Дилнозахон Каттахонова Оила ва хотин қизлар қўмитаси янги раиси бўлади — манба

Bugun 11:122 daqiqa

Дилноза Собиржоновна Каттахонова Ўзбекистон Республикаси бош вазирининг ўринбосари — Оила ва хотин-қизлар қўмитаси раиси лавозимига тайинланади. Бу ҳақда айни пайтда Вазирлар Маҳкамасида давом этаётган ва ушбу тайинлов билан боғлиқ йиғилишдан хабардор Vaqt.uz манбаси хабар берди.

Дилнозахон Каттахонова Оила ва хотин қизлар қўмитаси янги раиси бўлади — манба

Каттахонова шу кунга қадар Ёшлар ишлари агентлиги директорининг биринчи ўринбосари лавозимида ишлаб келаётган эди. Ушбу лавозим ўзгариши давлат раҳбарининг 30-июн кунги ёшлар билан учрашувда ҳукуматдаги турли лавозимларга ёш кадрларнинг олиб келиниши сиёсати давом этиши ҳақидаги фикрлари билан боғлиқ бўлиши мумкин.

Маълумот учун, Дилноза Каттаханова бу лавозимда Зулайхо Маҳкамова ўрнини эгалламоқда. Аввалроқ Vaqt.uz Маҳкамова Ўзбекистон Республикаси бош вазири ўринбосари — Оила ва хотин-қизлар қўмитаси раиси лавозимидан озод этилгани ҳақида хабар берган эди.

Таҳририятнинг Ёшлар ишлари агентлигидаги бошқа бир манбасига кўра, Дилноза Каттахонова шу кунларда АҚШдаги хусусий Станфорд университетига ўқишга ҳам кирган бўлган. Аммо тайинловдан кейин энди у Калифорнияга кетмайди.

Дилноза Каттахонова 1991-йил 2-июлда Қўқон шаҳрида туғилган. 2014-йилда Каттахонова Мирзо Улуғбек номидаги Ўзбекистон Миллий университетида бакалавриат ва магистратура босқичларини тамомлаган. Сиёсий фанлар бўйича фалсафа доктори (PhD) илмий даражасига эга. Шунингдек, Гарвард университетининг Жон Кеннеди номидаги давлат бошқаруви мактаби магистрлик дастури тингловчиси ҳисобланади.

У меҳнат фаолияти давомида «Камолот» ёшлар ижтимоий ҳаракати, Ўзбекистон Хотин-қизлар қўмитаси ва Ёшлар иттифоқида турли лавозимларда ишлаган. Шунингдек, «Камалак» болалар ташкилотига раҳбарлик қилган.

2020-йил июлида янги ташкил этилган Ёшлар ишлари агентлиги директорининг ўринбосари этиб тайинланган. 2023 йил декабрдан буён эса агентлик директорининг биринчи ўринбосари лавозимида фаолият юритиб келаётган эди.

Дилноза Каттахонова «Дўстлик» давлат ордени, «Халқлар дўстлиги» ҳамда «Жисмоний тарбия ва спорт аълочиси» кўкрак нишонлари билан тақдирланган. Шунингдек, у Зулфия номидаги Давлат мукофоти совриндори ҳисобланади.

Teglar

қўмита лавозим тайинлов Ўзбекистон ҳукумат Дилнозахон Каттахонова

Mavzuga oid

Kecha 20:31

Омонат ва облигациялар энг фойдали: 2026-йилнинг биринчи ярим йиллиги инвесторлар учун қандай ўтди?

2026-йил инвесторлар учун сўнгги йиллардан фарқ қилмоқда. Кўпчилик ишонган олтин ҳозирча зарарга ишлаяпти. Омонат ва облигациялар барқарор даромад ваъда қилмоқда. Битcоин эса кескин қулашни кўрсатди.

Kecha 19:51

1 фоизлик кэшбэк тизимини бекор қилиш ёки уни чеклаш режалаштирилмаган — Солиқ қўмитаси

Солиқ қўмитаси ижтимоий тармоқларда тарқалаётган кешбекка оид хабарлар юзасидан расмий муносабат билдирди.

Kecha 23:06

Саида Мирзиёева француз тадбиркорлари билан энергетика лойиҳаларини муҳокама қилди

Президент Администрацияси раҳбари «Orano» компанияси директорлар кенгаши раҳбари Клод Имовен бошчилигидаги йирик француз компаниялари вакиллари билан учрашув ўтказди.

Kecha 23:20

Эски автомобиллар учун бекор қилинган жарима, Конституцияга зид деб топилган P2P назорати ва болаларга зўравонлик қилган педагогларга янги жазо — 9 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 21:40

Туркманистон Президенти Озарбайжон иқтисодиёт вазирини қабул қилди

Президент Сердар Бердимуҳамедов ва Озарбайжон иқтисодиёт вазири Микойил Жабборов ўртасида учрашув бўлиб ўтди. Президент Сердар Бердимуҳамедов Жабборовдан Алиевга энг эзгу тилакларини етказишни сўради ва ушбу ташриф икки томонлама савдо-иқтисодий алоқаларни кенгайтиришга ҳисса қўшишини айтди.

Bugun 08:00