Трамп Путин билан учрашувга тайёр: фақат бир шарт билан — Оқ уй манбаси

The New Post ва ABC News нашрларининг Оқ уйдаги манбалари маълум қилишича, Доналд Трамп ва Владимир Путин ўртасидаги эҳтимолий учрашув ҳозирча келишилмаган. Кремл томонидан айтилаётган «учрашув бўйича келишув бор», деган баёнотларни АҚШ расмийлари рад этган. Трампнинг сўзларига кўра, у Россия президенти билан учрашувни маълум шартлар асосида амалга оширишга тайёр. Асосий шарт — Путин Украина президенти Володимир Зеленский билан шахсий учрашувга рози бўлиши лозим. Манбанинг таъкидлашича, айнан шу мезон учрашувнинг ўтказилишида ҳал қилувчи аҳамиятга эга. Оқ уй расмийларидан бирининг айтишича, Трамп Россия билан конструктив мулоқот тарафдори, аммо бу музокаралар Украина билан ҳам мулоқот очиқ бўлган ҳолатдагина самара беради. Бу эса Кремлни Зеленский билан ҳам учрашувга рози бўлишга мажбур қилиши мумкин. Путин аввалроқ БААда Трамп билан учрашувни ўтказиш мумкинлигини билдирганди. Унинг сўзларига кўра, Россиянинг дўстлари — жумладан, БАА раҳбарияти — бундай саммитни ўтказишда ёрдамга тайёр. Шу билан бирга, Трамп Путин билан тўғридан тўғри мулоқотдан аввал АҚШ, Европа ва Украина ўртасида келишилган умумий ёндашувни шакллантириш кераклигини таъкидлаган. Бу муносабатлар келажаги учун муҳим босқич бўлиши кутилмоқда.