2025 йилда 189 та давлат харидларида 666 млрд сўмлик қонунбузилиш аниқланган

26.02.2026 | 13:351 daqiqa

2025 йилда давлат харидларидаги қонунбузилишлар сони сезиларли камайган, аммо молиявий ҳажм 34 фоизга ўсган.

2025 йилда 189 та давлат харидларида 666 млрд сўмлик қонунбузилиш аниқланган

2025 йил якунларига кўра, давлат харидлари тизимида 666,6 млрд сўмлик 189 та қонунбузилиш ҳолати аниқланди. Бу ҳақда Коррупцияга қарши курашиш агентлиги маълум қилди.

Таҳлилларга кўра, қонунбузилишлар сони 2024 йилга нисбатан 282 тага ёки қарийб 60 фоизга камайган. Бироқ уларнинг умумий қиймати 167,9 млрд сўмга ёки 33,7 фоизга ошган. Бу ҳолат камроқ эпизодларда йирик молиявий бузилишлар қайд этилганини англатади.

Ҳудудлар кесимида энг катта улуш Тошкент шаҳри ҳиссасига тўғри келган. Пойтахтда 541,8 млрд сўмлик қонунбузилиш аниқланган бўлиб, бу жами сумманинг 81,3 фоизини ташкил этади. Шу билан бирга, Тошкент шаҳрида аниқланган ҳолатлар сони ўтган йилга нисбатан 8 тага камайган.

Қайд этилишича, 102 та ҳолат нохолис баҳолаш ва рақобатни чеклаш билан боғлиқ бўлган. Яъни тендер жараёнларида адолатли баҳолаш тамойилларига риоя этилмаган. Шунингдек, 36 та ҳолат манфаатлар тўқнашуви, 32 та ҳолат эса аффилланганлик билан боғлиқ экани аниқланган.

Эслатиб ўтамиз, аввалроқ Рақобат қўмитаси 16,4 млрд сўмлик давлат харидларда қонунбузилиш ҳолатлари аниқлагани ҳақида хабар берган эдик.

Teglar

тендер давлат харидлари Тошкент шаҳри қонунбузилиш Коррупцияга қарши курашиш агентлиги

Mavzuga oid

12.03.2026 | 20:20

Рамазон ойининг иқтисодиётга таъсири: тежамкорлик ойими ёки харажатлар мавсуми?

Рамазон ойида одамлар кун давомида рўза тутишларига қарамасдан, истеъмол миқдори сезиларли ошади. Шу билан бирга, закот ва хайрия паст даромадли қатламларнинг харид қобилиятини кучайтиради.

11.03.2026 | 07:55

Мирзиёевга нефт ва газ тармоғига доир топшириқлар юзасидан ҳисобот берилди

Президент Шавкат Мирзиёевга нефт ва газ соҳасида белгиланган устувор вазифалар ижросининг ҳолати юзасидан ҳисобот берилди. Тақдимотда асосий эътибор углеводород захираларини кенгайтириш ва қазиб олиш ҳажмини барқарорлаштиришга қаратилди.

12.03.2026 | 08:35

Дунё иқтисодиёти карахт ҳолатда: улкан инқироз яқинлашмоқда

Ҳўрмуз бўғози атрофидаги вазият глобал иқтисодиёт учун ҳал қилувчи омилга айланиши мумкин. Мутахассисларнинг таъкидлашича, нефт таъминотидаги узилишлар давом этса, бу 1973-йилдаги энергетик инқироздан ҳам оғирроқ шокни келтириб чиқариш эҳтимоли бор.

12.03.2026 | 13:55

Эрон: нефт нархи 200 долларгача чиқишига тайёр туринг

Теҳрон банкларни ҳам нишонга олишини билдирди ва одамлардан АҚШ ва Исроил билан ҳамкорлик қиладиган банкларга яқинлашмасликни тавсия қилди.

11.03.2026 | 12:25

Европада газ нархи 90 фоизга қимматлашди

Яқин Шарқдаги кескин вазият Европа энергетика бозорида босимни кучайтириб, газ ва нефт нархларини кескин оширди.

11.03.2026 | 14:25

Гўшт импорти кескин ошди: бозорда нархлар ҳам қимматлашмоқда

Февраль ойида Ўзбекистонга гўшт ва гўшт маҳсулотлари импорти кескин ошди. Импорт ҳажмининг кўпайиши билан бирга мол, қўй ва парранда гўштининг ўртача нархлари ҳам кўтарилди.