Toshkent aeroportida odam savdosi bilan bog‘liq jinoyat fosh etildi

Бугун 13:381 дақиқа

Poytaxtda o‘tkazilgan tezkor tadbirda ayol kishi qizlarni xorijga jinsiy ekspluatatsiya uchun olib chiqmoqchi bo‘lgan paytda ushlandi.

Toshkent aeroportida odam savdosi bilan bog‘liq jinoyat fosh etildi

Toshkentda odam savdosi bilan shug‘ullangan ayol aeroportda qo‘lga olindi. Bu haqda DXX axborot xizmati xabar berdi.

Ma’lum bo‘lishicha, 2002 yilda Toshkent viloyatining Bo‘stonliq tumanida tug‘ilgan ayol qizlarni xorijiy davlatlarga jinsiy ekspluatatsiya maqsadida yuborish bilan shug‘ullangan. U aldov yo‘li bilan to‘rt nafar qiz bilan aloqa o‘rnatib, ularni ish va’dalari bilan jalb qilgan.

Tezkor tadbir davomida mazkur shaxs qizlardan birini o‘zi bilan birga Dubay shahriga olib ketmoqchi bo‘lgan vaqtida Toshkent xalqaro aeroportida qo‘lga olindi.

Holat yuzasidan Jinoyat kodeksining 135-moddasi 2-qismi “z” bandi bilan jinoyat ishi qo‘zg‘atildi. Ayblanuvchiga nisbatan “qamoq” ehtiyot chorasi qo‘llanildi va ayni paytda tergov harakatlari davom etmoqda.

Qonunchilikka ko‘ra, odam savdosi bilan bog‘liq jinoyatlar uchun 5 yildan 10 yilgacha ozodlikdan mahrum qilish jazosi belgilangan. Mutasaddilar fuqarolarni bunday holatlarga befarq bo‘lmaslikka chaqirib, shubhali vaziyatlarda tegishli organlarga murojaat qilishni so‘ramoqda.

Теглар

DXX jinoyat aeroport Dubay Toshkent odamsavdosi

Мавзуга оид

Бугун 09:52

Toshkent shahar hokimiga ikki o‘rinbosar tayinlandi

Yangi o‘rinbosarlardan biri bungacha Prezident Administratsiyasida, ikkinchisi esa Bojxona qo‘mitasida ishlab kelayotgan edi.

Бугун 13:13

Energiya tariflari oshishi: va’dalar, variantlar va takliflar

Ijtimoiy tarmoqlar va iqtisodiy doiralarda 2026-yil 15-maydan e’tiboran elektr energiyasi va tabiiy gaz tariflari oshirilishi haqidagi xabarlar tarqalmoqda. Garchi rasmiy idoralar hozircha sukut saqlayotgan bo‘lsa-da, «shamol bo‘lmasa, daraxtning uchi qimirlamaydi».

Бугун 11:01

Bugun qaysi banklarda dollar ayirboshlash qulayroq?

O‘zbekistonda tijorat banklari 27-aprel kuni uchun amalda bo‘ladigan dollarning yangi ayirboshlash kursini e’lon qildi.

Бугун 10:09

Toshkentda yirik narkolaboratoriya aniqlandi

Toshkent shahri va viloyatida o‘tkazilgan tezkor tadbirlar natijasida «Pregabalin», «Tropikamid» dori vositalari va ularni qadoqlash uchun mo‘ljallangan jihozlar topilgan.

Кеча 17:15

Toshkent zilzilasiga 60 yil: Matonat va birdamlik ortidan qayta tug‘ilgan poytaxt

1966-yilning 26-apreli. Tonggi soat 05:23. Toshkent osmonida kuchli elektr razryadi ta’sirida g‘alati bir nur charaqlab, soniyalar ichida yer qa’ridan kelgan mudhish gulduros va silkinish shaharni larzaga keltirdi. Bugun o‘sha mash’um va ayni paytda insoniylikning oliy namunasi ko‘rsatilgan voqeaga roppa-rosa 60 yil to‘ldi. Bu sana nafaqat tabiiy ofatni yodga olish, balki o‘zbek xalqining irodasi, bag‘rikengligi va Toshkentning mutlaqo yangi qiyofa kasb etishini sharaflash kuni hamdir.

Бугун 11:12