AQSH tarixidagi eng yirik vizalarni bekor qilish jarayoniga tayyorgarlik ko‘rmoqda
Bu 200 ming nafar xorijlikka ta’sir qiladi.
© EspecialAQSH ma’muriyati boshpana so‘rab murojaat qilgan 200 ming nafar xorijlikning vizasini bekor qilishga tayyorlanmoqda. Bu haqda ABC News nashriga tayanib, Nur.kz ma’lum qildi. Agar bu amalga oshsa, holat Amerika Qo‘shma Shtatlari tarixidagi eng yirik bir martalik ommaviy vizalarni bekor qilish jarayoni bo‘ladi.
Nashr ma’lumotlariga ko‘ra, Donald Tramp ma’muriyati Qo‘shma Shtatlardan boshpana so‘rab ariza bergan yoki hozirda boshpana izlayotgan xorijliklarning ishbilarmonlik va sayyohlik vizalarini bekor qilishni rejalashtirmoqda.
Davlat departamenti yaqin haftalar ichida 2016 yildan 2026 yilgacha bo‘lgan davrda berilgan V1 va V2 toifasidagi vizalar bekor qilinishini e’lon qilishi kutilmoqda. Ma’lum qilinishicha, ushbu harakatlar Ichki xavfsizlik vazirligi bilan muvofiqlashtirilgan holda amalga oshiriladi va katta ehtimol bilan yuridik to‘siqlarga duch keladi.
Bekor qilish sabablari va oqibatlari
«Biz Qo‘shma Shtatlarga qisqa muddatli qolish maqsadida kelib, so‘ngra doimiy yashash uchun boshpana so‘rab murojaat qilgan xorijliklarning noimmigratsion vizalarini aniqlash va bekor qilish uchun Ichki xavfsizlik vazirligi bilan harakatlarimizni muvofiqlashtirmoqdamiz», — deya Davlat departamenti vakili Tommi Pigott so‘zlaridan iqtibos keltirdi nashr.
Rasmiylarning ta’kidlashicha, vizalarning bekor qilinishi ushbu shaxslarning zudlik bilan deportatsiya qilinishiga olib kelmaydi.
«Hozirda boshpana berish to‘g‘risidagi ishlari ko‘rib chiqilayotgan shaxslarning aksariyati boshqa toifaga o‘tkaziladi, biroq ular o‘zlarining ishbilarmon yoki sayyoh statusini yo‘qotadi», — deyiladi xabarda.
