Энг яхши микрокредит ва автокредит ставкаларини қайси банклар таклиф қилмоқда?

Марказий банк 2026-йил 22-июн ҳолатига кўра, тижорат банклари томонидан аҳолига ажратилган микроқарз ва автокредитлар бўйича ўртача фоиз ставкаларини эълон қилди.

Янги ҳафтада автокредитлар бўйича ўртача фоиз ставкаси 21,6 фоизни, микроқарзлар бўйича эса 29,1 фоизни ташкил қилди. Ўтган ҳафтада бу кўрсаткичлар мос равишда 21,5 ва 29,6 фоиз бўлганди.

Микроқарзлар

Микроқарзлар сегментида энг паст фоиз ставкаси 23 фоиз билан «Aloqabank»да қайд этилди. Кейинги ўринларда «Asia Alliance Bank» 24,4 фоиз, «InFinbank» 24,7 фоиз, «Milliy bank» ва «Trastbank» 25 фоиздан ставка билан жойлашди.

Шунингдек, «BRB» 26 фоиз, «Turonbank» 26,4 фоиз, «Agrobank» 26,5 фоиз, «Xalq banki» ва «Mikrokreditbank» 26,6 фоиздан, «OFB» 26,9 фоиз, «Asakabank» 27 фоиз, «SQB» 27,3 фоиз ҳамда «Poytaxt bank» 27,4 фоиз ставка билан микроқарз таклиф қилмоқда.

Юқори сегментда «Garant bank» 29,1 фоиз, «Madad Invest bank» 30 фоиз, «Universal bank» 30,2 фоиз, «Hamkor bank» 30,3 фоиз ва «Apex Bank» 30,9 фоиз ставка таклиф қилмоқда.

Энг юқори ставкалар «Ipoteka bank» 32,9 фоиз, «Ipak Yo‘li banki» 33,6 фоиз, «Davr bank» 34,4 фоиз, «TBC Bank» 35,9 фоиз, «Uzum Bank» 38 фоиз, «AVO Bank» 39,9 фоиз, «Anor bank» 40,9 фоиз ва «Tenge bank» 42,4 фоизда қайд этилди.

Автокредитлар

Автокредитлар бўйича энг паст ставка 18,6 фоиз билан «BRB»да қайд этилди. Кейинги ўринларда «Apex Bank» 19,5 фоиз, «InFinbank» 19,8 фоиз, «Гарант банк» 19,9 фоиз ва «Aloqabank» 20,7 фоиз ставка билан жойлашди.

Шунингдек, «SQB» 21,3 фоиз, «Davr bank» 21,5 фоиз, «Ipak Yo‘li banki» 21,7 фоиз, «Mikrokreditbank» 22,1 фоиз, «Ipotekabank» 22,4 фоиз, «Asakabank» ва «OFB» 22,5 фоиздан ставка билан автокредит ажратмоқда.

Ўрта сегментда «Milliy bank» 23,7 фоиз, «Trastbank» 23,9 фоиз, «Xalq banki» 24 фоиз, «Agrobank» 24,5 фоиз, «Asia Alliance Bank» ва «Turonbank» 24,9 фоиздан ставка таклиф қилмоқда.

Маълумотларга кўра, банклар орасида энг юқори автокредит ставкаси 26 фоиз билан «Hamkorbank»да қайд этилган.