Мирзиёев Тўқаевни янги Қурултой сайлови билан табриклади

Бугун 09:321 дақиқа

Ўзбекистон президенти Қозоғистондаги парламент сайловлари якунлари муносабати билан Тўқаевга мактуб йўллади.

Мирзиёев Тўқаевни янги Қурултой сайлови билан табриклади

Президент Шавкат Мирзиёев Қозоғистон Республикаси Президенти Қосим-Жўмарт Тўқаевга мактуб йўллаб, мамлакатнинг янгиланган парламенти — Қурултойга сайловлар муваффақиятли ўтказилгани билан самимий табриклади.

Давлатимиз раҳбари ушбу тарихий воқеа Қозоғистон сиёсий тизимини такомиллаштириш, давлат бошқаруви самарадорлигини ошириш ва парламент ролини сезиларли даражада кучайтиришда янги босқични бошлаб берганини таъкидлади.

Мактубда Сайловларда фуқароларнинг фаол иштироки Қосим-Жўмарт Тўқаев раҳбарлигида амалга оширилаётган, Қозоғистоннинг барқарор тараққиётини таъминлаш, унинг халқаро майдондаги нуфузи ва таъсирини янада оширишга қаратилган кенг кўламли конституциявий ва ижтимоий-сиёсий ислоҳотлар халқ томонидан кенг қўллаб-қувватланаётганининг ёрқин тасдиғи экани қайд этилди.

Мирзиёев асрлик дўстлик ва яхши қўшничилик ришталари билан боғланган қардош қозоқ халқи заминида амалга оширилаётган янгиланишларнинг юксак натижаларидан самимий мамнун эканини билдирди.

Шунингдек, Ўзбекистон ва Қозоғистон парламентлари ўртасидаги яқин ҳамкорлик икки дўст мамлакат ўртасидаги стратегик шериклик ва иттифоқчилик муносабатлари руҳида янги сифат босқичига кўтарилишига ишонч билдирилди.

Мактуб якунида Шавкат Мирзиёев Қосим-Жўмарт Тўқаевга мустаҳкам соғлик, фаровонлик ва давлатчилик фаолиятида катта муваффақиятлар, қардош Қозоғистон халқига эса тинчлик ва равнақ тилади.

Теглар

Қозоғистон парламент Қурултой Шавкат Мирзиёев сайлов Қасим-Жомарт Тоқаев

Мавзуга оид

Кеча 20:45

Уй-жойлардан банк ва заводларгача: Ўзбекистон хусусийлаштиришининг 35 йили

Мустақилликнинг илк йилларида хусусийлаштириш, аввало, одамларни уй-жой ва кичик бизнес эгасига айлантирди. 2017 йилдан кейинги тўлқин эса банк, кимё, цемент, автомобилсозлик, тўлов тизими ва телекоммуникациядаги йирик активларга етиб борди. Рекорд савдо ҳажмлари ислоҳот тезлашганини кўрсатади. Аммо улар давлатнинг иқтисодиётдаги оғирлиги кескин камайганини ҳали англатмайди.

Кеча 14:36

Илҳом Алиев рафиқаси билан Ўзбекистонга келди

Уларни президент Шавкат Мирзиёев ва биринчи хоним Зироат Мирзиёева кутиб олди.

22.08.2026 | 20:55

Мустақилликнинг 35 йиллиги муносабати билан вазирлар, ҳокимлар ва бошқа давлат хизматчиларидан бир гуруҳи мукофотланди

Қашқадарё вилояти ҳокими Мурод Азимов, Фарғона вилояти ҳокими Хайрулло Бозоров ва Тошкент шаҳар ҳокими Шавкат Умурзоқов «Фидокорона хизматлари учун» ордени билан тақдирланди.

Кеча 18:10

Ўзбекистон ва Озарбайжон президентлари Олий давлатлараро кенгашнинг учинчи йиғилишини ўтказди

Йиғилиш доирасида янги кооперация лойиҳаларини бажаришга старт берилади. Бундай ташаббусларни қўллаб-қувватлаш мақсадида қўшма инвестиция компанияси маблағларини фаол жалб этиш муҳимлиги таъкидланди. Икки мамлакат ўртасидаги ўзаро боғлиқликни кучайтириш, Ўрта йўлакни биргаликда ривожлантириш зарурлиги кўрсатиб ўтилди.

22.08.2026 | 20:12

Тошкент вилояти ҳокими қаерда дам олади? Зойир Мирзаев ички туризм ва нархлар ҳақида

21-август куни Паркент туманида ўтказилаётган «Узум сайли» фестивалида Зойир Мирзаев Vaqt.uz мухбирига интервю берди. Суҳбат давомида вилоят раҳбари ички туризм ҳолати, дам олиш масканларидаги нархлар ҳамда ўзи қаерда ҳордиқ чиқариши ҳақида гапирди.

Кеча 19:00

Кредит реструктуризацияси: қандай қилиб кредитни вақтинча тўламаслик мумкин?

Молиявий қийинчиликка учраган қарздор банкдан кредит муддатини узайтириш, фоиз ставкасини қайта кўриб чиқиш ёки жарима ва пеняларни камайтиришни сўраши мумкин. Банк бундай аризани қабул қилиш, ўзининг очиқ мезонлари асосида кўриб чиқиш ва рад этса, қарорини асослантиришга мажбур. Бироқ мурожаатнинг ўзи қарздорга автоматик равишда имтиёз берилишини англатмайди.