Нефт нархлари пасаяди, лекин 2022 йилдан буён энг тез ҳафталик ўсиш кутилмоқда

Бугун, 6-март куни нефт нархлари пасайиб, беш кунлик ўсишни тўхтатди. Бу АҚШ ҳукумати фючерс бозорига аралашиши мумкинлигини эълон қилганидан ва Яқин Шарқдаги уруш туфайли юзага келган етказиб бериш камчилигини қоплаш учун Россия нефтини харид қилиш бўйича чекловларни юмшатганидан сўнг рўй берди. Бу ҳақда «Reuters» хабар берди.

Котировкалар: ҳафталик ўсишдан сўнг тузатиш

«Brent» нефти 0,95 доллар (1,1 фоиз) – 84,46 долларга тушди.

WTI нефти 1,08 доллар (1,3 фоиз) — 79,93 долларга тушди.

Бугунги пасайишга қарамасдан, бу ҳафта нефт нархларининг 2022 йил февралдан буён энг тез ўсиши бўлди. Ҳафта давомида «Brent» 16,4 фоиз, WTI эса 19,2 фоизга қимматлади.

Вашингтоннинг фавқулодда чоралари

Нархларни назоратсиз ўсишдан тўхтатиш учун Оқ уй ва АҚШ Молия вазирлиги икки асосий қадам тайёрламоқда:

Молиявий аралашувлар: АҚШ нафақат физик захиралар асосида, балик нефт фючерс бозори орқали ҳам нархларга таъсир кўрсатишни режалаштирмоқда.

Россия нефти учун «яшил чироқ»: АҚШ санкция остидаги Россия нефтини танкерларга юкланган ҳолда харид қилишга махсус рухсатнома берди. Бу Осиёдаги нефт ишлаб чиқариш корхоналари учун дефицитни енгиллаштириши кутилмоқда. Биринчи бўлиб бу имкониятдан Ҳиндистон компаниялари фойдаланиб, миллионлаб баррел Россия хомашёсини харид қилди.

Ҳўрмуз бўғози блокадаси: таҳдид сақланмоқда

Ҳўрмуз бўғози орқали танкер ҳаракати тўхтаб қолиши бозордаги тортишувни сақлаб туради. «Phillip Nova» таҳлилчиси Приянка Сачдева фикрича, бу бўғозда ҳар куни 20 млн баррел нефтни сақлаб туриш мумкин эмас ва улар жаҳон бозорига етиб бормайди.

«Kpler» маълумотларига кўра, ҳозирги вақтда Ҳинд океани ва Сингапур яқинидаги сувдаги ва сузувчи анборларда тахминан 30 млн баррел Россия нефти мавжуд бўлиб, АҚШ рухсатномалари туфайли бозорга чиқиши мумкин.

Солиштириш

Нархлар ойда 20 фоизга кўтарилганига қарамай, таҳлилчилар ваҳимага берилмасликни тавсия қилмоқда. «IG» эксперти Тони Сайкаморнинг қайд этишича, ҳозирги нарх охирги тўрт йилдаги ўртача кўрсаткичдан фақат 3,40 доллар юқори. Солиштириш учун айтсак, 2022 йилда Россиянинг Украинага кенг миқёсли тажовузидан сўнг нархлар 100 доллардан ошган эди.