Kanada AQSH tovarlariga 50 foizgacha javob bojlarini joriy qiladi
Avvalroq, Mark Karni AQSHning harakatlariga nisbatan «dollarga dollar» tamoyili asosida javob bojlari kiritilishini ma’lum qilgan edi.
Kanada joriy yilning 8-sentabridan boshlab Amerika Qo‘shma Shtatlaridan import qilinadigan tovarlarga 15, 25 va 50 foiz miqdorida javob bojlarini joriy qiladi. Ushbu choralar qariyb 20 milliard AQSH dollariga teng hajmdagi mahsulotlarni o‘z ichiga oladi. Bu haqda Kanada moliya vazirligi bayonotiga tayanib RIA Novosti ma’lum qildi.
Cheklovlar, asosan, po‘lat, elektronika, sut mahsulotlari, qishloq xo‘jaligi uskunalari, maishiy texnika va sellyuloza-qog‘oz sanoati mahsulotlariga ta’sir ko‘rsatadi.
«2026 yilning 8-sentabridan boshlab Kanada tovarlarga 15 foiz, 25 foiz va 50 foiz miqdorida bojlar kiritadi... Kanadaning javob bojlari AQSHdan import qilinadigan 27,6 milliard kanada dollariga (19,9 milliard AQSH dollari — tahr.) teng mahsulotlarga qo‘llaniladi va AQSH bojlaridan eng ko‘p jabr ko‘rgan sektorlar — po‘lat, sut mahsulotlari, maishiy texnika, qishloq xo‘jaligi uskunalari, sellyuloza-qog‘oz sanoati hamda elektronikaga markazlashtiriladi», — deyiladi hukumat xabarida.
Ichki bozorni qo‘llab-quvvatlash va siyosiy munosabatlar
Tariflarni joriy etish bilan bir qatorda, Kanada rasmiylari ushbu qarordan zarar ko‘rishi kutilayotgan mahalliy tadbirkorlar va ishchilarni qo‘llab-quvvatlash maqsadida 5,4 milliard AQSH dollari miqdorida mablag‘ ajratilishini alohida e’lon qildi.
Bundan avvalroq Kanada bosh vaziri Mark Karni AQSHning harakatlariga nisbatan «dollarga dollar» tamoyili asosida javob bojlari kiritilishini ma’lum qilgan edi.
O‘z navbatida, AQSH sobiq prezidenti Donald Tramp ushbu harakatlarga munosabat bildirdi.
«U Kanadaning bu siyosatini muvaffaqiyatsiz deb atab, mamlakat rahbariyati, jumladan, bosh vazir Mark Karni va Ontario provinsiyasi bosh vaziri Dag Fordni nokompetentlikda aybladi», - deya uning so‘zlaridan iqtibos keltirdi nashr.
