Зеленский бош қўмондонни алмаштирди

Bugun 09:421 daqiqa

Украина президенти Володимир Зеленский қуролли кучлар бош қўмондони Александр Сирскийни лавозимидан озод қилди.

Украина президенти Володимир Зеленский Украина қуролли кучлари бош қўмондони Александр Сирскийни лавозимидан озод қилди. Давлат раҳбари унинг ўрнига Украина Қуролли кучлари Бирлашган кучлари қўмондони Михаил Драпатийни тайинлади.

Зеленский Сирскийнинг нега истеъфога чиқарилганига изоҳ бермади. Шу билан бирга, у собиқ бош қўмондоннинг уруш давомидаги хизматларини эътироф этди.

«Александр Сирский Киев мудофаасида, Харковга ҳужум операциясида, Курск операциясида Украинанинг натижаларини таъминлагани фактдир», — деди Зеленский.

Сирский 2024 йил февралдан бери Украина Қуролли кучларига раҳбарлик қилиб келаётган эди. У бу лавозимда ҳозирда Украинанинг Буюк Британиядаги элчиси бўлиб ишлаётган Валерий Залужнийнинг ўрнини эгаллаган.

Ичкаридан чиққан танқидлар

15-июл куни Украина мудофаа вазири Михаил Федоров ҳам истеъфога чиққан эди. У 2026-йил январидан буён ушбу лавозимда ишлаб келган.

Федоров истеъфосидан сўнг Сирский билан жиддий келишмовчиликлар бўлганини очиқ айтган ва Зеленскийдан уни вазифасидан озод қилишни сўраганини маълум қилган. Бироқ ўша пайтда президент бу таклифни рад этган.

Федоровнинг таъкидлашича, ҳарбий ислоҳотларга оид ташаббуслар тўсиб қўйилган, Сирский эса муаммоларни муҳокама қилиш ўрнига ички зиддиятларни кучайтирган.

Teglar

Украина Зеленский Сирский истеъфо армия Драпатий

Mavzuga oid

20.07.2026 | 14:26

2026/27 ўқув йили учун давлат стипендиялари квотаси тасдиқланди

Янги ўқув йилида Ўзбекистон олий таълим муассасалари талабалари учун жами 776 та Президент ва номли давлат стипендияси ажратилади. Бу йил стипендия танловида янги баҳолаш тартиби ҳам жорий этилади.

Kecha 16:15

Садир Жапаров давлат қарзи ЙИМнинг 50 фоизидан ошишига йўл қўймасликни буюрди

Унинг айтишича, дунёда давлат қарзи ЙИМнинг 100 фоизидан ошиб кетган кўплаб мамлакатлар бор, бироқ бундай модель Қирғизистон учун мос эмас.

Kecha 08:30

АҚШ Эронга қарши урушни кенгайтириши мумкин

«The Washington Post» манбаларига кўра, АҚШ Иорданияда америкалик ҳарбийлар ҳалок бўлганидан кейин Эронга қарши ҳарбий амалиётларни кенгайтиришни кўриб чиқмоқда.

Kecha 11:55

Йўл қурилишида лаборатория назорати бўйича янги тартиб жорий этилди

Автомобил йўлларини қуриш ва таъмирлашда лаборатория синовларини ўтказишнинг ягона тартиби тасдиқланди. Янги талаблар иш сифати назоратини кучайтиришга қаратилган.

19.07.2026 | 20:55

Жанубий Кореянинг машҳур ит гўшти бозори ҳувиллаб қолди

Ит гўшти билан боғлиқ 4154 та бизнеснинг 563 таси фаолиятини ўзгартирган, 336 таси эса бутунлай ёпилган. Ҳаттоки 30 йилдан ортиқ вақт мобайнида фақат ит гўшти истеъмол қилганлар ҳам бу одатидан воз кечмоқда.

19.07.2026 | 13:55