Тошкентда 86 турдаги сертификатсиз дори воситаси савдодан олинди

Bugun 20:141 daqiqa

Пойтахтдаги дорихоналарда сертификатсиз ва яроқлилик муддати ўтган дорилар савдоси аниқланди. Текширувларда 86 турдаги сертификатсиз дори воситаси ва яроқлилик муддати ўтган 5 турдаги препарат савдодан олинди.

Тошкентда 86 турдаги сертификатсиз дори воситаси савдодан олинди

Тошкентдаги бир қатор дорихоналарда сертификатсиз ва яроқлилик муддати ўтган дори воситалари сотилаётгани аниқланди. Текширувлар натижасида тўртта дорихонадан 86 турдаги сертификатсиз дори воситаси савдодан олинган. Бу ҳақда Фармацевтика маҳсулотлари хавфсизлиги маркази маълум қилди.

Назорат тадбирлари фармацевтика фаолиятида лицензия талаблари ва шартларига риоя этилишини ўрганиш доирасида ўтказилган. Текширувларга “Арзон аптека” Telegram-ботида жойлаштирилган дори воситалари ҳақидаги эълонлар асос бўлган.

Тўртта дорихонада мувофиқлик сертификатига эга бўлмаган 86 турдаги дори воситаси аниқланиб, савдодан олинган.

Бундан ташқари, дорихоналардан бирида яроқлилик муддати ўтган 5 турдаги дори воситаси ҳам савдода тургани маълум бўлган.

Яна бир ҳолатда дорихона дори воситалари ва тиббий буюмларни чакана сотиш учун берилган лицензиянинг амал қилиш муддати тугаганига қарамай, фаолиятини давом эттирган.

Марказ фуқароларни дори воситаларини қонуний фаолият юритаётган дорихоналардан харид қилишга чақирди. Шунингдек, интернет ва ижтимоий тармоқлардаги шубҳали эълонлардан эҳтиёт бўлиш ҳамда дори воситаларининг қонунийлиги ва сифатини тасдиқловчи ҳужжатларга эътибор қаратиш тавсия этилди.

Teglar

дори сертификат фармацевтика

Mavzuga oid

Bugun 14:51

Тошкентда 600 мингдан ортиқ квартира қайта баҳоланди

Уларнинг умумий қиймати амалдаги кадастр баҳосидан 7 баравардан кўпроқ ошиб, 426,7 трлн сўмни ташкил этди.

14.08.2026 | 12:55

«Тошкент метрополитени» давлат унитар корхонаси акциядорлик жамиятига айлантирилди

5 йилдан буён унга раҳбарлик қилиб келаётган Раҳмонбек Усмонов эса лавозимида қолди. У метрополитен бошқаруви раиси этиб тайинланди.

13.08.2026 | 20:07

Бир қатор тадбиркорлар «Фаол тадбиркор» кўкрак нишони билан тақдирланди

Улар орасида «Oqtepa Lavash» асосчиси Беҳзод Ғуломов, «Uzum Technologies» бош директори Жасур Жумаев, «Edu Action» кузатув кенгаши раиси Умиджон Ишмуҳамедов, «Dodo Pizza Tashkent» раҳбари Динара Исломова, «ADM Jizzakh» бош директори Данияр Давлетияров, «Fly Khiva Group» бош директори Дилшод Ходжаев ва «YandexGo UB» таъсисчиси Иззат Шукуров ҳам бор.

Bugun 17:55

Душанба куни ҳарорат 31 даражагача тушиши кутилмоқда

Ўзбекистонда 17-август куни ҳаво иссиқ ва айрим ҳудудларда шамолли бўлади. Қашқадарё ва Сурхондарёда ҳарорат 41 даражагача кўтарилса, бир қатор вилоятларда чанг-тўзон кузатилиши мумкин.

14.08.2026 | 11:32

Ўзбекистонда болага отасининг исмини фамилия сифатида қўйишга рухсат берилди

Янги қонунга кўра, ота ёки онанинг фамилияси билан бир қаторда, отасининг исмини ҳам болага фамилия сифатида бериш мумкин бўлади.

14.08.2026 | 11:45