Иккинчи мутахассислик учун аризалар қабули бошланди

Bugun 21:051 daqiqa

Қабул 10 августгача онлайн давом этади.

Иккинчи мутахассислик учун аризалар қабули бошланди

Бугун, 10 июлдан бошлаб олий маълумотга эга шахслар учун бакалавриат таълим йўналишларида иккинчи ва ундан кейинги олий маълумот олиш бўйича аризалар қабули бошланди. Бу ҳақда Олий таълим, фан ва инновациялар вазирлиги маълум қилди.

Иккинчи олий таълим фақат тўлов-контракт асосида амалга оширилади. Аризалар 10 августга қадар (шу куни ҳам) my.edu.uz платформаси орқали онлайн шаклда қабул қилинади.

Ариза топшириш тартиби ва талаблар

Ариза топшириш учун фуқаролик паспорти ёки ID-карта маълумотлари, бакалавр дипломи ва унинг иловасининг электрон нусхаси, шунингдек, ўқиш исталган олий таълим ташкилоти ҳамда таълим йўналишини танлаш талаб этилади.

Шунингдек, хорижий олий таълим муассасалари томонидан 1992 йил 1 январдан кейин берилган дипломлар белгиланган тартибда нострификациядан ўтказилган бўлиши керак.

Иккинчи ва ундан кейинги олий таълим бўйича қабул параметрлари ҳар бир олий таълим ташкилоти томонидан унинг илмий-педагогик салоҳияти ҳамда моддий-техник базасидан келиб чиқиб мустақил белгиланади.

Teglar

иккинчи мутахассислик тўлов-контракт Олий таълим вазирлиги my.edu.uz олий таълим Ўзбекистон янгиликлари.аризалар қабули

Mavzuga oid

Bugun 08:00

«Centrum Holding» Лондон биржасида IPO ўтказишга тайёргарлик кўрмоқда

2025 йил якунларига кўра, 2019 йилда ташкил этилган мазкур холдингнинг тушуми 1 миллиард долларга етган.

Bugun 20:05

Саида Мирзиёева янги Бош вазир ўринбосарини жамоатчиликка таништирди

Президент Администрацияси раҳбари Бош вазирнинг янги ўринбосари Дилноза Каттахоновани жамоатчиликка таништирди. Хотин-қизлар масалалари бўйича 5 та устувор вазифа белгиланди.

Bugun 19:51

Ўзбекистонда 2030 йилгача 15 та олийгоҳ дунёнинг топ-500 лигига киритилади

Ўзбекистон олий таълим тизимида «1+3», «2+2» ва «3+1» каби интеграциялашган таълим дастурлари кенг жорий этилмоқда. Президент Шавкат Мирзиёевга тақдим этилган янги стратегияга кўра, мамлакатда нуфузли хорижий университетлар билан академик ҳамкорлик янги даражага олиб чиқилади.

Bugun 10:17

Бош вазир ўринбосари Зулайҳо Маҳкамова лавозимидан озод этилган

Бу ҳақда Vaqt.uz'нинг ҳукуматдаги манбаси хабар берди.

Bugun 11:12

Дилнозахон Каттахонова Оила ва хотин қизлар қўмитаси янги раиси бўлади — манба

Дилноза Собиржоновна Каттахонова Ўзбекистон Республикаси бош вазирининг ўринбосари — Оила ва хотин-қизлар қўмитаси раиси лавозимига тайинланади. Бу ҳақда айни пайтда Вазирлар Маҳкамасида давом этаётган ва ушбу тайинлов билан боғлиқ йиғилишдан хабардор Vaqt.uz манбаси хабар берди.

Bugun 18:12