ҳажмининг тахминан 0,31 фоизига тенг бўлган.

Teglar

Хитой импорт Жанубий Корея гуманитар ёрдам АҚШ Тожикистон Марказий Осиё

Mavzuga oid

Kecha 18:49

Туркманистон 2030-йилгача «тамакидан холи мамлакат» бўлмоқчи

Туркманистон ҳукумати 2026–2030-йилларга мўлжалланган янги миллий дастурни тасдиқлаб, мамлакатни тамакидан холи ҳудудга айлантиришни мақсад қилмоқда.

Bugun 14:59

Қирғизистон «TikTok»ни қайси шарт билан очишини маълум қилди

Қирғизистонда «TikTok» ижтимоий тармоғига кириш имкони тақиқланган контентни алоҳида блоклаш имконини берувчи махсус ускуналар ишга туширилганидан кейин тикланиши мумкин.

Bugun 15:02

Тўқаев давлат рамзларидан фойдаланиш қоидалари ўзгаришини эълон қилди

Қозоғистон президенти давлат рамзларининг нуфузини мустаҳкамлаш мақсадида улардан фойдаланиш тартибини белгиловчи қоидаларга ўзгартишлар киритилишини маълум қилди.

Kecha 18:46

Тожикистон электрининг 95 фоизини ГЭСларда ишлаб чиқаряпти

Тожикистоннинг йиллик гидроэнергетика салоҳияти 527 миллиард киловатт-соатга баҳоланмоқда, аммо ҳозирча бу имкониятларнинг фақат 4 фоизи ўзлаштирилган.

Kecha 13:25

Финландия Россиянинг миллионлаб евролик маблағини мусодара қилди

Финландия Россия ва Финляндия иштирокидаги трансчегаравий ҳамкорлик дастурини молиялаштириш учун ажратилган 3,7 миллион евролик маблағни мусодара қилди.

Bugun 08:30