Ўзбекистонда клиринг тизими орқали тўловлар сони 44,2 фоизга ошди

Бугун 18:552 дақиқа

Июль ойида Марказий банкнинг Ҳисоб-китоблар клиринг тизими орқали 17,2 миллион та тўлов қабул қилинди. Уларнинг умумий қиймати 11,6 триллион сўмни ташкил этди.

Ўзбекистонда клиринг тизими орқали тўловлар сони 44,2 фоизга ошди

2026 йил июль ойида Марказий банкнинг Ҳисоб-китоблар клиринг тизими орқали 17,2 миллион та тўлов қабул қилинди. Бу 2025 йилнинг шу ойига нисбатан 5,3 миллион та ёки 44,2 фоизга кўп, дейилади Марказий банк хабарида.

Шу билан бирга, тўловларнинг умумий қиймати 11,6 триллион сўмни ташкил этди. Йиллик ўсиш 8,7 фоиз бўлди.

Юқори кўрсаткичга эга ТОП-5 банк

Банклар кесимида тўловлар сони бўйича энг катта ўсишлардан бири Aloqabankда кузатилди. Банк орқали амалга оширилган тўловлар сони бир йилда 7,3 миллион тадан 9 миллион тага етди. Бу 22,6 фоизлик ўсишдир.

Aloqabankда тўловларнинг умумий қиймати ҳам 2,35 триллион сўмдан 3,01 триллион сўмга ошган.

TBC Bankда тўловлар сони қарийб 1,5 миллион тага кўпайиб, 1,05 миллион тадан 2,56 миллион тага етди. Тўловларнинг умумий суммаси эса 445,9 миллиард сўмдан 674,9 миллиард сўмга ошди.

Hamkorbank тўловлар сони ўсиши бўйича энг юқори суръат қайд этган банклардан бири бўлди. У орқали қабул қилинган тўловлар сони 62,3 мингтадан 1,09 миллион тага етди. Бу қарийб 17 баробар ўсишни англатади.

Банкдаги тўловларнинг умумий қиймати ҳам 231,8 миллиард сўмдан 516,3 миллиард сўмга кўпайди.

Uzum Bank орқали қабул қилинган тўловлар сони 211,4 мингтадан 728,5 мингтага ошган. Уларнинг умумий қиймати эса 62 миллиард сўмдан 121,4 миллиард сўмга етди.

Ipoteka-bankда тўловлар сони 232,5 мингтадан 292,6 мингтага, тўловларнинг умумий қиймати эса 285 миллиард сўмдан 477,9 миллиард сўмга ошган.

Тўловлар сони қийматидан тезроқ ўсмоқда

Умуман, рақамлар клиринг тизимида тўловлар сони уларнинг умумий қийматига нисбатан анча тез ўсганини кўрсатмоқда.

Таққослаш учун, 2025 йил июль ойида ушбу тизим орқали 11,9 миллион та тўлов қабул қилинган бўлиб, уларнинг умумий қиймати 10,6 триллион сўмни ташкил этган.

Шундай қилиб, бир йилда тўловлар сони 5,3 миллионтага, уларнинг умумий қиймати эса 1 триллион сўмга ошган.

Vaqt.uz avvalroq kliring tizimi qanday ishlashi haqidagi o’z maqolasini e’lon qilgan edi.

Теглар

тўлов тизими Uzum Bank банклар TBC Bank Ipoteka-bank Aloqabank банк хизматлари Hamkorbank Марказий банк молия Ўзбекистон иқтисодиёти тўловлар клиринг тизими электрон тўловлар

Мавзуга оид

Кеча 22:37

Коррупция бўйича олдинда бораётган Андижон, сертификатсиз ишлаши тақиқланган риэлторлар ва автомобил минган мансабдорларга жазо — 10 август дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 17:09

Ўзбекистонда риэлторлар фаолиятини тартибга солувчи қонун қабул қилинди

Янги қонунга кўра, риэлторлар малака сертификатига эга бўлиши ва фақат риэлторлик ташкилоти таркибида ишлаши мумкин. Ташкилотлар эса Ягона реестрга киритилгандан кейингина фаолият бошлайди.

Кеча 17:35

Йирик корхоналарнинг ярми фойдаси билан кредит фоизларини қоплай олмаяпти — Марказий банк

Молиявий барқарорлик шарҳида келтирилишича, мамлакатдаги йирик компанияларнинг 51 фоизида солиқлардан олдинги фойда қарзлар бўйича фоиз харажатларини қоплашга етмайди.

Кеча 21:43

«Адолатга етолмаяпмиз»: фуқаролар Олий суд раисига мурожаат қилди

Тошкентда Олий суд, Судялар олий кенгаши ҳамда Тошкент судлари раҳбарлари иштирокида сайёр қабул ўтказилди. Унда фуқаролар суд қарорларидан норозилигидан тортиб, мерос ва уй-жой низоларигача бўлган муаммоларини айтди. Айрим мурожаатчилар бир неча йилдан бери судма-суд юраётганини билдирди.

Бугун 18:50

«Бир кишининг электромобили учун бутун халқ тўлайди» — автокредит фоизининг бир қисми бюджетдан қоплаш таклифи танқидларга сабаб бўлмоқда

Электромобиль автокредитининг бир қисмини бюджетдан қоплаш таклиф этилмоқда. Аммо бу имтиёз бой қатламнинг қиммат автомобиль харидини ва айрим дилерлар манфаатини оддий халқ тўлайдиган солиқлар ҳисобидан қўллаб-қувватлашга хизмат қилиши мумкин. Vaqt.uz жамоатчиликнинг эътирозлари ва экспертлар фикрларини таҳлил қилди.

Кеча 16:28

ТОП-9: Тошкентдаги энг қиммат ва оммабоп хусусий мактаблар

Охирги беш йилда Ўзбекистонда хусусий мактаблар сони қарийб 4,5 баробарга ошди. Бозорга янги ўйинчилар кириб келиши ва рақобат кучайиши эса нархларни ҳам кескин ўзгартириб юборди: бугун пойтахтда ойига 5,6 млн сўм оладиган мактабни ҳам, ойлик тўлови ҳатто 32 млн сўмдан ошадиган «элитар» масканларни ҳам учратиш мумкин. Vaqt.uz мухбири мамлакатдаги хусусий таълим бозори, нарх омиллари ва энг қиммат мактаблар рейтингини таҳлил қилади.