Хушнуд Худайбердиев Президент Администрациясида янги лавозимга тайинланди

Kecha 23:101 daqiqa

Хушнуд Худайбердиев Президент Администрацияси Коммуникациялар департаменти бошлиғи ўринбосари лавозимига тайинланди.

Хушнуд Худайбердиев Президент Администрациясида янги лавозимга тайинланди

Ўзбекистон Республикаси Президенти Администрацияси Раҳбарининг фармойиши билан Хушнуд Ғайратович Худайбердиев Ўзбекистон Республикаси Президенти Администрацияси Коммуникациялар департаменти бошлиғи ўринбосари лавозимига тайинланди.

Хушнудбек Худайбердиев 1989 йил 7 июнда Қашқадарё вилоятининг Чироқчи туманида туғилган. У Тошкент давлат юридик университетида таҳсил олган ва 2012 йилда магистратурани тамомлаган.

У 2010–2013 йилларда университетда ўқитувчи бўлиб ишлаган. 2013–2017 йилларда Ўзбекистон касаба уюшмалари Федерацияси кенгашининг юридик бўлимида юрисконсульт бўлиб фаолият юритган. Шу даврда Бош прокуратура матбуот хизматида ҳам ишлаган.

Худайбердиев 2012 йилдан буён Xushnudbek.uz шахсий сайтини юритиб келади. У жамоатчиликка блогер, ҳуқуқий масалалар бўйича шарҳловчи ва «Заковат» интеллектуал ўйини иштирокчиси сифатида ҳам танилган. 2019 йилда у йилнинг энг яхши блогери деб топилган.

2020 йил январь ойида Хушнудбек Худайбердиев Миллий масс-медиани қўллаб-қувватлаш ва ривожлантириш жамоат фонди директори этиб тайинланган. Ўша йилнинг июль ойида эса Ўзбекистон Миллий ахборот агентлиги бош директори ўринбосари лавозимини эгаллаган.

2023 йил август ойида у ЎзА бош директорининг биринчи ўринбосари этиб тайинланган.

Teglar

кадрлар тайинлови.ЎзА Президент Администрацияси Хушнудбек Худайбердиев Коммуникациялар департаменти Xushnudbek.uz

Mavzuga oid

Kecha 23:00

Рейтингда Қозоғистондан ортда қолган Ўзбекистон, такси нархлари бўйича бошланган текширув ва номини ўзгартирган «Davr Bank» — 15 октябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 16:22

«Saneg» компаниясининг Ўзбекистондаги нефт конлари бўйича лицензиялари бекор қилинди

Фарғона нефтни қайта ишлаш заводининг 100 фоиз давлат улуши 2022-йилнинг май ойида 100 млн доллар эвазига «Саноат энергетика гуруҳи» МЧЖ компаниясига сотилганди. Бироқ, инвесторнинг бошқа лойиҳаларидаги молиявий қийинчиликлари сабабли харид тўловлари кетма-кет уч ой амалга оширилмаган.

Kecha 12:05

Тошкентда 2030-йилгача 400 та маҳалла янгиланиб, 130 мингта иш ўрни яратилади

Пойтахтда маҳаллалар, мактаблар ва боғчаларни янгилаш, шунингдек, миллиард долларлик ишбилармонлик марказини қуриш режалаштирилмоқда.

Kecha 20:20

Тошкентда тўртта туман ҳокими алмашди: Нилуфар Аллабергенова бошқа ишга ўтди

15 октябрь куни Тошкент шаҳрининг Яшнобод, Янгиҳаёт, Чилонзор ва Яккасарой туманларида ҳокимлар билан боғлиқ кадрлар ўзгариши юз берди. Яккасаройнинг собиқ ҳокими Нилуфар Аллабергенова эса шаҳар прокурори ўринбосари лавозимига тайинланди.

Kecha 17:20

Ўзбекистон бўйлаб саёҳат қилиш қанчага тушади?

Куз — саёҳатлар учун энг қулай фасл, аммо кўпчилик харажатлар сабаб дам олишни кейинга суради. Vaqt.uz ушбу мақолада ўзбекистонликлар ички туризм учун қанча харажат қилишини Тошкент–Бухоро йўналиши мисолида ўрганди.

Kecha 20:30