Komil Allamjonovga suiqasd qilgan shaxs qamoqxonada vafot etdi

28.02.2026 | 14:351 дақиқа

Allamjonovga qilingan suiqasd ishi bo‘yicha 23 yilga hukm etilgan mahkum izolyatorda o‘lik holda topilgan.

Komil Allamjonovga suiqasd qilgan shaxs qamoqxonada vafot etdi

2025 yil 12-fevral kuni Prezident Administratsiyasining sobiq xodimi Komil Allamjonovga suiqasd uyushtirganlikda ayblanib, 23 yilga ozodlikdan mahrum etilgan Ismoil Jahongirov jazoni ijro etish muassasasida vafot etdi. Bu haqda marhumning yaqinlariga tayanib, «Ozodlik» nashri xabar berdi.

Ma’lumotlarga ko‘ra, hodisa 26-fevral kuni sodir bo‘lgan. Jahongirov izolyatorda kiyimidan foydalangan holda o‘z joniga qasd qilgani aytilmoqda.

Hozircha Ichki ishlar ham Bosh Prokuratura ham ushbu holat yuzasidan rasmiy izoh bermagan.

Eslatib o‘tamiz, Allamjonovga suiqasd 26-oktabr kuni tungi soat 01:40 larda Toshkent viloyati Qibray tumanida sodir etilgan edi. Fuqaro S.S. boshqaruvidagi «Range Rover» avtomashinasiga noma’lum shaxslar tomonidan bir necha bor o‘q uzilgan. Hodisa oqibatida hech kim jabrlanmagan.

Mazkur holat yuzasidan Bosh prokuratura tomonidan Jinoyat kodeksining 25, 97 va 248-moddalari bilan jinoyat ishi qo‘zg‘atilgan. Tergovga bir nechta huquqni muhofaza qiluvchi idoralar jalb etilgan edi.

Теглар

Bosh prokuratura Qibray Komil Allamjonov Ozodlik Ismoil Jahongirov

Мавзуга оид

Кеча 21:49

Shikastlangan davlat raqamini onlayn almashtirish xizmati yo‘lga qo‘yildi

Ma’lum qilinishicha, ariza yuborib, foto ilova qilinadi, ko‘rib chiqilgandan so‘ng to‘lov amalga oshiriladi.

Кеча 17:28

Prezident yerlarni xususiylashtirish bo‘yicha yangi tizimga o‘tishni topshirdi

Shavkat Mirziyoyev o‘tkazayotgan yig‘ilishda infratuzilmaga 1 so‘mlik xarajat ketadigan joyga 2-3 karra ko‘p mablag‘ sarflanayotgani, pala-partish qurilishlar haligacha davom etayotgani tanqid qilindi.

Кеча 19:52

Qurilish: davlat buyurtmachilari faoliyati to‘liq KPIga bog‘lanadi, xodimlarning oyligi 3 karra oshiriladi

Mahalliy loyihachi, quruvchi va konsultantlarni xalqaro tenderlarda ishtirok etishga o‘qitish bo‘yicha tizim yaratish vazifasi qo‘yildi.

Кеча 23:31

Yerlarni xususiylashtirishda yangi tizim, shikastlangan avtoraqamlar onlayn almashtirish narxi va budjet xarajatlarni oshirmaslik bo‘yicha ogohlantirish — 14-aprel dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Кеча 18:32

O‘t o‘chirgichlar nosoz bo‘lib chiqmoqda

So‘nggi vaqtlarda ijtimoiy tarmoqlarda odamlar xorijdan olib kelib sotilayotgan o‘t o‘chirish moslamalari, ya’ni ruschasiga aytganda ognetushitellar nosoz ekanliklarini aytib chiqishmoqda.

Кеча 17:15