Энг яхши микрокредит ва автокредит ставкаларини қайси банклар таклиф қилмоқда?
Марказий банк мамлакатдаги тижорат банклари таклиф қилаётган микроқарз ва автокредитларнинг янгиланган фоиз ставкаларини маълум қилди.
© invezz.comМарказий банк мамлакатдаги тижорат банклари томонидан аҳолига ажратилаётган микроқарз ва автокредитлар бўйича ўртача фоиз ставкаларини янгилади. 2026 йил 28 сентябрь ҳолатига микроқарзлар бўйича ўртача фоиз ставкаси 28,2 фоизни, автокредитлар бўйича эса 21,5 фоизни ташкил этди. Ўтган ҳафтада бу кўрсаткичлар мос равишда 29 ва 21,9 фоиз бўлганди.
Микроқарз ставкалари
Микроқарзлар сегментида энг паст фоиз ставкаси 21,8 фоиз билан «Mikrokreditbank»да қайд этилди. Кейинги ўринларда «Infinbank» — 24,0 фоиз, «Asia Alliance bank» — 24,2 фоиз, «Trastbank» — 24,5 фоиз ҳамда «Agrobank», «Milliy bank» ва «Aloqabank» — 24,9 фоиз ставка билан жойлашди.
Шунингдек, «Universal bank» 25,2 фоиз, «SQB» 26,0 фоиз, «Asaka bank» ва «Xalq banki» 26,5 фоиз, «Kapital bank» 27,0 фоиз, «BRB» 27,1 фоиз ҳамда «Poytaxt bank» 27,4 фоиз ставкада микроқарз таклиф қилмоқда.
«OFB»да микроқарз ставкаси 28,3 фоиз, «Garant bank»да 29,5 фоиз, «Hamkorbank»да 30,2 фоиз, «Apex bank»да 30,5 фоиз ва «Madad Invest bank»да 31,4 фоизни ташкил этмоқда.
Юқори ставкалар «Anor bank»да 33,9 фоиз, «Ipoteka bank»да 34,2 фоиз, «Davr bank»да 34,4 фоиз, «Tenge bank»да 35,3 фоиз, «Ipak yuli bank»да 35,5 фоиз, «Uzum bank»да 38,0 фоиз ва «AVO bank»да 39,9 фоиз билан қайд этилган. Энг юқори ставка «TBC bank»да — 40,7 фоиз.
Автокредит ставкалари
Автокредитлар бўйича энг паст ставка 18,6 фоиз билан «Aloqabank» ва «Asaka bank»да қайд этилди. Кейинги ўринларда «Ipoteka bank» — 20,0 фоиз, «Apex bank» — 20,2 фоиз ҳамда «Milliy bank» — 20,4 фоиз ставка билан жойлашди.
Шунингдек, «SQB» 21,7 фоиз, «Ipak yuli bank» 21,9 фоиз, «TBC bank» 22,0 фоиз, «Hamkorbank» 22,1 фоиз ва «Turon bank» 22,3 фоиз ставкада автокредит ажратмоқда.
«Poytaxt bank»да ставка 22,6 фоиз, «OFB»да 23,1 фоиз, «Garant bank»да 23,2 фоиз, «Trastbank» ва «Mikrokreditbank»да 23,5 фоизни ташкил этмоқда.
Юқори сегментда «Xalq banki» 24,0 фоиз, «Agrobank» 24,7 фоиз, «Davr bank» ва «Asia Alliance bank» 25,2 фоиз ставка таклиф қилмоқда. Бу автокредитлар бўйича рўйхатдаги банклар орасидаги энг юқори кўрсаткичдир.
Эслатиб ўтамиз, аввалроқ январ–август ойларида «Маҳалла лойиҳаси» доирасида ҳудудларга жами 14,76 трлн сўм кредит ажратилганлиги ҳақида маълумот берилганди. 2025 йилнинг мос даврида бу кўрсаткич 10,02 трлн сўмни ташкил этган. Яъни бу 47,3 фоиз ўсиш дегани. Кредитлаш ҳажми бўйича эса Тошкент шаҳри етакчилик қилмоқда.
