Бозорда ишлатилган машиналардан кўра янгилари кўпроқ сотилмоқда

Bugun 11:252 daqiqa

Август ойида ишлатилган автомобиллар сотуви бир ойда 10% га камайди. Аксинча, янги транспорт воситалари савдоси 20% га ошган. Шунга қарамай, сон жиҳатдан иккиламчи бозор етакчилик қилмоқда.

Бозорда ишлатилган машиналардан кўра янгилари кўпроқ сотилмоқда

Иқтисодий тадқиқотлар ва ислоҳотлар маркази маълумотларига кўра, августда барча турдаги автотранспорт воситалари савдоси 79 мингтадан ошган.

Ўтган ойда янги енгил автомобиллар савдоси 20,5 фоизга ошиб, 30,6 мингтага етди. Савдолар кесимида маҳаллий ишлаб чиқарилган автомобиллар сотуви етакчилик қилди, дейилади таҳлилда.Уларнинг савдоси июлга нисбатан қарийб 25 фоизга ошиб, 25,3 мингтага етди.

Чет элда ишлаб чиқарилган янги автомобиллар савдоси ҳам 7 фоизга кўпайиб, 5,3 мингта хориж автомобил сотилган.

Иккиламчи бозорда сотувлар бир ойда 10,8 фоизга камайиб, қарийб 32 мингтага тушди. Аммо жами сотилган автомобиль савдоларида ишлатилган автомобиллар улуши 50,2 фоизни ташкил этган.

Ҳудудлардаги савдолар қандай ўзгарди?

Автомобиль савдоси республикадаги 14 та ҳудуднинг 9 тасида ошган. Энг катта ўсиш Бухоро вилоятида қайд этилиб, савдо 19,1 фоизга, Хоразм вилоятида эса 10,8 фоизга ошган.

Тошкент вилоятида савдо 11,9 фоизга ошганига қарамай, пойтахт Тошкентда автомобиль савдоси 10,1 фоизга камайди. Андижон вилоятида пасайиш 2,7 фоизни, Фарғонада эса 2,1 фоизни ташкил этди.

Электромобиллар савдоси 44,5 фоизга ошди

Август ойида бириламчи ва иккиламчи бозорларда 9,2 мингта электромобиль сотилди. Бу июль ойидаги 9,3 мингта кўрсаткичга деярли яқин. Электромобилларнинг 68,5 фоизи ёки 6,3 мингтаси Тошкент шаҳрида сотилган. Фарғона вилоятида 662 та, Тошкент вилоятида эса 455 та электромобиль сотилган. Шу тариқа, йиллик ҳисобда электромобиллар савдоси 44,5 фоизга ошган.

Эслатиб ўтамиз, аввалроқ Ўзбекистонда 2026-йилнинг дастлабки етти ойида 263,7 минг дона енгил автомобиль ишлаб чиқарилган. Русуми бўйича Cobalt автомобили етакчилик қилиб, уларнинг сони 91 минг донадан ошган.

Teglar

автобозор.электромобиль енгил автомобиль машина Тошкент

Mavzuga oid

22.09.2026 | 16:50

«Муаммони сотиб оламиз» — Стратегик ислоҳотлар агентлиги бюрократияни камайтириш борасидаги таклифларга пул тўлайди

Кеча, 21 сентябр куни Миллий контент маркази биносида Стратегик ислоҳотлар агентлиги ва Адлия вазирлиги масъуллари иштирокида матбуот анжумани ўтказилди. Тадбирда «Бюрократиясиз Ўзбекистон» жамоатчилик ташаббуси лойиҳаси эълон қилиниб, унинг доирасида амалга ошириладиган ишлар ҳақида ОАВ вакилларига маълумот берилди. Бу ҳақда Vaqt.uz мухбири хабар берди.

22.09.2026 | 18:01

Рейтинг: Тошкент иқтисодий фаолликдаги ўзгаришлар тезлиги бўйича биринчи ўринни эгаллади

Халқаро таҳлилчилар Тошкентни ривожланишини кузатиб бориш лозим бўлган шаҳарлар рўйхатига киритган.

Kecha 18:20

Андижонда 2 млрд долларлик лойиҳалар ишга туширилди

Маросимда умумий қиймати 9,4 млрд доллар бўлган 206 та лойиҳа қамраб олинди. 7 млрд 350 миллион долларлик 108 та лойиҳанинг қурилиши бошланди.

20.09.2026 | 10:55

UzAuto Motors хусусийлаштириш учун тендерга чиқарилади

Компаниядаги давлат улушларини сотиш бўйича тендерлар яқин вақт ичида эълон қилинади. Давлат автомобилсозликдаги икки йирик активнинг мос равишда 99,7 ва 100 фоиз улушини хусусий инвесторга ўтказишни режалаштирган. Эҳтимолий харидор ким бўлиши мумкин?

21.09.2026 | 22:49

«Ҳаммаси жойида» — Халқаро қидирувга берилгани айтилган «Anorbank» акциядори атрофидаги хабарларга банк ва регулятор изоҳ берди

«Anorbank» акциядори халқаро қидирувга берилгани ҳақидаги хабарлар ижтимоий тармоқларда тарқалгач, аҳоли орасида банк фаолиятига оид турли саволлар ва хавотирлар пайдо бўлди. Ҳолатга нисбатан банк ва Марказий банк муносабат билдирди.

Bugun 07:18

Марказий Осиёда ўзаро савдо 25 фоизга ўсди: Қозоғистон ва Ўзбекистон — мутлақ етакчи

Иқтисодий тадқиқотлар ва ислоҳотлар маркази таҳлилларига кўра, жорий йилнинг январ–июл ойларида Марказий Осиё давлатларининг ўзаро савдо ҳажми 8,1 миллиард долларни ташкил этди.