Ижтимоий хизматлар тўлиқ электрон шаклга ўтказилади

Bugun 16:551632 daqiqa

Президент қарори билан эҳтиёжманд аҳолига ижтимоий ва реабилитация хизматларини кўрсатишда электрон тизим жорий этилади.

Ижтимоий хизматлар тўлиқ электрон шаклга ўтказилади

Президентнинг «Аҳолининг эҳтиёжманд қатламларига ҳудудларда комплекс ижтимоий ва реабилитация хизматларини кўрсатиш тизимини йўлга қўйиш чора-тадбирлари тўғрисида»ги қарори қабул қилинди.

Ҳужжатга мувофиқ, аҳолининг ижтимоий ҳимояга муҳтож қатламларига хизмат кўрсатиш тизими тубдан янгиланиб, барча тартиб-таомиллар тўлиқ электрон шаклда амалга оширилади.

Қарорда белгиланишича, 2025 йилда тажриба тариқасида Андижон шаҳри ва Тошкент шаҳрида йўлга қўйилган Ҳудудий ижтимоий хизматлар марказлари фаолияти натижалари асос қилиб олинади. Ушбу тажриба негизида 2026–2027 йиллар давомида республика бўйлаб босқичма-босқич 20 та ҳудудий марказ ишга туширилиши режалаштирилган.

Ҳудудий ижтимоий хизматлар марказларининг асосий вазифалари сифатида аҳолининг ижтимоий ҳимояга муҳтож тоифаларига ижтимоий хизмат ва ёрдамлар кўрсатиш, шунингдек, оғир ҳаётий вазиятга тушиб қолган болаларнинг муаммоларини ўрганиш ва уларни жамиятга мослаштириш белгиланди. Бу орқали болаларнинг ижтимоий интеграцияси таъминланиши кўзда тутилмоқда.

Марказлар томонидан эҳтиёжманд аҳолига реабилитация ва абилитатсия хизматлари, физиотерапия, даволаш-жисмоний тарбия, шунингдек, қараб туриш ва парваришлаш хизматлари кўрсатилади. Бу хизматлар ижтимоий ҳимоя тизимини нафақат ёрдам бериш, балки инсонни қайта жамият ҳаётига қайтаришга қаратилган механизм сифатида шакллантиришга хизмат қилади.

Қарорга мувофиқ, ижтимоий хизматлардан имтиёзли шартларда фойдаланиш ҳуқуқига эга шахслар ҳудудий марказлар хизматларидан Инсон марказлари томонидан берилган йўлланмалар асосида фойдаланади. Энг муҳим жиҳат — ҳудудий марказлар хизматларидан фойдаланиш билан боғлиқ барча жараёнлар тўлиқ электрон шаклда амалга оширилиши белгиланди.

Эслатиб ўтамиз, аввалроқ Ўзбекистонда келгуси йилдан давлат ижтимоий суғуртаси доирасида меҳнатга лаёқатсизлик ва туғиш нафақалари босқичма-босқич жорий этилиши ҳақида хабар берган эдик.

Teglar

Тошкент Президент қарори Андижон ижтимоий хизматлар ҳудудий марказлар

Mavzuga oid

Kecha 15:48

Тупроқ деградацияси миллий хавф даражасига чиқмоқда

Ер ресурсларининг таназзули экология муаммосидан чиқиб, озиқ-овқат хавфсизлиги ва барқарор ривожланишга таҳдидга айланмоқда. Бу ҳақда «Она Ер нидоси» ҳужжатли филми суратга олинди.

Bugun 13:55

Капитал бозорида инвестиция муҳити яхшиланади

Президентнинг тегишли фармони билан фонд бозорига йирик инвестицияларни жалб этиш ва инвесторлар ҳимояси кучайтирилади.

Bugun 15:35

2025 йилда Ўзбекистонда қотиллик камайиб, номусга тегиш жиноятлари кўпайди

Ички ишлар вазирлиги маълумотларига кўра, 2025 йилда Ўзбекистонда қотиллик билан боғлиқ жиноятлар сони ўтган йилга нисбатан тенг ярмини қайд этган бўлса-да, номусга тегиш билан боғлиқ жиноятлар кўпайди.

Kecha 22:28

«Котлован» уйлар назорати, камаётган газ ва байрамни ўз ҳисобидан нишонлайдиган давлат идоралари - 22 декабр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 13:35

Ўзбекистонда ҳудудий ижтимоий хизматлар маркази очилади

Ўзбекистонда 2029 йилгача 55 та ҳудудий ижтимоий хизматлар маркази ташкил этилиб, ногиронлар, кексалар ва болаларга комплекс хизматлар кўрсатилади.

Bugun 11:55

«Тошкент» РФБ листингида оддий акциялар бўйича 93 та эмитент қайд этилди

1 декабр ҳолатига кўра, «Тошкент» Республика фонд биржаси листингида оддий акциялар бўйича 93 та эмитент қайд этилиб, банк сектори етакчи ўринни сақлаб қолмоқда.