Ўзбекистон иқтисодиётида сўнгги беш йилдаги энг юқори натижа қайд этилди

Бугун 08:001 дақиқа

Марказий Осиё иқтисодиёти жадал ўсишда давом этмоқда. Ўзбекистон ярим йиллик натижа бўйича минтақа давлатлари орасида иккинчи ўринни эгаллади.

Ўзбекистон иқтисодиётида сўнгги беш йилдаги энг юқори натижа қайд этилди

2026 йил биринчи ярмида Ўзбекистон иқтисодиёти 8,5 фоизга ўсди. Бу Марказий Осиёдаги энг юқори кўрсаткичлардан бири бўлиб, республика фақат Қирғизистондан ортда қолди. Бу ҳақда Евроосиё тараққиёт банкининг сентябр ойидаги макроиқтисодий шарҳида маълум қилинди.

Минтақа иқтисодиёти умумий ҳисобда 6 фоизга ўсган. Қирғизистонда ўсиш 11,1 фоизни, Тожикистонда 8,2 фоизни, Қозоғистонда эса 4,1 фоизни ташкил этган. ЕАБР баҳосига кўра, Ўзбекистоннинг ярим йиллик 8,5 фоизлик ўсиши сўнгги беш йилдаги энг юқори натижа бўлган.

Ўзбекистонда ўсишнинг асосий драйверлари хизматлар соҳаси, саноат ва қурилиш бўлган. ЕАБР таҳлилчилари 2026 йил якунида мамлакат ялпи ички маҳсулоти қарийб 8 фоизга ўсишини таҳмин қилмоқда.

Инфляция ҳам пасаймоқда

Қайд этилишича, Ўзбекистонда инфляция мақсадли кўрсаткич сари секинлашишда давом этмоқда.

Шунингдек, жаҳон бозорида энергия манбалари ва озиқ-овқат маҳсулотлари нархининг ошиши Тожикистон ва Қирғизистонда инфляциянинг тезлашишига олиб келган.

Қозоғистонда эса юқори ставка ҳамда Ҳукумат ва Миллий банкнинг биргаликдаги чора-тадбирлари инфляцияни 2025 йил охиридаги 12,3 фоиздан август ойида 9,8 фоизгача секинлаштириш имконини берган.

Теглар

ЕАБР МарказийОсиё ўсиш инфляция Ўзбекистон иқтисодиёт

Мавзуга оид

Кеча 18:02

Кредит ундирилганда картада камида 680 минг сўм қолдирилиши мумкин

Марказий банк кредит ёки кафиллик тўловларини мижознинг рухсатисиз унинг банк карталаридан ундираётганда, ҳисобда камида 680 минг сўм сақлаб қолишни таклиф қилмоқда. Бироқ кредит шартномасида кўрсатилган ёки мижознинг ўзи тўлов учун бириктирган карталар бу талабдан мустасно бўлади.

Кеча 23:00

Жарима ёзадиган инспекторлар, «свет»сиз қолган «Бунёдкор» ва 6 ойда қамалган 11 минг киши — 7 сентябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 18:40

Жон бошига 6,5 минг доллар: Ўзбекистон 2030-йилгача 300 млрд долларлик иқтисодиётга айлана оладими?

2030-йилгача иқтисодиётни 300 млрд долларга етказиш мақсади қўйилди. Vaqt.uz халқаро прогнозлар, иқтисодчилар фикри ва Марказий Осиё давлатларининг кўрсаткичларини таҳлил қилиб, бу марранинг қанчалик реал эканини ўрганди.

Кеча 19:34

БҲМ ошди: унинг ўсиши инфляция ва аҳоли даромадларига қандай таъсир қилади?

Ўзбекистонда сўнгги етти йилда БҲМ 223 минг сўмдан 440 минг сўмгача ошиб, қарийб икки баравар кўпайди. Айрим йилларда унинг ўсиши инфляциядан юқори бўлди, бу эса БҲМга боғланган тўловлар миқдорини ҳам оширди. Vaqt.uz БҲМнинг белгиланиши, унинг инфляция ҳамда даромадларга таъсирини ўрганди.

06.09.2026 | 09:00

Ўзбекистонда энг кўп қайси автомобиллар ишлаб чиқарилмоқда?

2026-йилнинг январ–июл ойларида мамлакатда турли русумдаги 263 731 дона енгил автомобиль ишлаб чиқарилган.

Кеча 15:27

Президент суюлтирилган газ таъминотидаги узилишларни бартараф этиш бўйича топшириқ берди

Ўзбекистонда суюлтирилган газ таъминоти тизимини босқичма-босқич ислоҳ қилинади. Шавкат Мирзиёев тақсимотда шаффофликни таъминлаш, сунъий тақчиллик ва асоссиз нарх ошишининг олдини олиш бўйича топшириқлар берди.