Доллар келгуси йилларда қандай бўлади?

Bugun 15:152 daqiqa

Ҳисоб-китобларга кўра, 2026-йилда ўртача доллар курси пасайиб, кейин яна кўтарилиши кутилмоқда.

Ўзбекистонда сўмнинг АҚШ долларига нисбатан ўртача курси яқин йилларда яна кўтарилиши кутилмоқда. Бу ҳақда Фискал стратегияга таяниб қилинган Vaqt.uz ҳисоб-китобларидан маълум бўлди.

Стратегияда Ўзбекистоннинг 2029 йилгача бўлган асосий иқтисодий кўрсаткичлари прогнози келтирилган. Ўртача доллар курсини ҳисоблаш учун ЯИМ ҳажми, аҳоли жон бошига ЯИМ ва аҳоли сони керак бўлади.

Мамлакат аҳолиси ҳақидаги прогнозлар ҳукуматнинг аҳоли2050.uz сайтидаги маълумотлардан олинди.

Ҳисоб-китоб учун қуйидаги формуладан фойдаланилди:

Ўртача доллар курси = Номинал ЯИМ (сўм) ÷ (Аҳоли сони × Аҳоли жон бошига ЯИМ (АҚШ доллари))

Бунда ЯИМ сўмда, аҳоли жон бошига ЯИМ эса АҚШ долларида берилгани сабабли, уларнинг ўзаро нисбатидан ҳукумат прогнозларида назарда тутилган ўртача алмашув курси аниқланди.

Ҳисоб-китобларга кўра, Ўзбекистонда ўртача доллар курси 2026-йилда 12,16 минг сўм, 2027-йилда 12,29 минг сўм, 2028-йилда 12,61 минг сўм ва 2029-йилда 12,8 минг сўм атрофида бўлиши кутилмоқда.

Ўртача курс бу йил давомидаги долларнинг сўмга нисбатан ўртача кўрсаткичини билдиради. Йил давомида курс тебраниши фарқли бўлиши мумкин.

Масалан, 2025-йил давомида доллар курси 11 880–13 003 сўм оралиғида шаклланди. Бироқ ўртача курс 12 581 сўмни ташкил қилди.

Прогнозлар қанчалик ишончли?

Шу билан бирга, бундай прогнозлар ҳар доим ҳам амалда тўлиқ ўзини оқламайди. Доллар курси шаклланишига ички ва ташқи иқтисодий жараёнлардаги кўплаб омиллар ўз таъсирини ўтказади.

Масалан, S&P Global Ratings 2025-йил якунида доллар курси 13 566 сўм бўлишини прогноз қилганди. Бироқ амалда йил охиридаги курс бу кўрсаткичдан сезиларли паст шаклланди — 12 025 сўм.

Бу эса макроиқтисодий прогнозларга эҳтиёткорлик билан ёндашиш зарурлигини кўрсатади. Прогнозлар иқтисодиёт ривожланишининг базавий сценарийсига асосланади, бироқ йил давомида юз берадиган иқтисодий ва геосиёсий ўзгаришлар якуний натижани сезиларли даражада ўзгартириши мумкин.

Teglar

доллар прогноз валюта фискал стратегия

Mavzuga oid

17.07.2026 | 11:55

Энг ораста хонадонларга солиқ имтиёзи берилади

Ўзбекистонда ободонлаштириш ишларини рағбатлантириш учун янги тизим жорий этилади. Энди энг ораста хонадон ва файзли ҳовли эгалари солиқ имтиёзига эга бўлиши мумкин.

Bugun 11:28

Ўзбекистонда исломий банкларни лицензиялаш тартиби тасдиқланди

Исломий банклар ташкил этиш ва банкларда «исломий дарча» очиш учун лицензиялаш талаблари белгиланди. Янги тартибга кўра, исломий банк фаолияти учун масъул раҳбар ходим банк ёки молия тизимида камида 7 йиллик иш тажрибасига, тегишли олий маълумотга ҳамда «ААОИФИ»нинг халқаро сертификатларидан бирига эга бўлиши шарт.

Kecha 22:45

2026 йилги мундиал «FIFA» учун рекорд даромад келтирди

АҚШ, Канада ва Мексика мезбонлик қилган футбол бўйича жаҳон чемпионати «FIFA» тарихидаги энг даромадли турнирга айланди.

Kecha 10:02

Бугун қайси банкларда доллар айирбошлаш қулайроқ?

Ўзбекистонда тижорат банклари 20-июл куни учун амалда бўладиган долларнинг янги айирбошлаш курсини эълон қилди.

Kecha 15:06

Марказий банк 23 та молия ташкилотини жаримага тортди

Регуляторнинг Банк назорати қўмитаси томонидан июн ойида ўтказилган 7 та йиғилишда жами 34 та масала кўриб чиқилиб, 21 та банк, 1 та микромолия ташкилоти ва 1 та тўлов ташкилотига нисбатан жарима санкциялари қўлланилди.

17.07.2026 | 14:25

ХВЖ Ўзбекистоннинг валюта курси режимини «сузувчи» режимга ўтказди

Жамғарма маълумотларига кўра, валюта курсининг мослашувчанлигини ошириш захираларни сақлашга, валюта рискларини суғурталашни рағбатлантириш ва иқтисодиётнинг ташқи зарбаларга чидамлилигини оширишга ёрдам беради.