Нодавлат боғчалардаги айрим болалар учун тўловнинг бир қисми давлат ҳисобидан қопланади

27.10.2025 | 09:352141

Янги Низомга кўра, камбағал оилалар реестрига киритилган оилалар фарзандлари тарбияланаётган оилавий нодавлат боғчаларга ота-оналар тўловининг бир қисми Давлат бюджетидан қоплаб берилади.

Нодавлат боғчалардаги айрим болалар учун тўловнинг бир қисми давлат ҳисобидан қопланади

Адлия вазирлиги маълумотига кўра , «Камбағал оилалар реестрига киритилган оилаларнинг фарзандларини қабул қилган оилавий нодавлат мактабгача таълим ташкилотларига ушбу болалар таъминоти учун ота-оналар тўловининг бир қисмини Давлат бюджетидан қоплаб бериш тартиби тўғрисида»ги низом 2025 йил 23 октябрда давлат рўйхатидан ўтказилди.

Ҳужжатга мувофиқ, нодавлат мактабгача таълим ташкилотларида тарбияланаётган, камбағал оилалар рўйхатига киритилган болалар учун ота-оналар тўловининг бир қисми давлат ҳисобидан қоплаб берилади. Бунда болалар рўйхати махсус ахборот тизими орқали автоматик равишда шакллантирилади.

Низомга кўра, компенсация ҳудуддаги 9 соатлик иш режимидаги умумий турдаги давлат боғчалари учун белгиланган ота-оналар тўловининг 40 фоизи миқдорида ажратилади. Бу маблағлар оилавий мактабгача таълим муассасасига тўғридан тўғри ўтказилади.

Компенсация ҳақиқатда боғчага қатнаётган болалар сонидан келиб чиқиб белгиланади, аммо у муассаса билан Мактабгача ва мактаб таълими вазирлиги ўртасидаги битимда назарда тутилган ўринларнинг 15 фоизидан ошмаслиги керак.

Мазкур механизм нодавлат сектордаги таълим муассасалари учун қўшимча молиявий ёрдам бўлиб, камбағал оилалар фарзандларига сифатли таълимдан баҳраманд бўлиш имконини оширади.

Теглар

камбағал оилалар мактабгача таълим нодавлат боғча давлат компенсацияси

Мавзуга оид

30.10.2025 | 08:38

Президент ижтимоий суғурта тизимини такомиллаштириш бўйича таклифларни маъқуллади

2026 йилдан бошлаб расмий банд бўлган барча шахсларга нафақалар босқичма-босқич Ижтимоий ҳимоя жамғармаси томонидан тўланиши йўлга қўйилади.

28.10.2025 | 14:00

Самарқандда 5 гектар майдонда «UNESCO боғи» барпо этилади

UNESCO Бош конференциясининг 43-сессияси муносабати билан Самарқанд шаҳрида боғ ташкил этилади.

31.10.2025 | 20:54

Судандаги қонли қирғин давом этмоқда: шифохонадаги 460 киши отиб ўлдирилди

Ал-Фаширдаги ягона ишлаётган шифохона босиб олиниб, «Тезкор ҳаракат кучлари» жангчилари томонидан беморлар, уларнинг яқинлари ва тиббиёт ходимлари оммавий равишда отиб ўлдирилди.

Бугун 20:57

Украинадаги ёш йигитлар мамлакатни оммавий тарк этишмоқда

Бу тобора мураккаблашиб бораётган вазиятга жиддий хавф туғдириши мумкин.

30.10.2025 | 15:24

Тошкент мактабларида ниқоб тақиш мажбурий эмас — ССВ

Соғлиқни сақлаш вазирлиги мактабларда ниқоб тақиш режими жорий этилгани ҳақидаги хабарларни рад этди.

Кеча 15:20

Малдив ороллари авлодлар орасида сигарета тақиқини жорий этди

Малдив ороллари дунёда биринчи бўлиб 2007 йил 1 январдан кейин туғилган шахсларга тамаки маҳсулотларини сотиш, сотиб олиш ёки фойдаланишни тўлиқ тақиқлади. Мамлакат «авлодлар орасидаги сигарета тақиқини» амалга оширган ягона давлатга айланди.