HUMO'ga yangi rahbar tayinlandi

Бугун 12:451 дақиқа

Belarus milliy to‘lov tizimi — BELKARTning sobiq rahbari Aleksandr Sotnikov HUMO to‘lov tizimi boshqaruv raisi etib tayinlandi.

Belaruslik mutaxassis Aleksandr Sotnikov HUMO to‘lov tizimi boshqaruv raisi lavozimiga tayinlandi. Bu haqda to‘lov tizimining rasmiy saytidagi ma’lumotlardan ma’lum bo‘ldi.

Sotnikov mazkur lavozimda 2025 yil sentabridan buyon ishlab kelgan Ulug‘bek Bahodirov o‘rnini egalladi.

Eslatib o‘tamiz, Aleksandr Sotnikov 2026 yil 18-mayda HUMO Kuzatuv kengashi qarori bilan kompaniya boshqaruv raisining birinchi o‘rinbosari etib tayinlangan edi.

Biroq oradan deyarli bir yarim oy o‘tib, uning kompaniyadagi vakolatlari tugatilgani va Korporativ axborot yagona portalida uning kompaniya affillangan shaxslari ro‘yxatidan chiqarilgani ma’lum qilindi.

Ma’lumot uchun, Aleksandr Sotnikov mehnat faoliyatining asosiy qismini bank, protsessing va raqamli to‘lov tizimlari sohasida o‘tkazgan.

U faoliyatini «Belinvestbank»da boshlab, bank kartalari infratuzilmasi va protsessing tizimlari bilan shug‘ullangan. Keyinchalik Belarus milliy to‘lov tizimi operatori — «BELKART»ga rahbarlik qilgan.

Shuningdek, u Belarus Milliy bankida To‘lov tizimlari va raqamli texnologiyalar yo‘nalishiga rahbarlik qilgan, 2017–2021 yillarda esa «Belgazprombank» bosh direktori o‘rinbosari bo‘lib ishlagan. 2021 yil mayidan boshlab esa besh yil davomida «BELKART» milliy to‘lov tizimi operatorini boshqargan.

Теглар

HUMO tayinlov to‘lov bank BELKART Sotnikov

Мавзуга оид

Кеча 17:50

Saida Mirziyoyevaga diplomatik vakolatxonalarning ishini tahlil qilish topshirildi

Prezident Administratsiyasi rahbari iqtisodiy diplomatiya, investitsiya va eksport bo‘yicha diplomatik vakolatxonalarning ishini tahlil qilib, o‘z vazifasini bajara olmayotganlarni yosh, zamonaviy fikrlaydigan kadrlar bilan almashtirish yuzasidan takliflar tayyorlaydi.

19.07.2026 | 15:55

Nasiya savdo, pensiya islohoti va parkovkalardagi jarima

«Avval iqtisod» ko‘rsatuvining 19-sonida iqtisodchi Otabek Bakirov bilan nasiya savdo bozorini tartibga solish, pensiya tizimidagi kutilgan o‘zgarishlar, bandlik statistikasi, pulli parkovkalar va P2P o‘tkazmalarini nazorat qilish bo‘yicha bahsli tashabbuslar yuzasidan fikr bildirildi.

18.07.2026 | 01:33

Alisher Usmonov PDXX raisi lavozimidan ozod etildi

Vaqt.uz manbasining xabar berishicha, Alisher Usmonov O‘zbekiston Prezidentining davlat xavfsizlik xizmati raisi lavozimidan ozod etilgan.

Кеча 20:52

Tramp 60 ta davlat tovarlariga yangi bojlar kiritmoqchi

Yangi bojlar miqdori 10 foizdan 12,5 foizgacha bo‘lishi kutilmoqda.

20.07.2026 | 16:19

Sobiq imom Odilxon Ismoilov 8 yilga qamaldi

Toshkentda uzoq yillar imom-xatib bo‘lib ishlagan, keyinchalik «Rayxon» milliy taomlari tarmog‘ini tashkil etgan Odilxon Ismoilovga sud hukmi o‘qildi. Ish bo‘yicha yana olti nafar shaxs ham ozodlikdan mahrum etildi.

Кеча 22:29