Тошкентнинг Шаҳрисабз кўчасида BRT линияси қурилиши бошланди

Bugun 10:551 daqiqa

2026-йил 24-июл соат 01:00 дан 9-август соат 23:00 гача Шаҳрисабз кўчасининг Шаҳрисабз–Миробод–Шота Руставели айланма чорраҳасидан Амир Темур шоҳ кўчаси билан кесишмасигача бўлган қисмида йўлни BRT йўлаги талабларига мослаштириш бўйича қурилиш-таъмирлаш ишлари олиб борилади.

Тошкентнинг Шаҳрисабз кўчасида BRT линияси қурилиши бошланди

Тошкент марказидаги Шаҳрисабз кўчасида автобуслар учун алоҳида ажратилган йўлак (Bus Rapid Transit) қуриш ишлари бошланади.

Пойтахт Йўл ҳаракатини ташкил этиш маркази маълум қилишича, қурилиш ишлари 24-июл соат 01:00 дан 9-август соат 23:00 гача Шаҳрисабз кўчасининг Шаҳрисабз—Миробод—Шота Руставели айланма чорраҳасидан Амир Темур шоҳ кўчаси билан кесишмасигача бўлган қисмида амалга оширилади. Янги линия аввал барпо этилаётган Шота Руставели кўчасидаги BRT йўлагининг мантиқий давоми ҳисобланади.

Қурилиш даврида транспорт ҳаракати тўлиқ тўхтатилмайди. Кўчанинг икки четки ҳаракат қисми автомобиллар учун очиқ қолади, ишлар эса марказий тўртта йўлакда олиб борилади.

Линия яна кенгаяди

Тошкент шаҳар ҳокимлиги апрель ойида BRT тармоғини кенгайтириш концепциясини тақдим этган эди. Унга мувофиқ, Шаҳрисабз кўчасидан кейин алоҳида автобус йўлаги Амир Темур шоҳкўчаси бўйлаб ҳам ташкил этилади.

Шунингдек, Янги Сергели кўчасида ҳам BRT линияси қурилиши режалаштирилган. Бу кўча Шота Руставели кўчасининг давоми ҳисобланади ва янги маршрутлар орқали шаҳарнинг турли қисмларини ўзаро боғлаш кўзда тутилган.

Teglar

транспорт инфратузилма автобус BRT ҳаракат Тошкент

Mavzuga oid

Kecha 19:22

Ўзбекистондаги илк пулли йўл августда очилиши мумкин

Урганч — Хива автомагистрали келаси ойда ишга туширилиши режалаштирилмоқда. Шу билан бирга, Тошкент — Андижон автомагистрали бўйича халқаро тендер якунланиш арафасида, Тошкент — Чорвоқ йўли учун эса ҳукумат хусусий шерикни аниқламоқда.

Kecha 19:35

2 йилдан бери ижро этилмаётган суд қарорлари: Ташқи меҳнат миграцияси агентлиги атрофида нималар бўлмоқда?

«Vaqt.uz» ихтиёрига Мажбурий ижро бюроси (MIB) Олмазор туман бўлими томонидан Камбағалликни қисқартириш ва бандлик вазирлиги ҳамда вазирлик ҳузуридаги Ташқи меҳнат миграцияси агентлигининг Тугатув бошқарувчисига юборилган расмий сўровнома нусхаси келиб тушди.

Kecha 18:10

Ўзини ўзи банд қилганлар бўйича қайси вазирлик ёлғон гапирмоқда ва «ишли» ишсизлар учун жавоб берадиган борми?

Сўнгги кунларда ўзидан бехабар ишга жойлаштирилган фуқаролар ҳақидаги мурожаатлар ортидан бандлик статистикаси ва шахсий маълумотлар хавфсизлигига оид саволлар кўпаймоқда. Vaqt.uz фуқаролар мурожаатлари ва уч йиллик статистикани ўрганиб, Бандлик вазирлигидан мазкур масала юзасидан изоҳ олди.

Kecha 22:23

Банк иловаларида бекор қилинадиган юз назорати, қурувчиси маълум бўлган Тошкент — Самарқанд пулли йўли ва даромадининг ярмидан кўпини қарзга сарфлаётган ўзбекистонликлар — 23 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 17:34

Тошкент — Самарқанд пулли йўлини қурадиган компания номи маълум қилинди

Тошкент — Самарқанд ўртасида қуриладиган қарийб 2,2 млрд долларлик пулли автомагистрал лойиҳаси пудратчиси маълум бўлди. Янги трассани 2030-йилгача фойдаланишга топшириш режалаштирилган.

Kecha 18:30

Ярим йилда Ўзбекистонга 9,3 млрд доллар пул ўтказилди — Марказий банк

2026 йилнинг биринчи ярмида Ўзбекистон ички валюта бозорида хорижий валютага бўлган талаб 20 фоизга ошиб, қарийб 32 млрд долларни ташкил қилди. Шу билан бирга, валюта таклифи янада тезроқ ўсиб, 27,8 млrd доллар қийматида баҳоланган.