Шерзод Ходжаев Энергетика вазири лавозимига тайинланди

Bugun 14:301 daqiqa

У мазкур лавозимда яқинда вазифасидан озод этилган Жўрабек Мирзамаҳмудовнинг ўрнини эгаллади.

Шерзод Ходжаев Энергетика вазири лавозимига тайинланди

Жўрабек Турсунпулатович Мирзамаҳмудовнинг Энергетика вазири лавозимидан озод этилгани расман тасдиқланди. Бу ҳақда Президент матбуот хизмати хабар қилди.

Президент фармони билан Мирзамаҳмудовнинг ўрнига Шерзод Хикматуллаевич Ходжаев Ўзбекистон Республикаси Энергетика вазири лавозимига тайинланди. Бундан илгарироқ Шерзод Хўжаев номзоди Олий Мажлис Қонунчилик палатаси депутатлари томонидан маъқулланган эди.

Тайинлов муносабати билан Шерзод Ходжаев 2023-йилдан буён эгаллаб келган Ўзбекистон Республикаси Энергетика бозорини ривожлантириш ва тартибга солиш агентлиги директори лавозимидан озод этилди.

Маълумот учун, Шерзод Ходжаев меҳнат фаолиятини 1998-йилда Энергетика ва электрлаштириш вазирлигида дастурчи-муҳандис сифатида бошлаган. Кейинчалик у «Ўзбекенерго» давлат акциядорлик компаниясида турли раҳбарлик лавозимларида ишлаб, 2017-йилгача директор ўринбосари, 2018-йилгача эса компания директори вазифасини бажарган.

2019–2023-йилларда энергетика вазирининг ўринбосари сифатида фаолият юритган Ходжаев 2023-йилда Энергетика вазирлиги ҳузуридаги Электр энергетикаси тармоғини ислоҳ қилиш бўйича лойиҳа офисига раҳбарлик қилди. Ўша йил январь ойида мамлакатда кузатилган энергетика инқирозидан сўнг у эгаллаб турган лавозимидан озод этилган.

2023-йилдан буён Шерзод Ходжаев Энергетика бозорини ривожлантириш ва тартибга солиш агентлиги директори сифатида ишлаб келаётган эди.

Teglar

энергетика президент Жўрабек Мирзамаҳмудов тайинлов ҳукумат Шерзод Ходжаев

Mavzuga oid

Bugun 10:55

Июл ойининг охирги ҳафтасида иссиқ ва қуруқ об-ҳаво бўлиши кутилмоқда

27–31-июл кунлари Ўзбекистонда ҳаво ҳарорати айрим ҳудудларда +42 даражагача кўтарилади.

22.07.2026 | 15:40

Vaqt.uz ёритган шаввозлар иши: Суд Тошкент ва Чиноздаги фирибгарлик бўйича 25 нафар айбланувчига ҳукм ўқиди

Vaqt.uz ўрганган суд ҳужжатларига кўра, Тошкент шаҳар судининг апелляция инстанцияси қурилиш соҳасидаги йирик фирибгарлик иши бўйича биринчи инстанция ҳукмини бекор қилиб, Хайрулла Хатамов ва яна 24 нафар шахсга нисбатан янги ҳукм чиқарди. Судланувчилар юзлаб фуқароларни уй-жойли қилиш ваъдаси билан алдаш, ўзлаштириш, қалбаки ҳужжатлар тайёрлаш ҳамда солиқдан бўйин товлаш каби қатор жиноятларда айбдор деб топилди.

24.07.2026 | 12:45

Дам олиш кунлар ҳаво ҳарорати янада кўтарилади

Дам олиш кунлари Ўзбекистоннинг аксарият ҳудудларида ёғингарчиликсиз ва иссиқ об-ҳаво сақланади. Айрим ҳудудларда ҳарорат 42 даражагача исиши кутилмоқда.

22.07.2026 | 10:40

Тошкент вилоятида жамоат транспорти тарифлари оширилмоқда

Янги қарор билан автобусда нақд тўлов 2 600 сўм, транспорт ёки банк картаси орқали тўлов эса 2 000 сўм этиб белгиланди. Шунингдек, абонемент ва чегирмали тарифлар жорий этимоқда.

22.07.2026 | 13:55

Кешбеклар қандай қилиб фирибгарлар бизнесига айланди?

Ўзбекистонда солиқ кешбеки тизими яширин иқтисодиётни қисқартириш учун жорий этилганди. Бироқ сўнгги ойларда фош этилган йирик фирибгарликлар айрим гуруҳлар ушбу механизмни давлат бюджетидан миллиардлаб сўм маблағни ноқонуний ўзлаштириш воситасига айлантирганини кўрсатмоқда. Vaqt.uz сохта чеклар ортидаги схема қандай ишлагани, тизимдаги заиф нуқталар қаерда бўлгани ва бу каби фирибгарликларнинг такрорланмаслиги учун нималар ўзгариши кераклигини ўрганди.

Kecha 22:37