Радиоактив чиқиндиларни сақлаш маркази ташкил этилади

Kecha 13:082 daqiqa

Янги қарорга кўра, Ўзбекистонда радиоактив чиқиндиларни ташиш ва сақлаш ягона давлат муассасаси орқали амалга оширилади.

Ўзбекистонда радиоактив чиқиндиларни сақлаш маркази ташкил этилади. Бу ҳақда 2026 йил 9 февралда қабул қилинган 47-сонли Ҳукумат қарорида белгилаб қўйилган. Янги тузилма Ядро физикаси институти ҳузуридаги амалдаги радиоактив чиқиндиларни кўмиш пункти негизида шакллантирилади ва соҳада ягона хизмат кўрсатувчи давлат муассасасига айланади.

Марказ республика ҳудудида ҳосил бўладиган барча радиоактив чиқиндиларни махсус автотранспорт орқали ташиш, қабул қилиш, саралаш ва узоқ муддатли хавфсиз сақлаш жараёнларини марказлаштирилган тартибда амалга оширади. Бу орқали чиқиндилар билан муомала қилиш тизимини тизимлаштириш ва хавфсизлик стандартларини кучайтириш мақсад қилинган.

Қарорга мувофиқ, ишлаб чиқарилган ёки мамлакатга олиб кирилган, ишлаш муддати тугаган ёхуд ишдан чиққан радиоактив манбалар билан ишлаш жараёнида ҳосил бўлган чиқиндиларни қайта ишлаш ва сақлаш марказнинг асосий вазифаси этиб белгиланган. Бу йўналишда технологик ёндашувлар ва замонавий хавфсизлик талаблари жорий этилади.

Шу йилдан бошлаб радиоактив чиқиндилар билан ишлаш соҳасида мутахассислар тайёрлаш, уларнинг малакасини ошириш ва ижтимоий ҳимоясини кучайтириш чоралари кўрилади. 2026–2027 йилларда марказ ҳудудида реконструкция ва капитал таъмир ишлари, янги маъмурий бино қурилиши, чиқиндиларни саралаш лабораторияси ташкил этиш ҳамда ҳудудни ободонлаштириш режалаштирилган.

Шунингдек, радиоактив чиқиндилар билан муомала қилишнинг инновацион усулларини ишлаб чиқиш ва илмий тадқиқотлар ўтказиш кўзда тутилган. Марказ фаолиятида рақамлаштириш, ахборот технологияларини кенг қўллаш ҳамда тегишли давлат органлари билан самарали маълумот алмашинувини йўлга қўйиш устувор вазифалардан бири бўлади.

Teglar

хавфсизлик рақамлаштириш Ҳукумат қарори Ядро физикаси институти радиоактив чиқиндилар

Mavzuga oid

Kecha 20:02

Абитуриентлар учун кириш имтиҳонларида топшириладиган фанлар рўйхати тасдиқланди

Бакалавриат учун 227 йўналиш бўйича абитуриентлар қайси фанлардан тест топшириши ёки касбий-ижодий имтиҳондан ўтиши кераклиги аниқ белгиланди.

Kecha 23:35

6,9 млрд сўмга тушган панжараларнинг олиб ташланиши, янгича усулда ҳисобланадиган сув солиғи ва ҳайдовчилар учун жавобгарлик — 11 феврал дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 18:00

Меҳнат ва дам олиш қоидаларини бузган ҳайдовчилар учун жавобгарлик белгиланди

Ҳайдовчиларнинг меҳнат ва дам олиш режимига риоя этмагани сабабли йўлларда ухлаб қолиши оқибатида 2024 йилда 351 йўл-транспорт ҳодисаси содир этилиб, 189 нафар инсон ҳалок бўлган, 285 нафари эса жароҳатланган.

Kecha 22:32

Журналист Фазлиддин Меҳмонов қамоққа олинди

Vaqt.uz манбасига кўра, Demokrat.uz раҳбарига нисбатан Жиноят кодексининг 165-моддаси асосида жиноят иши қўзғатилган.

Kecha 17:20

2027 йилдан сув солиғи ҳудудга қараб ҳисобланади

2027 йилдан бошлаб сув ресурсларидан фойдаланганлик учун солиқ ставкалари ва субсидиялар миқдори суғориладиган ер майдонларининг сув билан таъминланганлик даражасига қараб белгиланади.

Kecha 16:55

Маҳаллаларда уй меҳмонхоналарини ташкил қилиш учун 150 млн сўмгача гаровсиз кредит ажратилади

Янги қарор билан оилавий тадбиркорликни ривожлантириш дастурлари доирасида маҳаллалар кесимида гаров таъминотисиз ажратиладиган кредитлар миқдори оширилди.