АҚШ тарихидаги энг йирик визаларни бекор қилиш жараёнига тайёргарлик кўрмоқда
Бу 200 минг нафар хорижликка таъсир қилади.
© EspecialАҚШ маъмурияти бошпана сўраб мурожаат қилган 200 минг нафар хорижликнинг визасини бекор қилишга тайёрланмоқда. Бу ҳақда ABC News нашрига таяниб, Nur.kz маълум қилди. Агар бу амалга ошса, ҳолат Америка Қўшма Штатлари тарихидаги энг йирик бир марталик оммавий визаларни бекор қилиш жараёни бўлади.
Нашр маълумотларига кўра, Доналд Трамп маъмурияти Қўшма Штатлардан бошпана сўраб ариза берган ёки ҳозирда бошпана излаётган хорижликларнинг ишбилармонлик ва сайёҳлик визаларини бекор қилишни режалаштирмоқда.
Давлат департаменти яқин ҳафталар ичида 2016 йилдан 2026 йилгача бўлган даврда берилган В1 ва В2 тоифасидаги визалар бекор қилинишини эълон қилиши кутилмоқда. Маълум қилинишича, ушбу ҳаракатлар Ички хавфсизлик вазирлиги билан мувофиқлаштирилган ҳолда амалга оширилади ва катта эҳтимол билан юридик тўсиқларга дуч келади.
Бекор қилиш сабаблари ва оқибатлари
«Биз Қўшма Штатларга қисқа муддатли қолиш мақсадида келиб, сўнгра доимий яшаш учун бошпана сўраб мурожаат қилган хорижликларнинг ноиммиграцион визаларини аниқлаш ва бекор қилиш учун Ички хавфсизлик вазирлиги билан ҳаракатларимизни мувофиқлаштирмоқдамиз», — дея Давлат департаменти вакили Томми Пиготт сўзларидан иқтибос келтирди нашр.
Расмийларнинг таъкидлашича, визаларнинг бекор қилиниши ушбу шахсларнинг зудлик билан депортация қилинишига олиб келмайди.
«Ҳозирда бошпана бериш тўғрисидаги ишлари кўриб чиқилаётган шахсларнинг аксарияти бошқа тоифага ўтказилади, бироқ улар ўзларининг ишбилармон ёки сайёҳ статусини йўқотади», — дейилади хабарда.
