Ichki ishlar vazirining sobiq o‘rinbosari Bekmurod Abdullayev ishi sudga oshirildi

Кеча 21:441 дақиқа

Avvalroq, u davlatga yetkazilgan zararni to‘liq qoplagani uchun hibsdan ozod qilingandi.

Ichki ishlar vazirining sobiq o‘rinbosari Bekmurod Abdullayev ishi sudga oshirildi

Jinoyat ishlari bo‘yicha Yangihayot tuman sudida Ichki ishlar vazirining sobiq o‘rinbosari Bekmurod Abdullayevga nisbatan jinoyat ishi ko‘rib chiqilmoqda.

Tergov ma’lumotlariga ko‘ra, sobiq mulozim O‘zbekiston Respublikasi Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish)ning bir qator qism va bandlari bo‘yicha ayblanmoqda. Mazkur jinoyat ishi doirasida Bekmurod Abdullayev bilan birga jami 30 nafar shaxs sudlanmoqda.

186 milliard so‘mlik zarar va hibsdan ozod qilish

Eslatib o‘tamiz, Bekmurod Abdullayev 2025 yilning noyabr oyi boshida prezident qarori bilan Ichki ishlar vazirining o‘rinbosari — Jamoat xavfsizligi departamenti boshlig‘i lavozimidan ozod etilgan edi.

2026 yilning 27-yanvar kuni prezident Shavkat Mirziyoyev raisligida o‘tkazilgan videoselektor yig‘ilishida Ichki ishlar vazirligi tizimidagi davlat xaridlarida 186 milliard so‘m budjet mablag‘i o‘zlashtirilgani aniqlangani ma’lum qilingan. Holat yuzasidan vazir o‘rinbosari B. Abdullayev va Jazoni ijro etish departamenti boshlig‘i R. Tursunovga nisbatan jinoyat ishi qo‘zg‘atilgandi.

Keyinroq, joriy yilning 16-aprel kuni davlat manfaatlariga yetkazilgan zararni qoplagani munosabati bilan 7 nafar sobiq mulozim, xususan, Bekmurod Abdullayev va Rustam Tursunov hibsdan ozod qilingani haqida xabar berildi.

Теглар

korrupsiya IIV sud o‘zlashtirish jinoyat ishi Bekmurod Abdullayev talon-toroj qilish Yangihayot tuman sudi

Мавзуга оид

Кеча 17:15

Soliq qo‘mitasi raisining birinchi o‘rinbosari 8 yildan ortiq muddatga qamaldi

Prezident tomonidan lavozimidan olinganidan qariyb olti oy o‘tib, Soliq qo‘mitasi raisining sobiq birinchi o‘rinbosari Mubin Mirzayevga nisbatan sud hukmi e’lon qilindi. Shayxontohur tuman sudi uni 8 yil 2 oy muddatga ozodlikdan mahrum qildi.

24.07.2026 | 21:37

Dunyoning eng boy odami Ukrainani Rossiyaga yon berishga chaqirdi

Amerikalik milliarder Ilon Mask «The Economist» nashriga bergan intervyusida Rossiya qo‘shinlarining to‘liq chekinishini kutish haqiqatdan yiroq ekanini aytib, urushni davom ettirayotganlarni keskin tanqid qildi.

Кеча 20:56

5 epizod, ko‘rsatmalar va qamoqdan keyingi arizalar: Sirojiddin Odilov sudidan reportaj

Juma kungi mahkamada ko‘rib chiqilishi rejalashtirilgan jami 6 ta epizoddan 5 tasi bo‘yicha ishtafsilotlari o‘rganildi. Majlis davomidajabrlanuvchilarning ko‘rsatmalari tinglanib, ular sudya, prokuror hamda advokatlar tomonidan so‘roq qilindi.

Кеча 21:14

O‘zbekistonning Belarusdagi elchisi o‘zgardi

Farg‘ona viloyati hokimi o‘rinbosari lavozimida ishlab kelgan Nuriddin Mamajonov O‘zbekistonning Belarusdagi yangi elchisi bo‘ldi.

25.07.2026 | 21:48

To‘qayev Rossiya-Ukraina mojarosini «muzlatish»ni taklif qildi

Qozog‘iston prezidenti Qosim-Jo‘mart To‘qayev Vladimir Putin bilan uchrashuvda Rossiya-Ukraina urushi «muzlatilishi» va muzokaralar «Istanbul 2.0» formatida qayta tiklanishi kerakligini aytdi.

25.07.2026 | 16:12

«Manchester Siti» Husanov bilan shartnomani 2031-yilgacha uzaytirdi

«Manchester Siti» Abduqodir Husanov bilan shartnomani muddatidan avval uzaytirdi. Yangi kelishuvga ko‘ra, 22 yoshli o‘zbekistonlik himoyachi klub safida 2031 yilning yoziga qadar to‘p suradi.