Ўзбекистон Россия ва Туркманистондан газ харидини кескин кўпайтирди

02.10.2026 | 20:511 дақиқа

Мамлакат газ ва пропан харидини кўпайтирмоқда.

Ўзбекистон Россия ва Туркманистондан газ харидини кескин кўпайтирди

Ўзбекистон 2026 йилнинг январь–август ойларида Россия ва Туркманистондан табиий газ импортини 15,2 фоизга оширди. Импортнинг умумий қиймати 1,21 млрд долларга етди. Бу ҳақда Миллий статистика қўмитаси матбуот хизмати хабар берди.

Қайд этилишича, январь–август ойларида Ўзбекистон Россия ва Туркманистондан 1,21 млрд долларлик табиий газ импорт қилган. Шундан 124,3 млн доллари суюлтирилган газ — пропан харидига тўғри келган. Пропан импорти ўтган йилнинг мос даврига нисбатан 3,5 баробар ошган.

Маълумотларга кўра, газ импорти қиймати январь ойида 167,6 млн доллар, февралда 34,6 млн доллар, мартда 158,3 млн доллар ва апрелда 147,8 млн долларни ташкил этган.

Май ойида импорт ҳажми қиймат жиҳатидан 216,4 млн долларга, июнда эса йил бошидан буён энг юқори кўрсаткич — 247 млн долларга етган.

Июль ойида Россия ва Туркманистондан газ хариди кескин камайиб, 38,3 млн долларга тушган. Августда эса импорт яна ўсиб, 206,1 млн долларга етган. Шу тариқа, август ойидаги газ импорти июль ойига нисбатан қарийб 5,4 баробар кўпайган.

Эслатиб ўтамиз, Миллий статистика қўмитаси маълумотларига кўра, 2026 йилнинг январь–август ойларида Ўзбекистон ташқи савдо айланмаси 57,4 млрд долларни ташкил этган. Мамлакатнинг умумий импорти эса 34,5 млрд долларга етган.

Теглар

газ энергетика Туркманистон табиий газ газ импорти пропан ташқи савдо Россия Ўзбекистон иқтисодиёт.

Мавзуга оид

Кеча 17:37

Ўзбек тўқимачилиги учун янги бозор: АҚШга экспорт йўлида қандай имконият ва тўсиқлар бор?

Ўзбекистон тўқимачилик саноати сўнгги йилларда хом ашё экспортидан тайёр маҳсулот ишлаб чиқаришга ўтиш йўлида сезиларли натижаларга эришди. Бироқ экспорт ҳажмини ошириш, айниқса, АҚШ, Европа Иттифоқи каби йирик бозорларга чиқиш осон кечмаяпти. Россия–Украина уруши ортидан халқаро юк ташиш йўналишларида юзага келган мураккабликлар, транспорт харажатлари ва етказиб бериш муддатлари билан боғлиқ ноаниқликлар ўзбек экспортчилари олдига янги вазифаларни қўймоқда. Шундай шароитда Ўзбекистон маҳсулотлари Америка бозорида ўз ўрнини топа оладими? Бунинг учун нималарни ўзгартириш керак? Тўқимачилик соҳасида 11 йиллик тажрибага эга, ҳозирда Ўзбекистон ва АҚШ ўртасида тўқимачилик савдоси кўпригини қураётган тадбиркор Камолхон Касимовнинг фикрлари ва амалий тажрибаси асосида ушбу саволларга жавоб изладик.

Кеча 21:07

Газлаштирилмаган ҳудудларда электр энергиясининг базавий меъёри 350 кВт·соатга оширилиши режалаштирилмоқда

Вазирлар Маҳкамаси томонидан муҳокамага чиқарилган қарор лойиҳасига кўра, газлаштирилмаган ва табиий газ етиб бориши қийин бўлган ҳудудларда яшовчи аҳоли учун иситиш мавсумида электр энергиясининг ойлик базавий меъёри амалдаги 200 кВт·соатдан 350 кВт·соатга оширилади. Газлашган ҳудудларда меъёр 200 кВт·соатлигича қолади.

12.10.2026 | 20:03

Турдимовнинг ўрнига Сирдарёга янги ҳоким келди

Дониёр Қодиров Сирдарё вилояти ҳокими вазифасини бажарувчи этиб тайинланди.

12.10.2026 | 22:38

Ўзбекистоннинг янги мудофаа вазири, Сирдарёнинг янги ҳокими ва арзонлашган маҳаллий рейслар — 12 октябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 14:25

10 млрд сўмга яқин давлат харидларида қонунбузилиш ҳолатлари аниқланди

Рақобат қўмитаси бир қатор ҳудудлардаги давлат харидларида рақобатни чеклаш ҳолатларини аниқлаб, қоидабузарликларга йўл қўйган буюртмачи ташкилотларга нисбатан чоралар кўрди.

Кеча 22:01