Шавкат Мирзиёев Қатарга борди

Bugun 19:221 daqiqa

Ўзбекистон Президенти Қатар собиқ амири Шайх Ҳамад бин Халифа Ол Сонийнинг вафоти муносабати билан ҳамдардлик билдириш учун Доҳага борди.

Бугун, 14 июл куни Ўзбекистон Республикаси Президенти Шавкат Мирзиёев Қатар Давлати собиқ амири Шайх Ҳамад бин Халифа Ол Сонийнинг вафоти муносабати билан ҳамдардлик билдириш учун Доҳа шаҳрига борди. Бу ҳақда Президент матбуот хизмати хабар берди.

Қайд этилишича, Ҳамад халқаро аэропортида Ўзбекистон раҳбарини Қатар Бош вазири ўринбосари, Мудофаа вазири Шайх Сауд бин Абдулраҳмон Ол Соний ва бошқа расмий шахслар кутиб олган.

Ташриф доирасида Қатар Давлати амири Шайх Тамим бин Ҳамад Ол Соний билан икки томонлама учрашув ўтказилиши режалаштирилган.

Маълумот учун, Қатарнинг собиқ амири Шайх Ҳамад бин Халифа Ол Соний 1995 йилдан 2013 йилга қадар мамлакатни бошқарган. Айнан унинг ҳукмронлиги даврида Қатар жаҳондаги энг йирик табиий газ экспорт қилувчи давлатлардан бирига айланди, иқтисодий жиҳатдан мисли кўрилмаган даражада ривожланди ва халқаро майдондаги сиёсий нуфузини кескин оширди. 2013 йилда у ҳокимиятни тинч йўл билан ўз хоҳишига кўра ўғли – амалдаги амир Шайх Тамим бин Ҳамад Ол Сонийга топшириб, давлат бошқарувидан кетган эди. Собиқ амир сўнгги йилларда соғлиғидаги муаммолар сабабли жамоатчилик олдида кам кўриниш бераётган эди. 12 июл куни Қатарни 18 йил давомида бошқарган собиқ амир 74 ёшида вафот этди.

Teglar

Қатар Президент Мирзиёев Ўзбекистон Шайх Ҳамад

Mavzuga oid

Bugun 17:15

Пенсия ҳисобланадиган иш ҳақи даври 5 йилдан 20 йилгача узайтирилиши мумкин

Ўзбекистонда жамғариб бориладиган пенсия тизимини рағбатлантириш, пенсия ҳисоблаш тартибини ўзгартириш ҳамда хусусий ва корпоратив пенсия жамғармаларини ташкил этиш таклиф қилинмоқда.

Bugun 14:15

Сурхондарёда ўта иссиқ кунларда оғир юк автомобиллари ҳаракати чекланади

Термиз шаҳри, туман марказлари ҳамда уларни боғловчи умумий фойдаланишдаги автомобил йўлларида оғир юк автомобилларининг ҳаракати ҳар куни соат 10:00 дан 19:00 гача вақтинча чекланади.

Bugun 17:25

Ўзбекистоннинг ЖСТга аъзолиги ортидан автомобиль нархлари арзонлашадими?

Ўзбекистоннинг 2026-йили Жаҳон савдо ташкилоти (ЖСТ)га аъзо бўлиши кутилмоқда. Бу ортидан хорижий автомобиллар арзонлашиши ҳақида турли тахминлар пайдо бўлди. БАммо таҳлилларга кўра, импорт автомобиллари нархи кескин пасаймайди, асосий ўзгаришлар эса маҳаллий автомобилсозликда кузатилиши мумкин.

Kecha 20:00

Президентнинг узоқ йиллик вакиллари

Ўзбекистонда ҳоким бўлиш қийинми ёки ҳоким бўлиб қолиш? Ҳар йили айрим ҳокимлар ишдан олинади, айримлари узоқ ҳудудга юборилади. Баъзилари эса бир танқид, бир хато ёки битта кескин йиғилишдан кейин курсиси билан хайрлашади. Лекин шундай амалдорлар ҳам борки, улар учун ҳокимлик гўё вақтинчалик лавозим эмас. Улар бир ҳудуддан бошқасига ўтади, аммо ҳокимлик курсиси қўлдан кетмайди.

Kecha 23:30

Гувоҳномасидан айрилиши мумкин бўлган 671 ҳайдовчи, имтиҳондан озод этилган 13 минг абитуриент ва Тошкент метросининг янги поездлари — 13 июль дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 09:40