ЕОТБ Марказий Осиё учун тўғридан-тўғри инвестициялар фондини ташкил этмоқчи

Bugun 12:501 daqiqa

Фондни ташкил этишда иштирок этиш аъзо мамлакатлар иқтисодиётига қўшимча маблағ жалб қилиш ва минтақа компанияларининг ривожланишини қўллаб-қувватлаш имконини беради.

ЕОТБ Марказий Осиё учун тўғридан-тўғри инвестициялар фондини ташкил этмоқчи

Евроосиё тараққиёт банки ҳамкорлари билан биргаликда Марказий Осиё ва Кавказорти мамлакатлари учун янги инвестиция фондини ташкил этади. Фонд минтақа компанияларига сармоя киритади.

Банк матбуот хизмати маълум қилишича, Марказий Осиё ва Кавказорти тўғридан-тўғри инвестициялар фонди (CACPEF) Хитой инвестиция корпорацияси, Уммон инвестициялар бошқармаси, Ўзбекистон Тикланиш ва тараққиёт жамғармаси, Туркиянинг OYAK фонди, ЕОТБ ҳамда «Shenwan Hongyuan Securities» компанияси иштирокида ташкил этилмоқда.

Янги фонд Хитой, Яқин Шарқ ва Марказий Осиёдаги йирик инвесторларнинг маблағлари, тажрибаси ва ишбилармонлик алоқаларини бирлаштиради. Бу орқали минтақа компаниялари ҳамкорларнинг соҳавий тажрибаси, замонавий технологиялари ва янги бозорларга чиқиш имкониятларидан фойдаланиши мумкин бўлади.

ЕОТБ бошқаруви раисининг ўринбосари Дониёр Имангалиевнинг таъкидлашича, Марказий Осиё ва Кавказорти компанияларига бизнесни кенгайтириш ва янги бозорларга чиқиш учун узоқ муддатли сармоялар керак.

Унинг сўзларига кўра, фондни ташкил этишда иштирок этиш аъзо мамлакатлар иқтисодиётига қўшимча маблағ жалб қилиш ва минтақа компанияларининг ривожланишини қўллаб-қувватлаш имконини беради.

Эслатиб ўтамиз, аввалроқ Евросиё тараққиёт банки Ўзбекистонда кучлироқ инвестициялар ва саноат ишлаб чиқариши иқтисодий ўсишни 7,9 фоизгача ошириши мумкинлигини ёзганди.

Teglar

сармоя фонд Хитой Ўзбекистон Марказий Осиё инвестиция иқтисодиёт

Mavzuga oid

Kecha 11:28

Рекорд экспорт ортидаги ёлғон: Хитойнинг иқтисодий заифлиги яширилмоқда

Хитой экспорти 2026 йилнинг январ–сентябр ойларида 16,4 фоизга ўсди. Бироқ зарар билан ишлаётган саноат корхоналари улуши 2018 йилдан бери икки бараварга кўпайиб, 30 фоизга етган. «The Atlantic» нашри бу ҳолатни самарасиз корхоналарнинг субсидиялар ҳисобига фаолиятини давом эттириши ва иқтисодиётда «зомби компаниялар» кўпайиши билан боғламоқда.

Kecha 15:46

Нақд пулдан QR-кодгача: Қозоғистон қандай қилиб рақамли тўловлар мамлакатига айланди?

Қозоғистон йиллар давомида ўзининг банклараро ҳисоб-китоб тизимини яратиш ва илк тўлов карталарини чиқаришдан тортиб, мобил банкинг ва QR-код орқали тўлов қилишгача бўлган йўлни босиб ўтди. Бундан атиги ўн йил олдин қозоғистонликлар банк карталаридан кўпроқ нақд пул ечиб олиш учун фойдаланган. Бугун эса вазият бутунлай ўзгарган. Мамлакатда нафақат тўлов усуллари, балки одамларнинг кундалик ҳаётидаги энг оддий молиявий одатлар ҳам тубдан ўзгарди.

22.10.2026 | 17:06

Жапаров 2030-йилгача Қирғизистон иқтисодиётини қандай ўстирмоқчилигини айтди

Асосий эътибор ишлаб чиқариш лойиҳаларига узоқ муддатли инвестициялар киритишга қаратилади. Давлат банклари ва ривожланиш фондлари бизнесни молиялаштиришнинг янги усулларидан, жумладан, фонд бозори воситаларидан фаолроқ фойдаланиши керак. Бунинг учун банк фаолиятини тартибга солиш, инвестициялар ва қимматли қоғозлар бозорига оид қонунчиликни янгилаш режалаштирилмоқда.

23.10.2026 | 19:24

Тошкент халқаро молия маркази глобал индексга киритилиши мумкин — эксперт

Геосиёсий кескинликлар ва глобал хавфлар шароитида диверсификация молия институтлари учун стратегик заруратга айланмоқда. Халқаро эксперт Хубертус Ватнинг фикрича, бу Ўзбекистон ва Тошкент халқаро молия маркази учун янги имкониятлар очиши мумкин.

Kecha 09:14

Европа «уруш иқтисодиёти»га ўтиши керак — таҳлилчи

Вашингтоннинг Украинага ёрдами сўроқ остида қолаётган ва Доналд Трампнинг сиёсий қарорлари ноаниқлик туғдираётган бир пайтда, Европа ўз тақдирини ўз қўлига олишга мажбур.

23.10.2026 | 10:53

Авиачипталар 2027-йилда 20 фоизгача қимматлаши мумкин

Яқин Шарқдаги уруш ва Ҳўрмуз бўғозидаги беқарорлик сабабли авиаёқилғи бир йилда 128 фоизга қимматлашгани, шунингдек, давлатларнинг янги авиация солиқлари лоукостерларни қийин аҳволга солиб қўймоқда.